امبارح كان اليوم العالمي للتعذيب؛ حابب أسجل إني مش ناسي ١٥ يوم متلكبش ومتغمي في الأمن الوطني، أدخل الحمام وآكل ويتحقق معايا بنفس الوضعية، مش ناسي لما كل يوم بالليل يفكوا الكلابش من إيد واحدة مش عشان ارتاح لكن عشان يربطوني في حديد مرتفع عن الأرض؛ ولا ناسي إني كان لازم خلال ١٥ يوم

افضل نايم ع الأرض ممنوع الجلوس والوقوف وممنوع الكلام؛ ولا ناسي المرة الوحيدة اللي رفعوا فيها الغمامة عن عيني عشان واحد وهو بيتكهرب ويحطوا هوا في مؤخرته، وكل حلقة شعر إجباري، وكل تقطيع او حرق ملابس، وكل تفتيش زنزانة وقت الفجر.
مش ناسي كل دقيقة قضيتها في زنزانة تأديب،

ولا كل ضربة على جسمي ولا أي تشريفة في قسم أو سجن.
#أوقفوا_التعذيب_في_مصر