هو يعني ايه الxG وازاي بيتم حسابها؟ هل هي مؤشر حقيقي لجودة الفرص ولا لا؟ خلينا نشرح بشكل مستفيض الفكرة.
** كل ما سيتم ذكره منقول من صديقي ابراهيم جمال بعد أخذ موافقته❤️
** كل ما سيتم ذكره منقول من صديقي ابراهيم جمال بعد أخذ موافقته❤️
الاحصائية ديه لرحيم سترلينج موسم 19/20، ولحد الايقاف رحيم كان مسجل 11 هدف في حين انه كانت متوقع انه يسجل 11.8 هدف، المناطق البرتقاني والزرقا هي مجموع التسديدات اللي عملها سترلينج طوال الموسم وهم 67 تسديدة مع اهمال ضربات الجزاء
، وبشكل عام الفكرة ديه هتلاقيها في اغلب مواقع الاحصائيات زي ستاتس بومب وبيكون مكتوب عليها np-xG، يعني non penalties expected goals واللي بيتم فيها حذف ضربات الجزاء من حساب الاهداف المتوقعة لأنها بتدي افضلية للعيبة اللي بتشوط ضربات جزاء كتير،
التسديدات اللي لونها ازرق مثلًا هي اللي تم تسجيلها والبرتقاني اللي سترلينج منجحش يحولها لأهداف، وكل لما الدايرة تكبر كل ما ده يعني ان التسديدة طبقًا لعدة ظروف كانت المفروض تدخل جول بنسبة اكبر، وبالتالي بيحاسب عليها المهاجم انها فرصة كبيرة وهكذا،
لكن علي أي أساس بيتم اعتبار الفرصة ديه كبيرة ولا لا؟
اولاً بيتم معرفة مكان المسدد للكورة، قد ايه بيبعد عن الجول والزاوية بين الكورة والمرمي، ثانيًا بيتم معرفة الجزء اللي سدد الكورة سواء رجله اليمين الشمال دماغه كتفه واللي هو شئ مؤثر برضو ف تحليل امكانية تحويل التسديدة لهدف،
اولاً بيتم معرفة مكان المسدد للكورة، قد ايه بيبعد عن الجول والزاوية بين الكورة والمرمي، ثانيًا بيتم معرفة الجزء اللي سدد الكورة سواء رجله اليمين الشمال دماغه كتفه واللي هو شئ مؤثر برضو ف تحليل امكانية تحويل التسديدة لهدف،
ثالثًا بنعرف الباص ما قبل التسديدة ديه سواء عرضية او ثرو باص او سيت بيس، يعني مثلًا لو افترضنا ان نفس اللاعب شاط الكورة من 10 متر تجاه المرمي بنفس الزاوية بنفس الرجل فهيكون مؤثر لو عرفنا الباص ده جه ف اتجاه المرمي ولا بشكل عرضي وبالتالي نسبة تحويلها لهدف هتختلف
، رابعًا معرفة اسلوب اللعب المؤدي للهجمة ديه، نشأت من لعب استحواذي ولا ريباوند وتحديد اقرب اللاعبين للمسدد ده وامكانية انهم يقفلوا عليه الزاوية وبالتالي قد ايه ممكن الفرصة تتحول لأصعب.
الحقيقة ان العمل اللي بيقوم بيه اوبتا وستاتس بومب هو عمل صعب جداً وبدأ يتطور لشكله الحالي مؤخرًا جدًا، المواقع ديه بتقارن بآلاف التسديدات بملايين الاحتمالات عشان يوصلوا لحسبة صعبة ولكنها منطقية، xG=0 هي فرصة مهدرة والxG=1 معناها هدف،
فبديهي ان الxG بتاع التسديدة الواحدة كل ما اقترب من الواحد الصحيح كل ما كانت نسبة تحويلها لهدف اعلي، في شرح موقع FBref للxG ادي مثال لهدف سجله كالوم ويلسون في ساوثهامبتون هبقي اسيبه ف الكومنتات،
كالوم بعد ما لم بين فوستر بقي 6 ياردة بعيد عن خط المرمي وبعيد حوالي 10 ياردة عن اقرب لاعب ليه، والكورة علي الارض تمامًا، موقع زي stats bomb مثلًا في مقارناته لآلاف التسديدات الشبيهة بيقول ان xG هنا بيساوي 0.97 والنسبة ديه طبعًا هتختلف لو ويلسون مكانش لم بين فوستر،
او مكانش فوستر هو اخر لاعب من ساوثهامبتون، او لو فوستر بعد الكورة عن رجل ويلسون شوية إلخ، لكن في جول ويلسون تحديدًا وطبقًا لظروفه، ستاتس بومب بتقدر الفرصة الopen goal ديه ب 3% عُرضة للتضييع فقط.
ضربة الجزاء مثلاً الxG بتاعتها هي 0.76 والرقم ثابث علي اعتبار ان كل ضربات الجزاء ليها صفات متماثلة اللي احنا ذكرناها فوق، نفس المسافة ونفس الزاوية،
مثلاً رونالدو داخل يشوط بينالتي وخلينا نفترض ان الحارس صد الكورة ورونالدو دخل من مكان يتراوح بين 6 او 8 ياردة وسدد الكورة تاني والحارس لسه مقامش، قالك هنا الxG للكورة ديه هتقل ل0.72، لكن التسديدات المتتالية الشبيهة بيتم حسابها بشكل مختلف،
بيتم حساب نسبتها كتسديدات متتالية وبالتالي بحسبة ما هتلاقي انه الxG لرونالدو من التسديدين دول مجمعين هي 0.93، والحقيقة هو ده الفارق اللي بنشوفه لما نحسب كل التسديدات والxG لكل تسديدة ونلاقيها مش متطابقة والسبب هي التسديدات المتتالية ديه.
موقع Fbref كان ادي مثال للفكرة ديه بفرصة من تسديدات متتالية ف ماتش بين شالكة ونورنمبرج، الفرصة في الدقيقة 78 كانت عبارة عن تلت تسديدات متتالية للاعب نورنمبرج بيهيرنس مرتين والتسديدة التالتة للاعب اسمه زريلاك،
لقوا ان التلت تسديدات علي اختلاف وضعياتهم الxG بتاعتهم هم 0.37، 0.68 ، 0.81 ،المنطقي والعادي اني اقول ان xG للفرص ديه هي 1.86 وهو مجموعهم، لكن بمجموع من الحسابات الxG هنا بتقل ل0.96 ، لأنه فعليًا مستحيل نورنمبرج يسجل 1.8 هدف في فرصة واحدة 😅
كل لما الxG للاعب تكون اقل من اللي سجله ده معناها انه سجل اعلي من المتوقع، وده قطعًا مش معناه انه مضيعش فرص كتيرة، لأنه الxG الكلي هو المتوقع انه يسجله وبالتالي الفرص الصعبة اللي سجلها ممكن بسهولة تغطي رقميًا علي اللي ضيعه،
وده معناه ان احصائية الفرص الكبيرة الضايعة مش مؤشر لسوء اللاعب كمهاجم، اكيد هيكون افضل لو سجلهم يعني، لكنه مبيعرفنيش بالمقابل هو سجل قد ايه من فرص صعبة، السيزون ده مثلًا ليفاندوفسكي مسجل اعلي من الاهداف المتوقعة ليه ب4.2 جول بالرغم من انه اعلي واحد اضاع فرص ب22 فرصة،
عكس تيمو فيرنر مثلاً اللي مسجل اكتر من المتوقع ب0.7 بس ومضيع 16 فرصة كبيرة، وده يعرفنا بوضوح الفارق بين الاحصائيتين،
وعشان احطك علي الخريطة يعني فال 4.2 جول اللي اعلي من المتوقع اللي سجلهم ليفا الموسم ده فهم رقم كبير ومش كل اللعيبة بتوصله، ليفا نفسه مثلاً موسم 18/19 سجل اقل من المتوقع ب 6 اهداف كاملة!!
المنحني اللي خدته ستاتس بومب واوبتا هو طريق مهم بتستخدمه كل الفرق حاليًا وهو مؤشر مهم وحقيقي للعبة، مش بس الxG لكن حاجات كتيرة زي الxA والxG build up, والxG chain, والprogressive distance وعدد الباصات المكتملة في كل تلت من الملعب الخ.
"انتهى بفضل الله ❤️
"انتهى بفضل الله ❤️
جاري تحميل الاقتراحات...