بتكلم اليوم عن موضوع مهم وهوة الحب ... في الثريد هذا بتكلم عن تجربتي الخاصة ما بتكلم عن اي احد و شاركوني تجاربكم ...
انا احب و اشوف انه من وجهه نظري حب الكلام الفاضي و اللي ما ينتهي بزواج موضوعه منتهي معي .... يعني تخرج عشان انت وحيد و ما عندك شي تسويه و تحس تبغا حنان و بلاهه مرة اوفر و لا !! اما تحب وجودي عشان انا الشخص اللي اسعدك و تشوف معي مستقبل و بيت و كل شي احطك فوق راسي 💕
انا لمن طحت في الحب مزبوط حسيت فيه بيننا اشياء كثير مشتركة واللي خلت العلاقة زابطة صح فيه مضاربات بس يلا مين ما يتضارب في علاقة والله انه ملل بدون اكشن 😂 النكت حقتنا احسها مفهومة من الطرفين فيه هوايات كثيرة متشاركينها بس فيه هوايات لا وهذا شيء طبيعي ...
ادري انه اللي حتحبه او حتحبيه ما حيجيكي او يجيك من عند خياط مفصل على هواك ... فيه نقاط و تفكير لازم يكون فيه عنده اختلاف بس لا يكون الاختلاف يأثر في اسلوب حياتك اللي انت كنت متخيله ......
اما مثلا انت تكوني او تكون منغلق فكريا و تحب وحدة نقول متحررة شوية تكشف متعودة من وهيك ببيت اهلها ما تكشف و تقعد معاها لفترة و تقولها في يوم غطي او تحجبي او تسوي فيها حركات ....
مقصدي لا تغير شخص انت حبيتها او انتي حبيتيه و تقوم تغير شي هوة كان متعود عليه او انت كمان تغير شيء فيها .... ....
فيه شيء اسمه تفاهم في اسلوب فيه اقناع فيه تجو لبعض بطريقة يفهمها الثاني عشان الطرف الاول يرتاح و يوصل فكرته و الطرف الثاني يحس انه الشخص دا حقيقي مهتم في مصلحته ...
حبو بعض حبو بعض زي ما اتعرفتوا على بعض لا تغيروا بعض كونو لبعض ساندو بعض و صدقوني العلاقات بالتفاهم و اللين تكون مريحة و ممتعة و كمان تصيروا تحبوا بعض اقوى و تشتاقوا لبعض ...💕💕💕
مدري ايش دا الثريد بس كان عندي كم شيء اقوله كذا و حسيت كدا ارتحت 😂💕 شاركوني رايكم نشوف الاختلاف الفكري 💕 ونتعلم
جاري تحميل الاقتراحات...