اول ماعرفت ان عندي اكتئاب حجزت موعد عند اخصائيه نفسيه ثاني جلسه بعد ما سوتلي اكثر من اختبار ومع النقاش قالت كلمه اتذكرها للحين .. قالتلي انتي تجذبين لنفسك الألم طبعاً الحين وبعد ما تخلصت من الاكتئاب وطلعت من حالة الضبابيه والغموض الي كنت عايشته اكتشفت ان مشكلتي بس اني ابغى انفصل
ومو قادره وكنت خايفه من ردة فعل اهلي والوضع الجديد كل هذي الافكار سببتلي اكتئاب مو لأني ( اجذب الألم) اكتشفت ان هذي الاخصائيه ماعرفت تتعامل مع حالتي بسبب خوفها انها تقولي اتز اوكي مو مشكله انك تنفصلين ومن حقك هذا الشي كان كل تركيزها تلف وتدور وتحط اللوم علي وعلى افكاري
اهم شي لا تجيب طاري الانفصال كحل .. لأني شرحتلها بالتفصيل كيف انا مو مرتاحه ونفسيتي تعبت من الوضع ومع ذلك بذلت جهد مضاعف عشان تقيم حالتي بشكل غير صحيح .. والحين اقدر اقول بكل ثقه اني شخص محب للحياه ما اجذب الالم لنفسي ولكني شخص متعاطف وحساس لمشاكل وهموم الناس وهذا الشي ماله دخل
بكوني انسانه محبه للحياه ومتفائله وفعلاً انفصلت وانحلت معظم مشاكلي النفسيه بمجرد انفصالي
هذي الاخصائيه للأسف انها نجحت في انها تأثر علي لأنها قالتلي انتي شخصيه مضطربه وقالتلي لازم تروحين المستشفى وتتعالجين .. والله لو بس وقتها قالتلي مها ترا عادي تنفصلين ومن حقك هذي الكلمتين بس الي كنت احتاج اسمعها وقتها لو قالتلها كانت ساهمت بشكل كبير في تحسن حالتي
اكبر درس تعلمته ان الشخص الي يجرب الشعور ويختبره هو الي بيفهمه غير كذا مهما درس الشخص عشرات الكتب وكان عنده اكبر قدر من المعلومات بس ماعنده قدره على التعاطف ولا جرب الشعور بيفشل فشل ذريع في احتواء وتقبل الطرف الثاني الي طلب المساعده
جاري تحميل الاقتراحات...