قررت أغير الخطة اخليها 11:30 أنام .. رحت الاستراحة صليت العشاء هناك .. جلست على التلفزيون شوي .. جاني النوم قلت خلني آخذ غفوة ربع ساعة .. ما امداني اخطط الا دخل ابو فهيد الاستراحة ..
ومعه رحيت عطر فاقعه جدا جدا .. صدعت منها ودخت لبست الكمامة .. شوي الا صداع خفيف ..
ومعه رحيت عطر فاقعه جدا جدا .. صدعت منها ودخت لبست الكمامة .. شوي الا صداع خفيف ..
قلت يمكن النوم دقت ساعته .. خلني اتعوذ من الشيطان واروح انام .. وافتك من الارهاق و من ريحة العطر .. بس في شيء محرج مالها داعي اخلي ابو فهيد لحاله خلني انتظر لين يجي احد و يجلس بعدها اقدر اروح .. " يلومني في الرجال و مرجلته "
اضطريت انتظر الى الساعة 10 حتى وصل ابو فيصل رقم 2
اضطريت انتظر الى الساعة 10 حتى وصل ابو فيصل رقم 2
لان فيه ابو فيصل رقم 1 .. المهم جيت بمشي قال ابو فيصل وين بدري قلت فيني نوم والعطر فقع راسي .. صدمت أبو فهيد في عطرهـ .. قال ابو فيصل الله يسهل دربك بس وجهك ماهو عاجبني .. قلت له فيني نوووم على نيتي برئ جدا .. وانا طالع للسيارة
صداع باغتني فجأة .. قلت يمكن لاني كنت منسدح وقمت فجأة " طبعا هذا طبيبي الداخلي "
في الطريق حسيت اني دايخ .. جسمي يقشعر بزيادة .. برد وحر في نفس الوقت .. عرفت انها اعراض الارهاق لقلة النوم
في الطريق حسيت اني دايخ .. جسمي يقشعر بزيادة .. برد وحر في نفس الوقت .. عرفت انها اعراض الارهاق لقلة النوم
دخلت البيت تروشت الاهل لاحظوا وجهي متغير قلت ارهاق ابي انام .. نمت من 11 الى 12:30 ما انسى قمت من الحرارة اللي جتني وانا نايم .. ناديت الاهل قالوا لاتكون #مكرون قلت اعوذ بالله هذه انفلونزا عادية حرارة مع شوية رشح بسيطة .. جاءت ساعة الفجر الا انا ما اقدر اتحرك حرارة وصداع وعيوني
عيوني فيها الم .. قررت اني اعزل نفسي احتياطا .. اخذت فراش وانطلق للمجلس .. اعزل نفسي واتفقت مع الاهل اعزل نفسي يوم حتى تروح الحرارة .. وانا في المجلس قررت اتصل على #وزارة_الصحة وتواصلت مع الدكتور وشرحت له ما سبق بس بدون سالفة عطر ابو فهيد المخيس
قال اعزل نفسك وانتظر بحولك على القسم المختص بالمصابين او اللي تظهر عليه اعراض #كورونا .. عدت الشرح من جديد لهم وذكرت لهم سالفة عطر ابو فهيد المخيس يمكن يعرفون سبب الاعراض انها من العطر وتنتهي القصة .. قال المختص اعزل نفسك وانتظر رسالة تجيك بموعد للتحليل ..
صملت على العزل او الحجر الصحي واتفقت مع الأهل على آلية التعامل .. انا كالعادة ما ادخل قوقل اسأل و لا شيء حتى ما اوسوس بالاعراض خلني انتظر التحليل و عندي فتامين سي وحبوب مسكنه استعمل منها لين يجي موعد التحليل .. طلبت من الاهل براد حليب .. وفي دقايق وهو عندي .. شربت منه الا ..
ماله طعم قلت هذه اولها الاهل ماعاد يركزون شالوا همي ماحطوا سكر ايش هالاحساس العالي بالمسؤولية ..ودعوت لهم جزاهم الله خير .. شوي الا جاني فطور " قرص ، معفوس "مادري وش تسمونه المهم انه اذا جاء وعليه سمن وسكر واو طعم خرافي .. اكلت من هالفطور الا بدون سكر وتأكدت ان الاهل ماعاد يركزون
لانهم شايلين همي .. فدعوت لهم .. جلست على اليوتيوب وكل ما جاني اعلان عن #كورونا او ومقطع عنه أتخطاه مابي يغثني .. مازلت مصر ان عطر أبو فهيد المخيس هو السبب .. راح الوقت وجاء الغداء وكان للاسف بدون ملح .. فطلبت من الاهل براد شاهي وقلت بالله زيادة سكر " رسالة مبطنة " ركزووا
جاء الشاهي وتفاجأت انه بدون سكر .. طفح الكيل
عارف انكم شايلين همي بس ماهو معناه اني كل ما اطلب شيء يجي بدون طعم
فقررت اصارحهم بذلك
اتصلت عليهم وقلت احتاج كاسة سكر ابي احطها على الشاهي لانه للاسف بدون سكر
جاءت الصدمة انه مليان سكر بس انت ماعاد تقدر تتذوق وهذه من اعراض #كورونا
عارف انكم شايلين همي بس ماهو معناه اني كل ما اطلب شيء يجي بدون طعم
فقررت اصارحهم بذلك
اتصلت عليهم وقلت احتاج كاسة سكر ابي احطها على الشاهي لانه للاسف بدون سكر
جاءت الصدمة انه مليان سكر بس انت ماعاد تقدر تتذوق وهذه من اعراض #كورونا
كان يوم الاحد سريع والاثنين كذلك مع شوية اعراض تروح وتجي .. ثم جتني الرسالة من #وزارة_الصحة موعدك يوم الخميس
مالكم بالطويلة
مرت الايام المتبقية فيها مافيها الحمد لله
حللت يوم الخميس .. وجتني الرسالة قبل شوي
مالكم بالطويلة
مرت الايام المتبقية فيها مافيها الحمد لله
حللت يوم الخميس .. وجتني الرسالة قبل شوي
جاري تحميل الاقتراحات...