رتبها

اول امبارح في مدينتي منطقة B7 شيماء وصاحبتها ماشيين وفجأة عربية فيها ٥ عيال جاية مخالف وبسرعة جنونية شالتهم هم الاتنين شيماء الله يرحمها اتوفت وصاحبتها منطقة الحوض كلها اتهتكت وفي المستشفى حالتها صعبة ربنا يشفيها ولسه ماتعرفش اللي حصل لصاحبتها
نيجي بقى للعيال

اللي كان سايق صديق صاحب العربية وصاحب العربية كان راكب جنبه اول ماحصلت الحادثة اللي سايق جري والنَّاس مسكت صاحب العربية اللي هو فارس اسلام طنطاوي ١٦ سنة عيل معروف عنه في مدرسته انه صايع وبيضرب مخدرات
جه امين الشرطة بيسأله انت اللي كنت سايق قاله اه انا اللي كنت سايق .. يتبع

طبعا الشرطة جت ووالدته اللي ماعرفتش تربيه ب٢ جنية حتى جت للضابط تقوله ابني مايركبش البوكس ابداً الضابط قالها ده دايس ٢ بعد حوارات كتير سمحوا لها تركب معاه البوكس
اهل شيماء راحوا علشان يطلعوا تصريح الدفن اهم حاجة قالولهم تعالوا ٤ الفجر
راحوا ٤ الفجر قالولهم لا ٩ الصبح .. يتبع

راحوا ٩ الصبح قالولهم لا روحوا النيابة الساعة ١١ خدوه من هناك
راحوا النيابة قعدوا من ١١ لحد ٤ ونص قالولهم روحوا خدوها من القسم
راحوا القسم مالقوش ورق بس لقوا الباشا قاعد في مكتب الضابط مش في الحجز وابوه بقى بالعصاير والمية المعدنية والاكل وقاعد معاه .. يتبع

وأمناء الشرطة قاعدين يقولوا لأهل شيماء لا ده هيتعمل وهيتسوى فيه
اهل شيماء راحوا النهارده الصبح بمحامي لمكتب الصحة وطلع معاهم دكتور للمشرحة واستلموا شيماء ووالدتها غسلتها ولكم ان تتخيلوا الموقف طبعاً عقل البشر يعجز عن استيعاب ايه الإحساس او التفكير داخل الام في اللحظات دي .. يتبع

دفنوا شيماء النهارده وف الدفنة عرفوا ان فارس اسلام طنطاوي اخد اخلاء سبيل..بالبساطة دي علشان اهله واصلين اه والله
ع الاقل اتبعوا معاه محن القانون ويتعاقب كأحداث ١٦سنة؟! ماينفعش مامته عيزاه نايم في سريره ووالدة شيماء عادي جداً تدوخ على تصريح تغسل بنتها وتنيمها ف تربة النومة الاخيرة

سعر روح كل واحد فينا بقى مختلف وفقاً للحيثيات والوسايط والنفوذ
حق شيماء لازم يرجع هم بس نسيوا ان في اهل حرقة قلبهم على بنتهم ممكن تخليهم يعملوا اي حاجة .. نسيوا ان في بني ادمين مش هيرضيهم كم الفساد والقهر ده .. نسيوا ان في ربنا
ربنا يرحمك ياشيماء

فعلاً والله مدينتي اهم حاجة فيها الكميونيتي الوسخ👌

اتفرجوا خالة الواد البودرجي اللي قتل بنت والتانية بين الحياة والموت مدشدشة في المستشفى واهله بيقولوا ايه🤦‍♀️

ياجمااااعة شكراً ليكم بجد صدر امر في بيان من النائب العام واتبعت للصحف علشان يتنشر
شكرا لكل اللي عمل ريتويت وشكراً لكل اللي دعا دعوة حلوة ربنا مايوركوش شر في عزيز ولا غالي #شكراً 🙏

بيان النائب العام نزل اهو m.elwatannews.com
شكراً للصحفي المحترم هيثم البرعي اللي أتواصل معايا فوراً واهتم بالموضوع ده ثالثاً
وشكراً لكل واحد شير على فيسبوك او عمل ريتويت على تويتر او دعا للبنتين واهلهم ده ثانياً
وشكراً لكرمك يارب وتمها على خير ده اولاً🙏

m.elwatannews.com/news/details/4…

m.elwatannews.com ربنا يرحمها ويغفرلها ويصبرك يا احمد انت ووالدتكم

m.elwatannews.com/news/details/4…

مكتب وائل الإبراشي كمان أتواصل وهيتكلم بكرة عن الحادثة على الفضائية المصرية والقناة الاولى وهيتصلوا بأحمد اخو شيماء في مداخلة
ربنا كريم ياشيماء وان شاء الله حقك يرجع #يارب🙏

منظر العربية فيلم رعب لوحده
ربنا يرحمك ويغفرلك ياشيماء
ويقومك بالسلامة يانهاد