ازاي تحمي اولادك من الناس المريضة المتحرشة (ثريد)
١- اهم حاجة معامل الشك العالي … الاطفال مَش هتيجي تقولك صراحةً فلان ده عمل كذا او انا متضايق عشان كذا حصل … غالباً هيلمح بس (هيقولك مثلاً عمو ده مابحبوش او غلس او اي تلميح تاني)
معامل الشك العالي انك ماتفوتش الجملة كده ، بالراحة جداً حاول تفهم ابعاد الجملة البسيطة دي
معامل الشك العالي انك ماتفوتش الجملة كده ، بالراحة جداً حاول تفهم ابعاد الجملة البسيطة دي
من غير ما تخضه او تزعقله كده بالراحة مع ابتسامة (ليه يا حبيبي ؟) … خليه يتكلم واديله الفرصة كاملة واسأله نفس السؤال كذا مره بطريقة مختلفة … كل مره هيوضح تفاصيل اكتر ، تحللها انت ، وتحاول توصل للصورة كاملة بكل تفاصيلها، يعني انت اللي هتسحب منه المعلومة هو هيتكسف او هيبقي خايف
٢- مفيش حد بعيد عن الشبهات … يعني لو قالك جدو، خالو، عموه، بابا نفسه، السواق، البواب، حارس المدرسة، المدرسيين، اصحابه، اي انسان مهما كانت قدسيته ومكانته ماتخليكش تستبعد عنه الشبهات
=مهما كان العمر (الراجل العجوز اللي ضهره متني وشعره ابيض ، الطفل اللي لسه عنده ٧ سنين)
=مهما كان العمر (الراجل العجوز اللي ضهره متني وشعره ابيض ، الطفل اللي لسه عنده ٧ سنين)
= مهما كان الشكل (النضيف الارستقراطي والغلبان اللي مَش لاقي ياكل)
ما تنكرش كلامه عشان تفكيرك مَش جايبك لتصور (ازاي راجل عنده ٨٠ سنة يبقي متحرش باطفال!! او ازاي شيخ الجامع اللي بيحفظ قرأن ودروس دين ومثال التقوي يعمل كده!! مستحيل)
ابنك / بنتك صادق وانت اللي محتاج تثبت العكس
ما تنكرش كلامه عشان تفكيرك مَش جايبك لتصور (ازاي راجل عنده ٨٠ سنة يبقي متحرش باطفال!! او ازاي شيخ الجامع اللي بيحفظ قرأن ودروس دين ومثال التقوي يعمل كده!! مستحيل)
ابنك / بنتك صادق وانت اللي محتاج تثبت العكس
٣- عمرك ما تلومه او تحسسه بندم انه جه حكالك اي كبيرة او صغيرة ، انت الحيطة الوحيدة اللي بيتحامى فيها … انت مصدر ثقته في نفسه والملجأ الامن ، لو لقي انك بتسفه كلامه او بتستخف بيه او بتلومه مَش هيرتاح انه يجي يحكيلك
انت دايماً في صفه مَش ضده
لو هو علي حق هتجيبله حقه (لازم)
انت دايماً في صفه مَش ضده
لو هو علي حق هتجيبله حقه (لازم)
=لو غلطان مفيش عقاب عشان جه اعترف بالعكس تشجعه ان لما يغلط انت اللي هتحلله المشكلة وهتفهمه ازاي مايوقعش في نفس الغلط وليه ده غلط
=لو ليه حق ماينفعش حقه يضيع ومايشوفش تصرف ايجابي منك(عشان مايتعلمش السلبية وعشان ثقته فيك وفِي نفسه ما تروحش) انا عارف اني لما اكون علي حق حقي مابيروحش
=لو ليه حق ماينفعش حقه يضيع ومايشوفش تصرف ايجابي منك(عشان مايتعلمش السلبية وعشان ثقته فيك وفِي نفسه ما تروحش) انا عارف اني لما اكون علي حق حقي مابيروحش
٤- الاطفال خوافة جداً وخجولة … مَش هيعرف يوقف حد عند حده … لازم يشوفك انت الاول بتعمل ايه فيتعلم منك، (خالو جه واقعده علي حجره وبيبوس فيه قدامنا كلنا ، السواق عمال يفعص في كتاف بنتك وهو بيركبها العربية بهزار ولعب) … شخطة حلوة كده "يا فلان ماتعملش كده!!"
لو انت تتكسف او تخاف تزعق يبقي مستني منه هو ايه
= المتحرش ممكن يعمل كده مع الطفل اودام الاهل عشان يوريه انه اهو اودام بابا وماما وشايفين ومابيعملوش حاجة وبعدين يتمادى في الخفاء
= المتحرش ممكن يعمل كده مع الطفل اودام الاهل عشان يوريه انه اهو اودام بابا وماما وشايفين ومابيعملوش حاجة وبعدين يتمادى في الخفاء
٥- تنمية رد فعل ثابت عند الطفل ، يعني اي حد ايده تتمد مفيش تفكير (زق ايده ) ماتستناش ، فالشارع فالمدرسة فالنادي فالجامع … يبقي اول حاجة بيعملها هو تصرف الرفض ده مَش هيدي مجال للتمادي
لو بداية التحرش لمسه وعديتها هتلاقي الموضوع بيتدرج فصعب تاخد اكشن مع صدمة التمادي
لو بداية التحرش لمسه وعديتها هتلاقي الموضوع بيتدرج فصعب تاخد اكشن مع صدمة التمادي
٦- لازم ابنك / بنتك يعرف يقول (لأ) بكل صرامة … مفيش انسان اتأذي عشان قال لأ بس حاضر ممكن تودي في داهية … حد طلب منه طلب 👈🏻لأ … وبعدين نسأل بابا او نسأل ماما ينفع نعمل لفلان كذا ؟
= لازم تعلمه ازاي ينفذ كلمة (لأ) … حد طلب منك توريه حاجة او تيجي معاه مكان … لأ وبعدين مفيش نقاش امشي وسيبه ، اجري علي بابا او ماما او حد تعرفه ، لأ وعيط ، لأ وزعق ، لأ واديله بالشلوط حتي
٧- المراقبة : ايوه احنا عايشين في مجتمع فيه ناس مريضة كتير جداً للأسف، هل بيبان عليهم؟ لأ … الدكتور اللي زي العسل الطيب ، المدرس المحترم الوقور ، الراجل المسن ابو دم خفيف، الطفل اللي سنه صغير مستحيل يكون بيفكر في الحاجات دي ، الدادة الغلبانة اللي بتجري علي اكل عيشها
لو معندكش high suspicion مَش هتشوف حاجات كتير
= المراقبة انك ما تتدخلش علي طول ، ابنك بيواجه موقف راقبه من بعيد شوف بيتصرف ازاي؟ ((مش فالتحرش)) … اعرف بيكون رد فعله عامل ازاي عشان تعرف طبيعته ولو محتاج توجيه تكتشف ايه التوجيه اللي محتاجه
= المراقبة انك ما تتدخلش علي طول ، ابنك بيواجه موقف راقبه من بعيد شوف بيتصرف ازاي؟ ((مش فالتحرش)) … اعرف بيكون رد فعله عامل ازاي عشان تعرف طبيعته ولو محتاج توجيه تكتشف ايه التوجيه اللي محتاجه
٨- الولد والبنت في نفس الخطر من التحرش … ماتطمنش عشان ابنك ولد او تبقي over protective عشان عندك بنت
٩- مفيش مانع تعلمه شوية عن جسمه والعيب والغلط … المناطق الحساسة فين في جسمه اللي مينفعش حد يشوفها او يلمسها
ايه التصرفات الغلط والصح من الكبار ؟ ومن مين ؟ والفرق بين التصرفات اللي اودامنا ومن ورانا؟
ايه التصرفات الغلط والصح من الكبار ؟ ومن مين ؟ والفرق بين التصرفات اللي اودامنا ومن ورانا؟
١٠- اخيراً ربنا الحافظ وكل الحاجات دي اسباب ، خد بالاسباب واعمل اللي عليك وادعي ربنا يحفظهم … بس ما تتهاونش وترجع تندم
١١- لكل شيخ طريقة ولو دارس طريقة احسن او عندك خبرة احسن ازاي تحمي اولادك يبقي كويس وانفع بيها غيرك .. الهدف واحد ولو الطرق مختلفة
١١- لكل شيخ طريقة ولو دارس طريقة احسن او عندك خبرة احسن ازاي تحمي اولادك يبقي كويس وانفع بيها غيرك .. الهدف واحد ولو الطرق مختلفة
١١- معلش حابب ازود حتة بمناسبة التحرش الالكتروني … ابسط حاجة توريهم القصص والمصايب اللي بتحصل هنا سواء ابتزاز او ضغط نفسي وعاطفي والنتيجة بتكون ايه بعدها ، عشان يعرفوا خطورة الموقف وان في ثانية الشخص اللذيذ اللي بنكلمه بيتحول لواحد بيهددنا بالشات والصور ويبتزنا
جاري تحميل الاقتراحات...