رتبها

ثريد عن المناعه؟؟؟

بسم الله الرحمن الرحيم قبل ما ابداء تنويه بسيط انو مني متخصص مناعه او متعمق فيها كثير بس درست جزيئتها الكيميائيه حيويه فتره 7 سنوات كا معمل فا احب ارجع كل شي لمرجعه الاساسي سواء للتركيب العضوي او التخصائص الكيمياء الحيويه فيه ( شويه منحاز لتخصصي 😁)

المهم اخر نقطه وقفت عندها كانت المناعه المكتسبه اللي اولا او بنات خاله lymphoid مهتمين بيها , و تكون على شكل صواريخ بروتينيه حيويه مكونه من immunoglobulins وهي ملخصه في في الصوره التاليه

المهم الصواريخ الرهيبه دي لمن تجي ترتبط بأي جسم مناعي تدور عن علامه صغيره على الجدار الخارجي مكونه من سلسه مبسطه من سلسه بروتينيه صغيره و مبسطه عباره عن مالايزيد عن 20 حمض اميني و تسمى سلسله متعدده البيبتيدات
polypeptides

طبعاااا السلسله البروتينيه الصغيره دي عباره عن بطاقه تعريف او عباره عن الباركود المعرف للبطاقه التعريفيه لدي الخليه و معروفه عندنا على مسمى Epitope و paratope فا الاجسام المضاده لمن تبا تعرف عن وجود الكائن الغريب عن الجسم تتعرف عليه عن طريق Epitope

طبعا دا هو لاكود اللي جهازنا لامني الطبيعي يقراه عشان يعرف الجسم دا تبعنا ولا تبع غيرنا ولو هو غريب يكسر راسو او يذوبو او يربطوا الين يجو الكباريه يرموه بره ( المكاوي اللي جوتي طلع 🤣)

طيب ياحبايبي نجي لمربط الفرس اليي هو البطاقه التعريفيه دي كيف و من فين اتكونت وكيف وليش جنودنا الابطال اللي ربنا رزقنا بيهم يقروها و يتعرفوا عليها هنا اقولكم روقوا بقوتكم او شاهيكم ونبداء في الثقيل اللي راح كان عباره عن مقدمه صغيرونه
و بسم الله بدينا

في بدايه خلقتنا في بطون امهاتنا الين حوالي الشهر الثاني بعد الولاده جسمنا يقعد يتعرف على الاكواد الداخليه اللي تميزنا و خلايانا و هنا يكون عندنا ذاكره لمكوناتنا البوتينيه عشان لا يغلط واحد من الاجيال الجايه من جنودنا المناعيين و يهاجم نفس الجسم و كدا يصير الجسم اصيب بنيران صديقه

ربي يرزق امهاتنا الجنه

المهم كيف نتعرف على الغريب من صاحب البيت بكل بساطه اجسامنا كابشر تتكون من بروتينات اللي هي تبنى من احماض امينيه و عددها المكونه لاجسامنا 20 حمض اميني ولكن في الطبيعه يوجد عدد اكبر من كدا بكثير ودي الاحماض الامينيه اللي تكون البروتينات المركبه لباقي الكائنات الحيه غيرنا

طيب نقوف شويه عن الاحماض الامينيه ونستطرد في تكوين البوتينات اللي عامله باركود لكل كائن حي هي تكون عباره عن جلايكو بروتين اما تكون على شكل بسيط زي سلسه ببتيديه بسيطه او يكون عباره عن بروتين معقد داخل الخليه اللي ظاهر منو بره عباره عن السلسله الصغيره دي واللي تبان بره

طبعا هي علامه مميزه من كود مميز في الصافت الوراثيه للخليه تميزها حتى وصل العلم انو عن طريق البروتينات دي ممكن يميزو عينه دم اذا كانت من ذكر او انثى واذا كانت من انسان او حيوان وكذا
طبعا دا في مجال الادله الجنائيه

من منظور كيميائي حيوي كيف نفسر تعرف الجهاز المناعي على الغرباء ببساطه وحده من الاختلافات التاليه هي اللي تكون ظاهره على الباركود وكدا ينكفش الحرامي ( طبعا الفيروسات حراميه محترفين هنا)

اولللللل نقطه هي انو ممكن يكون الباركود مكون او يحتوي على حمض اميني غير الاحماض الامينيه ال20 المكونه لاجسامنا وذي ابسط نظريه

النظريه الثانيه اللي اكثر منها تعقيد شوه انو اتكون مشابهه لتكوين بروتينات الجسم الطبيعيه ولكن!!!!!!!! عند تكوين الروتين المعقد في تركيبو الرباعي الابعاد 4D و ظهر منو جزء صغير بره يظهر على شكل تسلسل بروتيني غير معروف للجهاز المناعي وكدا برضه يتعرف عليه و يتخلص منه

نجي للنقه الاصعب شويه وهي الذره الكيراليه او ذره الكربون الكيراليه (كيمياء عامه مستوى اول او اساسيات الكيمياءالعضويه ) طيب ايش دخل الكيراليه في الهرجه يا باشا؟

المركبات العضويه اللي مكونه لاجسامنا عباره عن مركبات كربونيه وفي داخلها قد يوجد ذره كربون كيراليه اللي يكون ترتيب الاوزان الذريه للمركبات اللي متصله بيها لو ماشي بالترتيب من الصغير للكبير مع عقارب الساعه يسمى يمني واذا عكس يسمى يساري

صدقوا او لاء ان اختلاف الترتيب في المركبات العضويه احيانا يطلع منه مركبين مختلفه تماما في الوظيفه المهم الاحماض الامينيه في اجسامنا تكون L او Levo او يساريه و احيانا يكون الكائن الدخيل مقلد تماما للتركيب الاميني بس مايقدر يقلد التوجه الكيرالي يمين او يساري

و هنا كمان يقدر جهازنا الامني المناعي انو يتعرف عليه و يثضي عليه بالطريقه المناسبه ليه, و احب اضيف (((((انو الاجسام المضاده ترتبط بالمنطقه دي براوبط هيدروجينيه وهي الانسب في الارتباط بالهدف كيميائيا على حسب تركيبها )))))

طيب لو كان قادر انو يقلد الكود البروتيني دا تماما زي ما هو حال الفيروس انو يصنع كبسولته البروتينيه من بروتيناتنا كيف ممكن جسمنا يتقضي عليه؟

هنا يجي دور البنت الاكبر لخاله ليمفويد اللي راضعه مع بنات خالتها ماليلويد 🤣🤣و اللي العلماء مهم قادرين يصنفوها بين الاثنين اما تبع المناعه الطبيعيه او المكتسبه ولكن وظيفتها تفتش على الخلايا و تتعرف عالطبيعي منها من المصابه وتهاجم الغير طبيعيه ودا الكلام ينطبق على السرطان كمان