مجرد ونسة
الناس عادة ما بتفرق بين المسببات وبين المبررات
لبس البت ليس مبرر للتحرش.. والمتحرش غلطان في كل حالة.. وارتكب جرم شنيع يتعفف عنه كل ذي مروءة
نقطة
لكن لبس البت سبب من عدة أسباب تانية كتيييرة..وهو واحد من الأسباب المهمة.
نحن ممكن لي بكرة نقول البت لو لابسة أسوأ لبس++

ما مفروض زول يتحرش بيها
بس ده ما الواقع.. نحن مافي الجنة.. دي دنيا زبالة زي ما فيها ناس كويسين شديد فيها حثالة ومرض وناس ضعيفين همة وإرادة وشباب مفتون ومراهقين تعبانين ومريضي قلوب...الخ
والتحرش ما حيقيف بقوانين رادعة بس.. لكن إنتي كبت ممكن تقللي فرصة/نسبة التحرش بيك بشكل مقدر+

إذا التزمتي باللباس الشرعي المحتشم الربنا أمرك بيه.
وإذا ضبطتي سلوكياتك شوية وما خضعتي بالقول -اتمايعتي في الكلام- أو اتمايعتي في التصرفات وبعدتي عن الأماكن البيغلب على ظنك فيها إنو فيها نسبة عالية من الشباب الصعاليق -إلا إذا مضطرة ده موضوع تاني-
لاحظوا لكلامي+

قلت بتقل نسبة التحرش لدرجة كبيرة.. مش حتنعدم تماما.
يعني بدل ما كان حيكون الشاب المفتون والمراهق وضعيف الإرادة يتحرشوا بيك حيتحرش بيك الزول المريض فقط. لأنو ده زول عيان ما بفرق معاه محجبة ومنقبة ولا غيره.
لكن حتى ده حيكون أقل جرأة على المحجبة وأكثر جرأة على الاكثر تكشفا +

كلامي ده نصيحة أخ مشفق
لا إستعلاء ولا تبرير للغلط ولا قصدي حاجة غير إني عايز أخواتنا يكونوا مصونات ومحفوظات وفي نفس الوقت ماشات في برامجهم العلمية والعملية بكل توفيق وسؤدد ورأس مرفوعة.
يا شباب
احفظوا الله يحفظكم
في قلوبكم وجوارحكم