بكتب ثريد عن حريق اصار ايام المدرسه والدراما الي سويتها على اختي خلوكم على استعداد
كان بايام ثاني ثانوي يوم دخلت علينا وكيله المدرسه تقول بنسوي تدريب اخلاء وكان الوضع جدا طبيعي لين شفنا الاستاذات كل وحده لابسه عبايتها وركض للدرج ! هنا بدينا نشك مو بعادتهم هالحركه متعودين عليهم متكيات يطالعون علينا ؟ ولا كل وحده بشغلها
واول شي سويته مريت على فصل اختي وشفته فاضي واستنتجت انها نزلت ماجا ببالي ابدا ان عندها حصه بالدور الاخير ومتكيه هنام ماتدري عن شي
ويوم خلاص طلعنا من المدرسه شفت وحده من صحباتها سئلتها عنها قالت انها كانت بالمعامل وماشافتها تنزل هنا بدا عندي الوسواس الخناس ، جيت برجع اطلع اتاكد الا تمسكني وحده من المراقبات تصايح بدون اي مراعاه لمشاعري 💔
وبرضو البنات منخرشين على خواتهم بس كانو يلقونهم اما انا من قوه ماحظي دايم زي الزق كل المدرسه طلعو من الباب الرئيسي الا فصل اختي الووحيد الي طلع من باب الباصات !! طول الوقت وانا احسبها بأخر دور ماتدري عن شي ولا مختنقه بالحمام ولا منفجر عليهم المكيف وغيرهااا من تفاكير مرعبة
واخذونا وجمعونا بمنطقه وحده وكل وحده تتفقد الثانيه الا انا احوس بينهم على امل اللقاها ويحرم كل بنات المدرسه متجمعين الا فصل اختي وكأن القدر حالف علي ان ياكلني زق ذاك اليوم
ولمن خلاص يأست وانا ادور واسئل عنها انتهى عندي الامل انهرت وقمت اصايح وووحظي الزززباله ماسك معي خط ماشافني وقتها الا معلمه الفقه وبدل لاتهديني قامت تقولي محاظره ع النواح والنياحه صوت الشيطان واعتراض على القدر .. طيب هديني
وطبعا طول هالوقت كنت حاطه شيلتي على وجهي حتى بالظروف الصعبه برستيجي مايسمح اخلي الناس تشوفني وانا ابكي من شكلي المثير للشفقه
وكنت متكيه راسي على حديده بزاويه الساحه انتظر خبر وكل وحده تمر من جنبي تستغرب من منظري لاكن طز اختي تستاهل
ووبعد بكاء وبحث طويل استمر اكثر من ساعه شفت فصل اختي يدخل من الجهه المقابله وقمت ادور عليها الا واشوفها تدخل من الباب ما اوصف لكم الراحه الي حسيتهاا كل ما اتذكر احمد ربي ان ماصار فيها شي الحمدلله 😔♥️
ورحت لها اخيرا بنحضن بعض 🥺الا فجئه تطلع وحده من العدم قطعت المومنت وحضنتها قبلي .. وكانت متعطره بمسك مدري عود قوي واختي ماتحب الروائح هذي وما امدها توصل لعندي الا اغمى عليها
ماوقفت على كذا أغمى على ثنتين من خويتها وصارو ثلاث جثث مرميه وانا ..
وحده كان فيها شي بالقلب الله يشفيها والثانيه اللتهب القولون واختي من الخرشه ، وقمت اصفق باختي تصفيق لا اله الا الله لين وقفتني وحده مسكت خدودها تقول ككففااايه ذبحتي البنت خلتني استوعب اني كنت اصفقها بقوتي
واكثر شي موتني ضحك وحده قصيره جزاها الله خير جت تفزعلها توديها للاسعاف شالتها على كتفها وركضت ورجول اختي تسحب سحب بالارض مع سرعه البنت اعلنت وفاتي
ودخلو الاسعاف وشيكو على البنات والحمدلله محد صار فيه شي والحريق ماكان في ضرر كبير الحمدلله ، وخذينا باقي اليوم اجازه رجعنا البيت وكل وحده تقول ايش صار معها وليومنا هذا ميتين ضحك على بعض
وصل الله وسلم واشكركم جميعا على عدم حسن للاستماع
جاري تحميل الاقتراحات...