- محدش حاسس بيا ولا بوجعي !
" وما تسقط من ورقة إلا يعلمها " ربك مطلع وعالم ♥
_ تعبت من كتر المشاكل وكل حاجة بايظة !
" أحسب الناس ان يتركوا ان يقولوا آمنا وهم لا يفتنون " ربك بيختبر قوتك وصبرك عالبلاء
- الحاجة اللي كان نفسي فيها راحت واحلامي ضاعت !

" إنه علي رجعه لقادر " كل دعوة دعيتها ونسيتها ، كل فرصة ضاعت منك واتقهرت بسببها ، كل حاجة فاكرها راحت ومش هترجع .. ربك علي رجعها قادر .. وكمان قادر يعوضك باللي احسن منها بس خليك واثق فيه
- رزقي اتأخر !
" وما من دآبة في الأرض إلا علي الله رزقها " اللي خلقك مستحيل ينساك ..اطمن :))

- رزقي مش مكفيني وبحس اني محتاج اكتر ..محتاج فلوس زيادة ..مشاعر زيادة..صحاب ،ذرية ،حب ،جمال زيادة
" ولو بسط الله الرزق لعباده لبغوا في الأرض ولكن ينزل بقدر ما يشاء إنه بعباده خبير بصير " ربك اعلم باللي يناسبك وادري باللي يرضيك في الوقت ده

- ذنوبي كتير ومش قادر اقف ادام ربنا مكسوف منه !
" قل يا عبادي الذين اسرفوا علي أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم " مستحيل تروحله ويردك خائب ابداا بس انت خد الخطوة وارجعله وتوب عن الذنب ده اللي بيبعدك عنه :))

لصاحب النصيب اللي ربنا جعلني سبب في كتابة الرسايل دي ليه وقدره يفتح ويشوفها في الوقت ده بالذات عشان يعرف انه " سيجعل الله بعد عسر يسرا "
فاصبر واطمن ربك قريب مجيب ♥
#رسايل_ربانية