تعليقي علي موضوع السوريين في مصر ، أنهم دخلو مصر لاجئيين وساعدناهم بالفلوس وشغلناهم واتعاطفنا معاهم عشان احنا شعب طيب بس ، انا من ضمن الناس اللي سكنت في عمارتي ٤ شقق لسوريين ببلاش وواحد سوري قالي انه حلاق وجهزتله محل واديته فلوس ورغم انه اخد الفلوس واختفي وقفت فيه واحد سوري تاني
كل الجمعيات الشرعية الاسلاميه في مصر وحتي الكنايس دفعوا تبرعات بالملايين للسوريين في مصر ، كنت اقعدي قصاد المساجد الاقي أسر سوريين بالكامل قاعدين في الشارع انا وغيري كتير ناخدهم ونسكنهم في بيوتنا وحتي مصاريفهم واكلهم وشربهم وكسوتهم علي حسابنا لحد الجواز جوزناهم واتكفلنا بيهم
كل يوم كان يكلمني بنات وستات سوريات شوفيلنا شغل حتي لو خدامه في البيوت ، وانا وماما واخواتي نبكي عشانهم بسبب بنت سوريه قالتلي احنا كنا أغنياء في بلدنا والحال اتبدل بينا ، وبقيت انزل العبور بعربيتي اجيبلهم خضار وفاكهه وتجهيزات غذائيه بكميات ضخمه واقولهم اشتغلو واعملو مأكولات
أنا نفسي علمت بنات وستات سوريات كتير أنواع الأكل المصري سواء الاكلات الساحليه او الفلاحي او الصعيدي بجميع انواعها وشهادتي علي البنات اللي كنت بعلمها انهم نضاف بس اكلهم مالوش طعم نهائي ، احسن أكل في العالم الاكل المصري ويليه الاكل التركي
أي نجاح للسوريين في مصر مش معناه انهم شاطرين لان احنا اشطر منهم بمراحل واحنا اللي ساعدناهم وعلمناهم واحتضناهم وفتحنالهم مشروعات وعاملناهم احسن معامله ، لكن انهم يشتمونا ويتطاولو علي مصر اللي لمتهم دي معناها قلة اصل وقلة ادب ولو احنا قررنا طردهم من مصر الموضوع مش هياخد وقت
سبب من أسباب أنتشار السوريين في دمياط الجديده ان اول ما السوريين دخلو مصر كان الاسكان الاجتماعي كانت الشقه ب ٢٥ الف جنيه ، الجمعيات الخيريه بقت تشتري عمارات بالكامل ويسكنو السوريين فيها وكمان نشوفلهم شغل عشان يدفعوا الاقساط الشهرية
مشروعات المخابز اللي تحت السلم كلها بتاع السوريين ، المصريين اللي اشتروا المخابز عشان يشغلو السوريين ونساعدهم ، وجارتي الحجه سميرة دياب اتبرعت ب ٦٥٠ الف جنيه وعملت بيهم افران للسوريين في محافظة الشرقية
تبرعات المصريين للسوريين في مصر وصلت اننا بقينا ندفعلهم أيجارات في الاسواق والمولات ونديهم البضاعه بسعر جملة الجمله وعلي أجل بعد ما يبيع يسدد براحته ، وبدل ما يحمدو ربنا والبلد اللي وقفت جنبهم نازلين شتيمه في مصر وحاجه قمة في قلة الاصل والوساخه
انا سافرت دول كتير جدا في اروبا وامريكا ، لما بكلم اي سوري تحس انه مهزوم نفسيا حتي لو وضعه كويس ، الا في مصر ، السوري عنده احساس انه صاحب بلد وبيتعامل براحته زي بلده بالظبط ، وده بسبب ان شعب مصر طيب واصيل
في رجل اعمال مصري معروف توفي وابنه الوحيد ورث مصنع غزل ونسيج ، وطبعا عشان مش متفرغ ، شغل واحد سوري مدير للمصنع ، الولد اتسرق وكان هيخسر المصنع لولا معارفنا في أمن الدوله جابو النصاب السوري ورزعوه علقه وحبسوه وبعدها نزلت الشرطه نضفت جسر السويس واعتقلو المخالفين وقفلو محلاتهم
جاري تحميل الاقتراحات...