الابداع عمل شاق جدا فيه من القضاء والقدر اكتر من اي ارادة . وحاحكي لكم موقفين من المواقف اللي مش ناسيها ابدا . الاول ايام التحرير كنت طبعا مع الشباب من اول يوم وبعد كام يوم لاقيت صدري محتشد بالرغبة في كتابة قصيدة عن الشهداء أكاد انفجر بها ولاني ماكنتش بارجع البيت كل يوم
الاحتشاد يزيد في صدري ومش لاقي مكان اقعد فيه لوحدي علشان اكتب لكن كنت عارف اني حارجع البيت يوم
وسايب الاحتشاد يزيد الي ان جلست يوم في مقهي البستان راحة جاءت جلستي جوار شخص لا اعرفه لكن عادي انه يعرفني وفجاة وبدون مقدمات لاقيته بيقول لي انت عارف سالي زهران ماتت ازاي . قلت له
وسايب الاحتشاد يزيد الي ان جلست يوم في مقهي البستان راحة جاءت جلستي جوار شخص لا اعرفه لكن عادي انه يعرفني وفجاة وبدون مقدمات لاقيته بيقول لي انت عارف سالي زهران ماتت ازاي . قلت له
يوم جمعة الغضب في المظاهرات .قال لي مش في مظاهرة . دي انتحرت ورمت نفسها من البلكونة وانا من بلدها . لاقيت صدري طلع منه كل الاحتشاد وغمضت عيني وانا باشتم فيه وراحت القصيدة اللي حلمت بيها وشلتها في قلبي الايام اللي قبلها كلها . ما اعرفش لحد دلوقت الشخص دا كان مين وراح فين .
وطلع لي منين . الموقف الثاني وانا باكتب رواية "الاسكندرية في غيمة " سنة 2012 . معظم شخصياتها كانوا اصحابي زمان وفيهم شخصية كاريمان مستوحيها من بنت كانت جميلة جدا بين اليساريين في اسكندرية زمان . وبرضه في يوم علي قهوة البستان قابلت صديق يساري قديم من اسكندرية قال لي فاكر فلانة .
وذكر اسمها الحقيقي . قلت له طبعا . ومارضتش اقول له اني مستوحيها في رواية قربت تخلص . قال لي عجزت خالص وتشوفها ماتعرفهاش قلت له بسرعة اسكت خالص
مش عايز افتكر حد الله يخرب بيتك . وحمدت ربنا انه ما تكلمش تاني والرواية كان فاضل عليها صفحات وتخلص والحمد لله خلصتها
مش عايز افتكر حد الله يخرب بيتك . وحمدت ربنا انه ما تكلمش تاني والرواية كان فاضل عليها صفحات وتخلص والحمد لله خلصتها
وبعدين الصدفة بعد سنة خلتني قابلتها هي نفسها علي قهوة البستان برضه قاعدة مع اصحابي سألتني مش عارفني يا ابراهيم قلت لها اسف والله . قالت لي انا فلانة . فرحت بيها اوي وقلت لها احلي حاجة اني اشوفك بعد ييجي 30سنة وطول ما انا قاعد اقول لنفسي الحمد لله خلصت الرواية ونشرتها .
طبعا مش كل اللي في الرواية حصل معاها بس هي كانت حلوة اوي وجدعة ومنجم للالهام . الكتابة سر واعظم مافيه انك ماتكلمش عنه ابدا وان ربنا مايحطش في طريقك حد يجيب سيرة حاجة قريبة من اللي بتكبته طول ما انت بتكتب لان الكلام بيخليه يفارق الروح والحمد لله وإن بعد سبع سنين كتبت رواية
عن الشهداء هي "قبل ان انسي اني كنت هنا ". عوضت بيها القصيدة الضائعة وادركت دا بعد ماخلصتها . ويمكن خير لو كنت كتبت القصيدة ماكنتش كتبت الرواية . بس برضه لسة باشتم الشخص اللي قعدت جنبه صدفة علشان يضيع القصيدة .
جاري تحميل الاقتراحات...