🚨منحه الحكومه الهنغارية🚨
اكثر من 5000 طالب ل70 دوله منها السودان
مموله بالكامل fully funded
شامله جميع التخصصات
(للبكالريوس/الماستر/الدكتوراه)
اكثر من 5000 طالب ل70 دوله منها السودان
مموله بالكامل fully funded
شامله جميع التخصصات
(للبكالريوس/الماستر/الدكتوراه)
العاصمة بودابست مشهورة بجمالها الطبيعي واسلوب البناء المعماري البيرجع للعصور الوسطى زي بوخارست عاصمة رومانيا الاتكلمنا عنها في ثريد سابق
مدينة Taploca من أجمل مدن هنغاريا وقدرت تجذب عدد كبير من السياح لهدوئها وجاذبيتها
كلنا كان عندنا او على الاقل حاولنا نحل مكعب روبيك او Rubik’s cube الانتشر بصورة كبيرة حول العالم واتعملت ليه مسابقات عالمية لمنو البقدر يحلو في اسرع وقت , المكعب من اختراع البروفيسور الهنغاري ارنو روبيك في عام 1974
هنغاريا معروفة بانجازات علماء بارزين قدرو يفوزو ب 18 جائزة نوبل منهم العالم Albert Szent-Györgyi الفاز بجائزة نوبل في عام 1937 بعد اكتشافه لفيتامين سي
بالنسبة للتعليم فهنغاريا دولة متوسطة مقارنة بالدول الاوروبية التانية وفيها 31 جامعة افضلهم جامعة Eötvös Loránd بتحتل المركز 588 في قائمة أفضل الجامعات في العالم
نجي للمنحة الحكومية الهنغارية أو Stipendium Hungaricum , برنامج المنح دا لمن بدا في 2013 كان بيدي 700 مقعد بس لحدي ما الحكومة قررت انها دايرة تزيد عدد الطلاب الاجانب لحدي ما وصل عدد المقبولين السنة دي لاكتر من 5000 طالب
المنحة الهنغارية ممولة تمويل كامل وبتغطي كل الرسوم الدراسية الجامعية ورسوم الاقامة في السكن الجامعي وبتديك تامين صحي وراتب شهري 130 يورو لطلاب البكالريوس والماستر و 450 يورو لطلاب الدكتوراه
اذا كنت ما عايز تسكن في سكن جامعي فالمنحة بتوفر ليك بدل سكن 120 يورو , لكن من الأفضل تسكن في سكن الجامعة لانو شقة خاصة حتكلفك 380 يورو
تكاليف المعيشة ما غالية بس مبلغ ال 130 يورو لطلبة البكالريوس والماستر ممكن يكون ما كافي ، فالمنحة بتديك الفرصة تشتغل شغل بدوام جزئي عشان تزيد دخلك
أغلب التخصصات موجودة في المنحة ومن السنة الفاتت بقى كورس تعلم اللغة الهنغارية إجباري وعلى نفقة الجامعة
المنحة بتشترط شهادة تثبت اجادتك للغة العايز تدرس بيها , فمثلا لو حتدرس تخصص بالانجليزي في هنغاريا لازم تثبت اجادتك للغة الانجليزية و شرط العمر انوالمتقدم يكون اكبر من 18 سنة بس .
التقديم اونلاين لكن لازم تسلم المستندات لشريك المنحة في بلدك , في السودان هنا الشريك هو وزارة التعليم العالي ولو خشيت موقعهم بتلقى اعلان المنحة ,مهم جدا انك تعرف انو لازم شريك المنحة يرشحك والا ما حتتقبل في المنحة
منحة هنغاريا ضخمة وفرصة عظيمة للدراسة في اوروبا بتفتح غالبا في نوفمبر , خليكم قريبين لاننا حنتطرق ليها بكل تفاصيلها لقدام .
جاري تحميل الاقتراحات...