الليلة دايرة اتكلم عن موضوع مضايقني شديدد عندي صحبتي كانت بتحب ليها واحد حطمهاا و اذاها نفسياً و خلاها تفقد ثقتها في نفسها و حرفياً دمر ليها حيااتها ما كان بفوت يوم من غير ما تنزل منها دمعة بي سببو حقيقي الراجل لمن يكون ما قدر كلامو و جبان وخاين و كل الصفات السيئة فيهو
كانو مرتبطين لهم حكاية بتاعت ٨ شهور حرفياً كانت اتعس فترة في حياتها استغلاها وسلب منها اي حاجة حلوة في حياتها و اتعامل معاها بي كل عدم وضوح ما خلاها تشوف حياتها و لا قادر يخليها تخليهو بعمل ليهها بلوك بي مزاجو و يوم يتكلم معاهة و عشرة لا و لمن تجي تاخد معاهو موقف جادي
يغير ليهااا كلام و يحلف بشنو دااك انو بحبها و ما بقدر يعيش من غيرهاا و هي تصدقو و تتنازل لانو بالجد كانت بتحبو معشمة فيهو و بعد كم يوم و لا كانو حاجة حصلت يرجع زي ما كان ويتعامل معاهة اكعب من الاول
حقيقي عيشها في إكتئاب حاد ظهر عليها في شكلهاا لونها بقا شاحب و ما مهتمية بي نفسها و هز ثقتها و لا بتاكل كويس و لا بتطلع و حتي ما قادرة تتعامل مع الناس من شدة الموضوع كان مأثر فيها و كانت خلاص يائسةمن الحياه دي
حتي كانت بتمشي لي دكتورة نفسية و الحمدلله بقت احسن كتير من الاول قدرت تتخطى الحصل ليها بعد فترة حقيقي انا الموضوع كان مضايقني شديد دي اكتر فترة كنت حاسة فيها بضعف و انو مافي حاجة في يدي اعملها ولا اقدمها ليها طبع ما كان عندي الحق اني ادخل في حاجة بين اتنين مهما كانت شنو
كان علي بي صحبتي شوية شوية بقينا نحاول نخليها تنساهو و ما تفكر في العلاقة دي تاني و نغير ليها مودهااا و كداااا
لازم اي واحدة تفهم انو لو بالجد في راجل بحبها استحالة تهوني عليهو و يعاملك تعامل زي دا و لا كان ممكن يسمح لي نفسو انك تنزلي دمعة وحده عشان اي حاجة عشان كدا لازم اي وحدة تعرف قيمة نفسها و مهما كان السبب ما تسمحي لي زول يقلل من قيمتك و تعشمي نفسك بي زول
المشكلة الاكبر من دا كلو انو كان معيشها صراع داخلي مع نفسهاا و اي زول يجي يسألو من انو هم مرتبطين بنكر طوالي و بقول مافي اي حاجة بيناتهم و بي الجهة الموازية لو هي جات واجهتو بنكر انو عمل كدا متخيلين انو في زول مريض للدرجة دي
يا جماعة انا مهما كتبت و قلت ما حقدر اوصل ليكم كمية الاحراج و المواقف الكعبة الكان بدخلها فيها و برسل لي صحبتها يحنك معاهم و المشكلة انو كان بحنك مع صحبتها بي نفس الكلام البقولو ليها
مهما كان السبب ما تخلي زول يقلل من قيمتك ما تخلي راجل يكسرك ما تحسسيهو انك قويه بيهو لا انتي قويه عشان انتي عاوزه تكوني قويه و عشان تعيشي لنفسك انتي انثى يعني رقيقه يعني حساسه يعني دمعتك قريبه يعني بسهوله بتتكسري ما تخلي زول يكسرك و تقبلي انو يهينك و يكسرك تحت مسمى الحب
حبي نفسك مليووون مراا قبل ما تتخزي اي قرار حافظي علي نفسك انتي ما لعبه في يد اي زول و لمن تحبي حبي الراجل ما تحبي اشباه الرجال و الحاجة دي مارين بيها بنات كتار 🙂 عيشي لنفسك ، أقري وانجحي وحققي طموحك ، حبي عيلتك وصحباتك صلي صلاتك وادعي ، ربنا حيعوضك على كل وجع عشتيه
حسبي الله ونعم الوكيل عليك يا علي نوري انت بالجد واحد مريض و انا ما خايفة اواجهك وما حمسح اي كلام قلتو فيك لانو بالجد دي حققتك انت لازم تمشي تتعالج ربنا يشفيك ان شاءالله ما عشان صحبتي عشان نفسك كفاية كذب و قرف استحالة تكون طبيعي
جاري تحميل الاقتراحات...