بمناسبة اللي حاصل دلوقتي في امريكا، من 20 سنة وانا بأشتغل على الدكتوراه بتاعتي، طالب دكتوراه باكستاني عبقري، كان خلص خلاص وعلى وشك يرجع باكستان، خرج يشتري سجاير - في فيلادلفيا الخروج بالليل فيه خطر على حياتك- 1
اتعرضله مجموعة من الشباب السود، وطالبوه يخرج الفلوس اللي معاه؛ كان معاه فلوس قليلة، معجبهمش فواحد فيهم قام ضاربه طلقة من Shotgun موته - المشرف بتاعه في تأبينه كان بيعيط عليه بطريقة خلتنا كلنا عيطنا -2
العيال الي موتوه اتقبض عليهم، واحد بس قبل Plea من النيابة، واخد حكم تافه (مش فاكر 3 سنين باين) - والباقي رفض Plea وكملوا في أجراءات المحاكمة، وطلعوا براءة بسبب خطأ إجرائي من الشرطة وهي بتقبض عليهم -3
الولد العبقري مات على الفاضي علشان شوية دولارات - ومكنتش حالة وحيدة - لما تمشي في جامعة بنسلفانيا - اللي هيا واحدة اعرق 7 جامعات في أمريكا أسسها بنجامين فرانكلين 1776 - أيفي ليج - بتلاقي علامات معدنية على الممرات بتؤرخ لمقتل طالب في نفس مكان العلامة -4
موضوع الأمن في الشوارع اللي حوالين الجامعة خطر لدرجة انه بعد الساعة 5م فيه ميكروباصات بتأخدك توديك بيتك ببلاش (رغم ان معظم الطلبة ساكنة على بعد مسافات سير قليلة جداً) علشان لو مشيت لوحدك بالليل احتمال متوصلش ابداً -5
انا بأحكي الكلام مش علشان أبرر تعامل الشرطة مع السود، ولكن علشان الناس اللي معندهاش فكرة تفهم السياق وتعرف ليه فيه Racial Profiling وانا شخصيا أتعرضت تقريبا كل مرة ادخل فيها مطار برضه ل Racial Profiling للتفتيش الإضافي "العشوائي" طبعاً لأني من المنطقة المنكوبة من العالم -5
بس كنت متفهم ده، لأن معظم الإرهابيين اللي بيهاجموا المطارات او بيعملوا اعمال ارهابية بيجوا من عندنا، وبالتالي كنت متفهم للإجراءات الإضافية معايا -6
جاري تحميل الاقتراحات...