الليله قصصنا شيّقه وحنتكلم عن كدايس سواكن البتتكلم
اولاً بسم الله واقرو اية الكرسي ، لو عندك كديسه في البيت اعمل سكيب للثريد 💡.
اولاً بسم الله واقرو اية الكرسي ، لو عندك كديسه في البيت اعمل سكيب للثريد 💡.
سواكن منطقه في بورتسودان مشهوره ب انها مسكونه جن ، نرجع ل اصل المسمى هو سواجن من زمن سيدنا سليمان وسُميت ب سواجن لانو سيدنا سليمان سجن فيها الجن وسواكن مهيئه لسكن الجن لانها ع البحر الاحمر ومعروف الجن يسكن البحار والخلا والكووش والخرابات منها عوامل موجوده في سواكن.
اما الحاجه اللي اشتهرت بيها تحديداً الكدايس او القطط اللي بتتكلم مع الناس وهي لا شك من الجن .
اولاً نبدا بقصة سيدنا سليمان مع سواكن : يروى ان ملك من ملوك الحبشه اهدى سيدنا سليمان ٧٠ جارية ارسلها ليهو لبيت المقدس ، ابحرت السفن الشراعيه وتوقفت في قليلا في سواكن وعجبتهم الاقامه فيها فوطأ اهل سواكن او الجن الجواري وحملو منهم
و واصلت السفينه رحلتها و وصلت لسيدنا سليمان وبعدها بدات تظهر ع الجواري علامات الحمل وامر سيدنا سليمان بالتحقيق وعرف الحصل في سواكن ورجعو الجواري لسواكن للابد ومن وقتها خصص سواكن لسجن المجرمين .
اما عن القصص المروية في سواكن :
قصة بترويها رباب محمد عن قريبتها اللي تزوجت ومشت قعدت مع راجلها في بورتسودان وفي يوم قال ليها عازم اصحابو وصحت تعمل الاكل وانتهت ومشت تجهز نفسها سمعت صوت كركبه في المطبخ
قصة بترويها رباب محمد عن قريبتها اللي تزوجت ومشت قعدت مع راجلها في بورتسودان وفي يوم قال ليها عازم اصحابو وصحت تعمل الاكل وانتهت ومشت تجهز نفسها سمعت صوت كركبه في المطبخ
مشت تشوف حاصل شنو لقت كديسه كبيره واقفه وماسكه الكمشه وغطا الحله وصرخت المرا مخلوعه دا شنوو وردت عليها الكديسه مالك ومن يومها المرا مرضت واتعالجت فتره طويله لين ماتت الله يرحمها🚶🏻♀️')
وفي قصه لواحد قاعد في ست شاي شاف عمو كبير كانو شيخ بتكلم مع حاجه بتركيز ف قام يشوف دا مالو لقاهو بتكلم مع كديسه واستعاذ بالله من الشيطان الرجيم استعيذو انتو كمان عشان نكمل ..
في قصة لواحد مسافر بالقطار من سنار لبورتسودان واثناء تبديل القطارات في المحطة شاف كديسه ومعاها اولادها الصغار وهو قاعد مستني سمع صوت انت ماشي بورتسودان ؟ وتردد السؤال ٣ مرات بعدها التفت يعاين ما لقى الا الكديسه ورجعت عادت انت ماشي بورتسودان ؟
رد عليها ايوه ماشي وقالت ليهو هناك في مطعم اسمو رامونا وفيه كديس اضانه وحده سوداء وباقيها ابيض وضنبو اسود كلمو وقول ليهو مرتك اتحلت بالسلامه وحتجي في القطر الجاي .. دا كلو والراجل مخلوع وركب القطر و وصل ومشى لنفس المطعم القالتو
وطلب اكل وقعد ينتظر ويعاين شاف مجموعة كدايس بينهم كديس نفس الاوصاف اللي قالتها الكديسه ومشى ليهو وقال ليه انا كنت في سنار ولاقوني اولادك ومرتك اتحلت بالسلامه وحتجي في القطر الجاي .. فهز الكديس ضنبو ومشى، ولما جا يدفع الحساب قالو ليه حسابك اندفع .!
ح اختمها بقصه حصلت مع عمي :
كان في كديسه بتوصلو كل يوم من البيت للمدرسة لحدي اخر مره تكلمت معاه ..
انا انتهيت شاركوني انتو قصصكم السمعتوها والحصلت معاكم وهل دا حقيقه؟
مع العلم انه اكثر حاجه بتتشكل فيها الشياطين هي القطط او الكدايس ، ويا ناس سواكن هل دا حاصل؟؟
كان في كديسه بتوصلو كل يوم من البيت للمدرسة لحدي اخر مره تكلمت معاه ..
انا انتهيت شاركوني انتو قصصكم السمعتوها والحصلت معاكم وهل دا حقيقه؟
مع العلم انه اكثر حاجه بتتشكل فيها الشياطين هي القطط او الكدايس ، ويا ناس سواكن هل دا حاصل؟؟
جاري تحميل الاقتراحات...