مع كل لايك على التويت دي هقول رأي كروي مثير للجدل، لحد ما ازهق
1. جيمس تاركوفسكي من افضل المدافعين في العالم مش في انجلترا بس و ظالم نفسه في بيرنلي زي ما فان دايك كان ظالم نفسه في ساوثهامبتون، و لو انا مدير رياضي في اي فريق كبير في الدوريات الخمسة الكبرى و محتاج مدافع هاخد الريسك و اتعاقد معاه
2. توظيف آداما تراوري كـ ظهير طاير في خطة ٣-٥-٢ او ٣-٤-٣ أفضل بكتير من توظيفه كجناح هجومي، و في حالة انتقال آداما لأي فريق بيلعب بالخطتين دول (مش هقول على اسمك يا كونتي) هيكون أفضل لاعب في مركزه في العالم
3. ريكي بويج عنده خصائص مش موجودة عند أي لاعب وسط تاني في برشلونة، و وجوده في الملعب رغم قلة خبرته بيزود جودة نص ملعب الفريق للضعف أيًا كانت الأسماء اللي بتلعب جنبه
4. أتالانتا عندهم أفضل منظومة كروية هجومية موجودة في أوروبا حاليًا، و عندهم فرصة كبيرة يوصلوا على الأقل لنص نهائي دوري أبطال أوروبا الموسم دة مع النظام الاستثنائي الموجود بغض النظر هيقابلوا مين في طريقهم
5. في آخر 5 سنين، كاسبر شمايكل ممكن تصنيفه بكل أريحية كواحد من أفضل 5 حراس في العالم كله، مع نوير و اوبلاك و اليسون و تير شتيجين
6. ماركوس تورام مهاجم بوروسيا مونشنجلادباخ بمستواه الحالي يقدر يلعب أساسي في منتخب فرنسا بكل أريحية بفارق عن أقرب مهاجم بعده
7. لو أنا مدير رياضي في برشلونة و عايز اتعاقد مع باك شمال، هيكون خياري الأول أنخيلينيو باك شمال لايبزيج المعار من مانشستر سيتي
8. أركاديوس ميليك من أفضل ٣ مهاجمين في الدوري الايطالي حاليًا، و عنده الامكانية انه يكون المهاجم الاساسي لأي فريق في العالم
9. فيل فودين بمستواه الحالي يعتبر رقم ١ في منتخب إنجلترا في مركزه
10. لو المفاوضات بين سانشو و تشيلسي فشلت، فأحسن خيار بديل متاح هو تفعيل بند اعادة الشراء في عقد جيريمي بوجا و الرهان عليه الموسم الجاي و معتقدش انه هيخيب
11. فينالدوم لو لعب في مركزه القديم مع نيوكاسل كلاعب وسط هجومي هيكون من افضل اللعيبة في مركزه في البريمييرليج، و تحويل كلوب مركزه لبوكس تو بوكس حد كتير من قدراته الهجومية
12. مانشستر سيتي 18/19 ممكن يكون قدم أعظم موسم فردي لفريق انجليزي على الاطلاق، و ميقلش كتير في القيمة عن موسم سداسية بيب، و لو كان فاز بدوري الابطال كان ممكن نقول بسهولة انه قدم اعظم موسم لفريق في تاريخ الكورة الحديثة
13. عدم استدعاء كارلوس تيفيز لمنتخب الارجنتين في كاس العالم 2014 هو أكبر سبب في خسارة الارجنتين للبطولة، بوجود تيفيز كان ممكن للأرجنتين تفوز بالبطولة بكل أريحية
14. أليكس ميريت يستحق يكون حارس منتخب إيطاليا الأول على حساب دوناروما
15. بول بوجبا في التوب فورم هو اكتر لاعب وسط متكامل في العالم، و لو حافظ على فورمته موسم كامل اليونايتد ممكن ينافس على الدوري و بقوة و بالسكواد الحالي من غير اي اضافات
16. كانتي في البوكس تو بوكس مع ارتكاز صريح وراه افضل و افيد بمراحل من كانتي كارتكاز صريح
17. لو في مدرب جاتله فكرة انه يصنع آرنولد جديد بنفس المواصفات تقريبًا، فـ دوايت ماكنيل جناح بيرنلي الشاب هو انسب لعيب
18. جيمس وارد براوس لاعب ساوثهامبتون ممكن بسهولة تامة تصنفه كواحد من أفضل 3 لعيبة في الدوريات الخمسة الكبرى في تنفيذ الضربات الحرة
19. ستيفان دي فري افضل مدافع في السيري إيه الموسم دة، و افضل مدافع هولندي بعد فان دايك حاليًا
20. مسعود اوزيل 15/16 قدم أعظم موسم لصانع ألعاب في تاريخ البريمييرليج
21. ماتس هوميلز من وقت ما ظهر و حتى يومنا هذا يعتبر أفضل مدافع ألماني بفارق عن أقرب واحد بعده
22. إسماعيلا سار لو اتدرب مع اي مدرب بيقدر المواهب زي كلوب او بيب، هيكون ساديو ماني جديد
23. فيران توريس لاعب فالنسيا potential انه يكون واحد من افضل اللعيبة في العالم مش في اسبانيا بس
24. أكبر غلطة لدييجو سيميوني مع اتلتيكو مدريد انه فرط في راؤول خيمينيز في 2015 بعد رحيل كوستا و انه مصبرش عليه، كان ممكن بسهولة يصنع منه دييجو كوستا جديد
25. كأداء و استمرارية و قيادية، جون تيري هو أفضل مدافع تواجد في البريمييرليج من سنة ٢٠٠٠ لحد ما يجد جديد
26. ممكن يكون رأي غريب شوية، بس لو أرتورو فيدال لعب كمهاجم تاني ممكن يخرج بـ ١٠ أهداف على الأقل كل موسم
27. دي ناتالي من افضل المهاجمين في تاريخ ايطاليا، و لو كان لعب في فريق كبير و مقضاش مسيرته في اودينيزي كان هيلعب اساسي في منتخب ايطاليا لـ ٨ سنين على الأقل
جاري تحميل الاقتراحات...