عن السودان العجيب!
هدف أي اغلاق هو تخفيض الاعداد للحد البتقدر معاه المستشفيات تواكب الطلب عليها، ولما يتحقق الهدف ده ببدأ إنفتاح تدريجي براقب زيادة الحالات بحيث الناس تصل لتوازن في شكل درجة اغلاق قابلة للإستمرار بحيث ما تشل الخدمات الصحية.
هدف أي اغلاق هو تخفيض الاعداد للحد البتقدر معاه المستشفيات تواكب الطلب عليها، ولما يتحقق الهدف ده ببدأ إنفتاح تدريجي براقب زيادة الحالات بحيث الناس تصل لتوازن في شكل درجة اغلاق قابلة للإستمرار بحيث ما تشل الخدمات الصحية.
الحصل عندنا في السودان هو العكس، إعلان الحظر كان زي اعلان الشراكة مع العسكر، مجرد غطاء منمق لهدف غير متحقق! كل الحصل هو الشلل الفعلي للخدمات الصحية بسبب سوء إدارة الأزمة و الفوضى (عدم توفير لبس واقي، عدم إلزام المستشفيات بإستقبال المرضى، إلخ)،
وما تم فعليا لا حظر حقيقي على الارض ولا معرفة بالوضع الحقيقي للوباء (فحوصات كافية وتتبع وبائي حقيقي وحصر للوفيات إلخ)
حاليا مع موضة الانفتاح تاني فتحنا اماكن التجمعات عمليا (الأسواق، دور العبادة إلخ) واهو بتتعمل مليونيات وزحمة مواصلات وغيرو،
حاليا مع موضة الانفتاح تاني فتحنا اماكن التجمعات عمليا (الأسواق، دور العبادة إلخ) واهو بتتعمل مليونيات وزحمة مواصلات وغيرو،
و الغريبة ده اترافق مع بداية استقرار الخدمة في المستشفيات النست هلعها الغير اخلاقي الزمان المنعت بسببه المرضى من دخولها، فكأنما شاغلين بس عكس اي منطق وبالغريزة اللحظية من دون أي تخطيط.
مرت فترة كانت فيها وفيات كتيرة، وحاليا الاخبار عن تفشي لأعراض بيساء تشخيصها (بقصد وبدون قصد)
مرت فترة كانت فيها وفيات كتيرة، وحاليا الاخبار عن تفشي لأعراض بيساء تشخيصها (بقصد وبدون قصد)
كأمراض مستوطنة هربا من وصمة عجيبة اكتسبها الوباء او تجاهلا لمستحقات العزل وزهدا في اي علاج غير متوفر اصلا! و ده كلو من غير يكون عندنا أدنى فكرة عن العدد الحقيقي للمصابين و المتوفين بالبلد بسبب عدد الفحوصات المخجل!
وثالثة الأثافي هو الاعتقاد المنتشر بسبب كل الفات ده بأنو نحن خلاص فتنا الذروة ومرينا بأسوأ مرحلة ووصلنا او حنصل قريب لي مناعة القطيع! بينما كل المنطق الوبائي والنمذجة الحصلت جوه وبره السودان،
بتقول انو لسه الغريق قدام، ولما زول يحاول يتكلم تنطبق عليه نكته: لو اتكلمت بقولوا مسطول ولو سكت مدني غرقت 🤷♂️ وفعلا شر البلية ما يضحك.
شكلي حأسكت قريبا وأفوض أمرنا لله
#متابعات_محمد_قرشي_لكوفيد١٩
شكلي حأسكت قريبا وأفوض أمرنا لله
#متابعات_محمد_قرشي_لكوفيد١٩
جاري تحميل الاقتراحات...