ثريد عن عمليه تصحيح النظر " ليزك" اللي سويتها
بتاريخ ١٠-١٠-١٤٣٩ اضطريت اسوي العمليه لضعف النظر ، سألت كثير عن افضل دكتور موجود بالرياض و حصلت الدكتور سالم المالكي بمستشفى الرائد
حجزت موعد الساعه ٣ العصر و يوم جيت حصلت زحمه جدا بالانتظار ، الفحوصات اخذوها الساعه ٧ بالليل و جلست انتظر الين الساعه ١ و دخلت العمليه و كان الدكتور اسلوبه جدا جميل و الحمدلله العمليه كانت خفيفه و بدون اي الم حسيته و مافيه ابر واشياء تخوف
بعد العمليه على طول عطاني نظاره شمسيه و القطره الزرقاء و الحمراء كل ٤ ساعات و ريفيش بلس كل ١٥ د
اول ٣ ايام كان فيه الم خفيف و ما قدرت افتح عيوني و بعد اسبوع رحت للدكتور والحمدلله بشرني ان العمليه نجحت بس لازم التزم بالقطرات ، من اول يوم الين كملت شهر كان فيه غباش
طبعا اول اسبوع ممنوع المويه تلمس عيونك و اذا بتتروش جسمك بس و ممنوع حك العين
بعد اكمال اول شهر كنت فرحان مره لان اشوف الاشياء من بعيد عكس قبل و كنت ملتزم جدا بالقطرات ، بعد مده شهر انتهيت من القطره الحمراء والزرقاء كان مضاد
بعدها اخذت ليكوجل معقم للعين كل ٤ ساعات و جلست فتره ٦ شهور على لكيوجل و ريفريش بلس و وبعد كل شهر النظر يتحسن ، من ثاني شهر ، كانت مزعجه القطرات لان لازم تحط ولا بتعاني من جفاف بالعين
يوم كملت ٦ شهور انتهيت من ليكوجل و ال٦ شهور الباقيه كانت بس ريفريش بلس و النظاره الشمسيه مده سنه
الحمدلله نفس ذا اليوم قبل سنتين سويت العمليه والحين النظر ٦/٦ وبخير
حساب الدكتور @DrSalem_Almalki
التكلفه ٣٧٠٠ + نظاره شمسيه + مراجعه مستمره
وخلص الثريد حاولت يكون خفيف 😃
جاري تحميل الاقتراحات...