رتبها

رابط للبث المباشر لـ مؤتمر ابل
youtube.com
راح يبدأ خلال دقائق

بدا المؤتمر
مع صوره من Memoji مع كمبيوتر الماك

تيم كوك يتكلم عن العنصرية والعدالة وخاصة لـ الاشخاص ذو البشرة السوداء
.

البداية مع iOS14 كرريك
هلا هلا

راح يكون هناك PIP شريط الفيديو سيظهر بالخارج لكي و widgets اخيييييييراااااا
.

واواو التصميم رررهيب
اخييرااا الواجهة تغيييييييرت بعد ١٣ سنه!

حطو ميزة اسمها App Library بـ اختصار هو درج التطبيقات نفس الي في الاندرويد

اعجبني حييل الويدجت
.

في ميزة حلوة
ان الجهاز يتعرف على الوقت ويتغير الويدجت اللي في اعلى الشاشة

سيري راح تحصل على تصميم جديد
ماراح يطلع لك الصفحه كبيره
نفس تقريبا مساعد قوقل
.

سيري راح تدعم الترجمه اخيرا
وراح يكون هناك بعد تطبيق للترجمه بشكل منفصل
راح يدعمون اللغة العربية
ممتاااااز
.

النظام راح يدعم بعد ميزة تصغير الفيديو بشكل صغير PIP
.

الرسائل راح تحصل على تثبيت عشان تكون دايما فوق
وراح يكون هناك بعد Memoji اكثر
في القروبات راح يكون هناك تصميم افضل يكون ردود افضل وكذلك تقدر تسوي منشن (يحاولون يصيرون واتساب)
.

الكلام عن الخرائط
موقع Fast يقول ان خرائط ابل بدأت تنافس قوقل ههههههههه والاهم انها فيها خصوصيه اوكي اوكي كمل كمل اخوي
.

ابل الظاهر بدأت تتعاون مع عدة شركات صغيره لكي تطور الخرائط بشكل اكبر خاصة في التعرف على الاماكن والمطاعم
والحين خرائط ابل راح تدعم السيكل Cycle وراح يبين لك المده والطريق
.

كذلك راح يدعمون الطرق حق السيارات الكهربائية عشان تمر على محطات الشحن
.

الكلام الحين عن CarPlay النظام المخصص لـ شاشات السيارات
في خلفية جديده لـ النظام
وتم تقديم ميزة CarKey طبعا لازم تكون سيارتك تدعم CarPlay وتفتح سيارتك من خلال الايفون
وهذي راح تكون في BMW 2021
.

الكلام عن Appstore
تعلن عن ميزة اسمها App Clips
يعطيك التطبيق بشكل اسرع بدلا من البحث عنه راح تقدر من خلال الكود او NFC ويطلع لك وتستخدمه بدون لا تحمل التطبيق وفوق هذا يدعم ابل باي
.

صورة لـ جميع المميزات لـ نظام iOS14
الانتقال الحين الى نظام iPadOS

الويدجت راح تكون موجوده بعد على الايباد
تطبيق الصور راح يكون هناك فيه sidebar حق الاختصارات واسرع للتنقل بين الصور
.

سيري وتطبيق الموسيقى راح يكون هناك تصميم جديد لهم بشكل افضل
.

المكالمات اخييييييييييرااااااا راح يكون شريط صغير
اخيييييييرا
اخييييييييييرا
.

راح يكون للايباد والايفون
اخيرا حلوا اكثر مشكله غثيييييييثه
.

الكلام عن قلم ابل
وميزة Scribble اذا كتبت اي شي بخط ايدك من خلال القلم راح يتحول الى نص تقدر تستخدمه او حتى الرسم لو رسمت نجمه معوجه راح تتضبط من خلال الذكاء الاصطناعي
.

لو كتبت رقم راح يتعرف النظام هل تبي تتصل عليه او عنوان ويقولك تبي تروح له ؟
فكره ررررهههيبب حق الايباد
.

الكلام عن سماعة ابل AirPods Pro
راح تحصل على تحديث
التحويل التلقائي
مثلا لو تشوف شي على التلفون فجأة وقفت الفيديو ورحت على الايباد وشغلته اهناك راح يتحول السماعه على الايباد ويشتغل عليها
.

السماعه الحين راح تتعرف على جهات الصوت وتعطيك شعور اقوى
رهييب رهييب

الكلام عن ساعه ابل watchOS
.

نظام iOS14 راح تقدر تختار الايميل والمتصفح الاساسي بدلا من سفاري وايميل مالهم
.

الحين وجه الساعه تقدر تختار من عدة تطبيقات او متصفح يدعم طبعا API حق ابل من خلاله تحمل الوجه وتحطه اساسي
او احد من ربعك يرسلك الوجه حق ساعته
.

تم اضافه تمرين جديد اسمه الرقص
من خلال المستشعرات راح يتعرف عليك انك ترقص ويقوم بـ حسابه لك

اخيييرااا راح يكون في الساعه تتبع النوم Sleep tracking
وتعرف كيف نومتك ومتى نمت
واذا نمت الايفون راح يتحول الى wind down mode وراح يكون فقط مجرد اختصارات
.

ليتهم بس يعدلون البطارية على الاقل اسبوع!

الحين الساعه راح تتعرف عليك اذا كنت تغسل ايدك وتقولك كمل غسيل لين يطلع لك تنبيه ويقولك خلال كافي يمديك تغسل ايديك
ههههههههه
.

هذي المميزات اللي حصلت عليها الساعه في نظام watchOS
.

الحين بيكون في اب ستور بيعلمك التطبيق شنو يستخدم من الداتا حقتك
.

الكلام عن Apple TV
راح يدعم يد التحكم حق مايكروسوفت للالعاب
كذلك سيحصل على عدة مستخدمين
.

راح يكون هناك مسلسل جديد اسمه Foundation خيالي علمي
وهذي صورة لـ مميزات نظام tvOS
.

الكلام عن نظام الماك macOS
.راح يكون اسمه Big Sur !
.

البدايه مع التصميم
وراح يحمل تصميم جديد

في تغيرات كبيره بالتصميم
شريط التطبيقات صار مثل الايفون كـ تصميم للايقونات وكل شي تقريبا
.

على الاغلب التصميم صار شفاف في اماكن كثيره قريب جدا من iOS
.

التنبيهات حصلت على تصميم مشابه بعد iOS من خلال تجميع التنبيهات
والويدجت بعد موجوده في النظام تقدر تضيفها في قسم التنبيهات
.

تمنيت لـ الوديجت تكون على سطح المكتب بيكون شي رهيب
.

تطبيق الرسائل حصل على تصميم ومميزات نفس iOS 14
وكذلك تطبيق Apple Maps الخرائط راح تحصل على نفس المميزات ولكن على شاشه اكبر
وكذلك تقدر تشوف ربعك لو علموا لك مشاركه لمكانهم
.

تطبيق Apple Maps و الرسائل مبني على تقنية Catalyst من iOS !

سفاري راح يكون اسرع بـ 50% من كروم في تحميل الصفحات وهذا يحافظ على البطارية بشكل اكبر
والاضافات extensions راح تتوفر في متجر ابل تقدر تحملها
.

الاضافات تقدر تتحكم فيها ممكن تعطيها صلاحيه على موقع معين وتقدر تحددها من خلال يوم واحد او لمره وحده
وكذلك حصل على تصميم جديد سفاري
.

اخيرا سفاري راح يدعم ترجمه المواقع
وهذي صورة لـ مميزات نظام macOS لاجهزة الماك
.

الاعلان عن معالج ابل لـ اجهزة ماك!!
يعني ARM اهلا وسهلاا
.

الكلام عن معالج ابل للماك الجديد
ابل تبي تقدم في معالجها الجديد لـ الماك
نفس اداء الكمبيوترات ولكن بطاقة اقل عشان تعطي بطارية اكبر
.

التطبيقات حقت ابل تقريبا كلهم يعملون على نظام ARM وكذلك تعاونون مع مايكروسوفت وادوبي عشان يوفرون تطبيقتهم على الجهاز
جهاز ماك يعمل على معالج الايباد برو!!
.

تطبيقات الاوفيس وادوبي تعمل بشكل رهييب على معالج الايباد برو على جهاز الماك
.

شغالين مع المطورين على جعل تطبيقاتهم القديمه اللي تعمل على انتل راح تقدر من خلال اداة راح توفرها ابل راح تخليها تشتغل على ARM
.

المطورين يقدرون يشترون جهاز Mac Mini مع معالج A12Z من خلاله يقدرون يجربون تطبيقاتهم عليه
وراح يرسلونه لهم خلال هالاسبوع
.

تيم كوك يقول ان الانتقال راح يحتاج سنتين عشان يكون فعلي بشكل كبير
ومع هذا راح يستمرون التعاون مع انتل في الاجهزة القادمه
.

اول جهاز راح بمعالج ابل راح يتوفر في نهاية السنة
.

طبعا كل الانظمة راح تتوفر في الخريف يعني شهر سبتمبر او اكتوبر مع الايفون الجديد
النسخه التجريبية للمطورين راح تتوفر اليوم والنسخه العامه للي سجل في موقع ابل راح تكون في الشهر القادم
.

يعطيكم العافيه واسفين على الازعاج
.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد