رتبها

سؤال مهم جدا و جه في وقته بصراحة والرد على الاسئلة اللي من النوع ده لازم تكون بالأدلة والمنطق مع بعض ، لما حد يقولك الاهرامات بناها العبيد هترد عليه الزاي وبشكل علمي ؟؟ انا بقى هقولك ....

فكرة ان الاهرامات احتاجت اعداد هائلة من العاملين دي فكرة حقيقية احتاجت اعداد تتجاوز العشر الاف عامل ده غير المشرفين والمراقبين والمهندسين وغيرهم ، وظلت فكرة ان العبيد هم من بنوا الاهرامات رائجة لفترة طويلة وليها اسبابها ، ليها اسباب سياسية زي اشاعة ( اليهود بنوا الهرم ) !!!!

واشاعة اخرى ( العبيد الافارقة بنوا الهرم ) !!! واشاعة ثالثة ( العبيد بنوا الهرم من غير ولا يهود ولا افارقة ) !!! ده غير طبعا الفضائيين وقوم عاد و شعب اطلانتس وووو اشاعات كتير وخزعبلات ليس لها اي صحة من الاساس ولا هدف غير التشويه
طيب فكرة العبيد ايه الدليل اللي يلغي هذه الاشاعة؟؟

سنة ٢٠١٠ وتحديدا في شهر يناير اعلنت الاثار عن اكتشاف مهم جدا ، عثروا على مقابر العمال بالقرب من هرم خوفو وده كان اكتشاف هام جدا والمقابر والمومياوات اللي تم اكتشافها اكدت ان عمال بناء الاهرامات لم يكونوا من العبيد لاكثر من سبب ، اولها من المستحيل ان تكون مقابر العبيد بجانب الملوك

لان الاهرامات هي مقابر ملكية فكيف يكون بجانب المقابر الملكية مقابر للعبيد ؟ لكن مقبول ان تكون مقابر للعمال والمشرفين لان في نظر المصريين القدماء لهم مكانة مميزة ، والمقابر لم تكن لكل عمال الاهرامات بل كانت للعمال اللي ماتت وقت البناء فقط وحتى العلماء وضعوا المومياوات تحت الدراسة

بس قبل ما اقولك نتيجة الدراسة اكتشفوا كمان بجانب مقابر العمال اماكن ذبح الماشية اللي كانت بتستخدم كطعام لعمال الاهرامات ووجدوا العديد من العظام الخاصة بالماشية .
الباحثين لما درسوا المومياوات اكتشفوا ان الهياكل العظمية للعمال كانت ملتئمة بشكل جيد وده يدل ان التغذية كانت ممتازة

وقدروا كمية اللحوم اللي كان بيتناولها العمال اثناء بناء الاهرامات بمقدار ٤٠٠٠ رطل من الابقار والاغنام والماعز بشكل يومي تقريبا ، وده مستحيل يكون تغذية عبيد .
والشيء الاهم ويعتبر افضل اكتشاف في القرن العشرين حصل من وقت قريب جدا سنة ٢٠١٣ هو اكتشاف برديات وادي الجرف ..

سنة ٢٠١٣ اكتشفت احدى البعثات بعض البرديات في مغارة بوادي الجرف وكانت هذه البرديات مدفونة بين الكتل الحجرية التي تم استخدامها لاغلاق المغارة ..
البرديات عظيمة فعلا ومكتوب فيها ، ان المغارات كانت تستخدم كورش عمل واماكن تخزين وتؤكد انها كانت تستخدم في عهد الملك خوفو ومش بس كده .

دي كمان بتؤكد ان العاملين في هذه المغارات هم نفسهم اللي عملوا في بناء هرم خوفو وتوضح البرديات التفاصيل الكاملة لبناء الاهرامات ومصدر الصخور وطريقة نقلها و اسماء العاملين في بناء الهرم ومراكزهم ايضا ويعتبر وادي الجرف هو اهم ميناء في عصر الملك خوفو .

وايضا اوضحت البرديات توزيع الحصص اليومية للاطعمة التي كانت تستخدم وتعداد الماشية واكدت البرديات ان عصر الملك خوفو استمر لمدة ٢٦ سنة و هذه احدى المعلومات التي لم يكن يعلمها احد .

برديات وادي الجرف تم عرضها لاول مرة في المتحف المصري عام ٢٠١٦ وهي موجودة لمن يريد مشاهدتها وبخط هيروغليفي واضح جدا .
اي شخص يقولك عبيد ، قوله ابحث عن برديات وادي الجرف 😊