معلومات سريعة.. بخصوص السيد كورونا
- كون التحاليل في النسب الطبيعيه ده لا ينفي الاصابه بالفيروس طالما فيه أعراض
اللي معندهوش اعراض ميعملش اي تحاليل حتى ولو كان مخالط
-التشخيص بالاعراض والاشعه المقطعيه في الناس اللي عندها اعراض تنفسيه أكثر دقه وتشخيصا من المسحه نفسها
1-

يعني لو الاشعه فيها اصابه والمسحه سلبيه فحضرتك مصاب بردو للاسف واستمر في العزل
-المريض اللي عنده اي اعراض في الوقت الحالي يبدأ ياخد علاجه بدري مش وقته انك تختبر جهازك المناعي خالص
-بروتوكول العلاج بيتغير كل يوم لازم ترجع لطبيبك قبل ما تاخد العلاج
2-

-كل ما بدأت علاجك بدري كل ما كانت النتائج أفضل ان شاء الله
إحنا حاليا في ذروة انتشار المرض واللي مش شايف كده يلبس نضاره ودي حاجه حلوه أقصد انها هانت
-متخافوش من موجه تانيه ولا تالته من الفيروس احنا طبقنا نظام مناعة القطيع وخلاص 💪💪
الموجه التانيه والتالته دي في البلاد التوتو
3-

-كبار السن واصحاب الامراض المزمنه أمانه في رقابكم
اتعاملو معاهم بحرص شديد هما مبيخرجوش فلو اصيبو بالعدوي غالبا انتم السبب
الناس اللي عندها اعراض تعزل نفسها بدون مماطله فترة الاعراض ولمدة 10ايام أخرى بعد زوال الاعراض اعزل نفسك وخلي نيتك ابتغاء مرضاة الله وانك مش عاوز تأذي غيرك 4-

-المريض اللي معندوش اعراض ممكن يعدي غيره للاسف
-المصاب اللي اصيب وخف جسمه كون اجسام مضاده للفيروس ومش هيتعدي تاني والدليل مصل اكسفورد
-إلبسوا الكمامات بس مش في دقونكم
ربنا يعافينا وإياكم من كل مكروه وسوء
(د. نادر ابوسالم)