الضباع بين الخرافات والحقيقة!
راح احكي عن أكثر الحيوانات الي مأخوذ عنهم فكرة غلط. وفي كثير اشياء مش صح. وانا اشتغلت مع النوعين الي هم الضبع المخطط و الضبع الافريقي. و كتير بهمني نعرف عن الضبع المخطط لانو بعيش بمناطقنا وبلادنا العربية.
راح احكي عن أكثر الحيوانات الي مأخوذ عنهم فكرة غلط. وفي كثير اشياء مش صح. وانا اشتغلت مع النوعين الي هم الضبع المخطط و الضبع الافريقي. و كتير بهمني نعرف عن الضبع المخطط لانو بعيش بمناطقنا وبلادنا العربية.
عنجد الضبع ما بندفن الا بوجود الشرطة؟ قال الضبع اذا اجت عينك بعينه بخليك تلحقو عالكهف؟ بول الضبع بخلي الانسان يتجمد مكانه؟ هسا عنجد جلد الضبع بوصل حقه 50 الف دولار عشان تهريب المخدرات؟ وكثير اسئلة تانية.
الجواب:
الجواب:
قبل ما ابلش احكي عن النوعين. راح احكي عن عالفصيلة بشكل عام.
الضباع من الحيوانات الي يتصنفو كفصيلة لحالهم"Hyaenidae"هم مش من فصيلة الكلاب ولا البسس. بس من ناحية التشريح والأسنان والاستجابة للادوية بنتعامل معهم كقطط. وضايل اربع انواع ما انقرضت الي هم الافريقي والذئبي والمخطط والبني
الضباع من الحيوانات الي يتصنفو كفصيلة لحالهم"Hyaenidae"هم مش من فصيلة الكلاب ولا البسس. بس من ناحية التشريح والأسنان والاستجابة للادوية بنتعامل معهم كقطط. وضايل اربع انواع ما انقرضت الي هم الافريقي والذئبي والمخطط والبني
الضبع المخطط - striped hyena
واحد من الحيوانات القليلة الي متبقية بالأردن وما انقرضت زي كثير حيوانات بسبب الصيد الجائر والقتل الي ما الو داعي بس بسبب الخرافات. هاد النوع من الضباع يعتبر حيوان قمام. يعني ما بصيد بس باكل الأشياء الميتة و خضار وفواكه.
واحد من الحيوانات القليلة الي متبقية بالأردن وما انقرضت زي كثير حيوانات بسبب الصيد الجائر والقتل الي ما الو داعي بس بسبب الخرافات. هاد النوع من الضباع يعتبر حيوان قمام. يعني ما بصيد بس باكل الأشياء الميتة و خضار وفواكه.
هم عندهم قدرة عالصيد بس بفضلو ما يصيدو الا أشياء صغيرة زي الدواجن و الاغنام الصغيرة. و بحالات نادرة جدا تسجل اعتداء على الناس. بالعادة بتكون ام مع ولادها وكان البشر كثير قريب منها. و الضباع المخططة تعتبر حيوانات جبانة مع الناس و بتهرب لما تشوفنا. ف ما في داعي انو نقتلهم.
اذا كان في ضبع قريب ومعك سلاح بس طخ طختين بالسما راح يهرب لحاله من الصوت. هسا احنا كمؤسسات تهتم بالحياة البرية بنحاول قدر الإمكان نوعي الناس من هاي الناحية. لانو للأسف كثير حيوانات انقرضت بسبب الإشاعات المغلوطة.
الضبع المخطط من الحيوانات الثدية القليلة الي الذكر بساعد بتربية الاولاد مع الأنثى. الام بتحمل تقريبا 3 شهور وبنولدو عميان. بتفتح عيونهم عالاسبوع و عالشهرين بنفطمو. مدة حياتهم بالبرية 12 سنة و بالمحميات تقريبا بوصل 23 سنة. وهم يعتبرو حيوانات ليلية و بتكون نايمة بالنهار.
الضبع المنقط - spotted hyena
هو الضبع الافريقي وبرضو بنحكالو الضبع الضاحك عشان الهم صوت ضحك مميز. هدول كثير مختلفين عن الضبع تاعنا. و شرسين جدا. هم من الحيوانات الي بعيشو جماعات و بنظام عائلي شوي معقد. الأنثى أكبر وهي المسيطرة والذكور بكونو في قاعدة العائلة وظيفتهم بس التزاوج.
هو الضبع الافريقي وبرضو بنحكالو الضبع الضاحك عشان الهم صوت ضحك مميز. هدول كثير مختلفين عن الضبع تاعنا. و شرسين جدا. هم من الحيوانات الي بعيشو جماعات و بنظام عائلي شوي معقد. الأنثى أكبر وهي المسيطرة والذكور بكونو في قاعدة العائلة وظيفتهم بس التزاوج.
قلبهم اكبر قلب بالمملكة الحيوانية مقارنة بحجمهم. بالإنسان و الأسود القلب تقريبا 0.5% من وزن الجسم. الضباع بكون 1% من وزن الجسم. حتى تزيد قدرتهم عالتحمل والركض و المشاجرات الي بضلهم يعملوها.
جمجمتهم اكبر ومختلفة عن الضبع المخطط. ويعتبرو من اقوى الفكوك بالمملكة الحيوانية. مدة حملهم تقريبا 3 شهور ونص. واخر فترات الحمل بتزيد نسبة الهرمونات الذكرية بالام عشان هيك بصير عند الاناث جسم اكبر و وبرضو بتأثر الجهاز التناسلي. بصير عندهم عضو ذكري كاذب بدل من الشكل المعروف للأنثى
مجموعة الضباع الأفريقية بتوصل ل80 ضبع معظمهم إناث و زي ما حكينا بكون في كم ذكر بس للتزاوج. و كل ما كانت الأنثى مسيطرة اكتر بتكون ترتيبها أعلى وبفضلو يتزاوجو مع ذكر جديد عالمجموعة او بالغ جديد حتى يكون خاضع الهم اكتر.
هاي الصورة لجهاز التناسلي لضبعة أفريقية:
هاي الصورة لجهاز التناسلي لضبعة أفريقية:
حتى بس يكون في اكل اخر اشي الذكور بتوكل. اول اشي بتبدأ الاناث من الأكثر سيطرة مع ولادهم للاقل و اذا زاد اشي باكلو الذكور. و الاناث لما تولد بكون اشي مؤلم لانو ولادهم حجمهم كبير مقارنة بحجمهم. ف وهم بولدو بتمزع العضو الذكري الكاذب وباخد اسابيع حتى يطيب.
ومن قد ما هدول الضباع شرسين. على عكس كل الثديات اللاحمة. بنولدو وعيونهم فاتحة وعندهم انياب طولهم تقريبا 1 سم. و ببلشو يتهاوشو مع إخوانهم وممكن يقتلو بعض. 25٪ من الضباع الافريقية بتموت وهي صغيرة من هواش الاخوان. ممكن يعيشو 12سنة بالطبيعة و 25 سنة بالمحميات.
اخر اشي الشغلة مش قصة ضبع منيح وضبع لا.بالاخير هدول حيوانات وكل نوع الو سلوك مختلف. و لازم نعرف الصح ونحافظ عالحياة البرية الي عنا بدون ما نلحق ورا الإشاعات. الضباع من احلى الحيوانات الي اشتغلت سواء كان أفريقي او مخطط. قد لا يكون شكلهم حلو بس انا بشوفهم كثير حلوين
انتهى الثريد😊
انتهى الثريد😊
@HamzehRadaideh3 انا بموت عليهم 😍
جاري تحميل الاقتراحات...