#فضفضة_المتكممين #رابطة_المتكممين
السلام عليكم ورحمة الله وبركاته
يسعد صباحكم/مسائكم كلا بتوقيته
بحكيكم قصتي مع التكميم وكيف كنت رافض وليش وافقت عليه وايش صار وكيف صرت.
بسم الله الرحمن الرحيم...
السلام عليكم ورحمة الله وبركاته
يسعد صباحكم/مسائكم كلا بتوقيته
بحكيكم قصتي مع التكميم وكيف كنت رافض وليش وافقت عليه وايش صار وكيف صرت.
بسم الله الرحمن الرحيم...
أنا وأعوذ بالله من كلمة أنا شاب ويحب يستمتع في الأكل وما يخلي شي في خاطره ويسمع عن مطعم جديد يجربه ما يقول لا والأدهى والأمر أعشق الحلى مثال بسيط لعشقي للحلى (ما شاء الله) كنت أرجع من عملي الساعة 12 في الليل أوقف عند محطة قبل بيتنا تتوقعوا اعبي بنزين طبعا اعبي بنزين (الحلى) كنت
اشتري بما يقارب من 20 ريال الى 25 ريال مقسمة كالتالي (شوكلاتات بأنواعها + قارورة كوكولا الوسط) ارجع البيت اللاب توب شغال الفيلم اتحمل يشتغل الفيلم يغلق الفيلم الحلى غلق، كنت بشكل يومي على هذا الحال قارورة النوتيلا تجلس عندي اسبوع وهيا مغلقه والي يزيد الطين بله ما كان في ادنى
مستوى للرياضة كنت لا غيها من قاموسي نهائيا.
تقريبا وصلت الى وزن (ما شاء الله) 200 كيلو السيد الوالد والست الوالدة الله يحفظهم ويسعدهم كانوا دايما يحاربوني ويضاربوني على الي بسويه، بدأت اشوف اني وصلت مرحلة خطيره خصوصا جاني السكر بعد حادث سيارة بعيد الشر عني وعنكم
تقريبا وصلت الى وزن (ما شاء الله) 200 كيلو السيد الوالد والست الوالدة الله يحفظهم ويسعدهم كانوا دايما يحاربوني ويضاربوني على الي بسويه، بدأت اشوف اني وصلت مرحلة خطيره خصوصا جاني السكر بعد حادث سيارة بعيد الشر عني وعنكم
(واسلوب حياتي السيء كان له دور برضه) ولازم انتبه لنفسي بدأت رياضه اهتم في اكلي نزلت الحمدالله الى ما يقارب(ما شاء الله) 135 كيلو دخل علينا الشهر المبارك رمضان و بدأت السيدة الوالدة الله يحفظها تنزل اشهي الاطباق والذ الاكلات ما جاء نص شوال الا وانا وزني(ما شاء الله) 185 كيلو
المهم مشيت بعدها على نظام اتكنز نزلت الحمدالله و بدأت احس بتحسن لكن المغريات كانت اقوى والعزيمة ضعيفة ورجعت بعدها رحت لأخصائية والحال كما السابق.
السيد الوالد والست الوالدة بدأوا معايا في حكاية عملية التكميم وانا ارفض تماما. (هذا الكلام قبل كم سنه)
السيد الوالد والست الوالدة بدأوا معايا في حكاية عملية التكميم وانا ارفض تماما. (هذا الكلام قبل كم سنه)
جاني ألم في أسفل الظهر طبعا الالم لدرجة ما أقدر انام ع ظهري ما أقدر امشي الا أركز ع أحد ويا ويلي لو أسوي حركة خطأ او ألف فجأة الم يموت طبعا الالم هذا مزمن وماخليت مستشفى حكومي خاص ومافي فايدة نصحوني بسليمان فقيه ورحت طلع عندي مشكلة في الفقرات القطنية الرابعة والخامسة
بسبب الوزن وبسبب سقوطي على الارض في فترات سابقة منها وانا صغير ومنها وانا شباب.
هنا بدأت أفكر بشكل جدي في عملية التكميم!
واحد عزيز على قلبي سوا العملية في الرياض قلي اكلمك المنسقة تبع الدكتور الي سويت عنده يسوولك هيا بنفس السعر 15000 ريال قلت تمام كلمناهم واديناهم التفاصيل
هنا بدأت أفكر بشكل جدي في عملية التكميم!
واحد عزيز على قلبي سوا العملية في الرياض قلي اكلمك المنسقة تبع الدكتور الي سويت عنده يسوولك هيا بنفس السعر 15000 ريال قلت تمام كلمناهم واديناهم التفاصيل
من قبل ما أرحلهم الرياض وخصوصا انه كان عندي عمليه سابقة في البطن حددولي موعد سافرت على الموعد للرياض ومعايا الحب ريان، اخدنا سيارة وعالمستشفى سوينا التحاليل والفحوصات وهب دب طهمجة 🤭< معليش اتحملوني المهم ما خليت شي الي نفسي فيه اكلته وختمتها بكنافة حبيبة، الصدمة كنت
متواعد مع أخوان أحمد في الرياض ابات عندهم والصباح اروح المستشفى عمليتي العصر الاخوان مسوين حاشي وحالفين بالله تتوقعوا حكسر حلفانهم واخليهم يصومو كفارة 😁<كفوف لا كل واحد يمسك نفسه😢 وعارفين الباقي.
رحت الصباح للمستشفى دخلوني الغرفة جابولي لبس العملية غيرت واتجهزت نزلوني العصر
رحت الصباح للمستشفى دخلوني الغرفة جابولي لبس العملية غيرت واتجهزت نزلوني العصر
للعمليات حطوني في الانتظار وانا قرابة ٤٥ دقيقة، جو واخدوني بسم الله جاهز قلت جاهز توكلنا على الله ونحن رايحين على غرفة العمليات جاء الدكتور وبيتكلم معاهم الانجليزي عندي على حركرك بس الي فهمته انه السعر اختلف وطلعوه الغرفة.
طلعوني الغرفة وقالو حيجيك الدكتور انتظرت ساعه
طلعوني الغرفة وقالو حيجيك الدكتور انتظرت ساعه
و ريان يستناني في الجناح الي محجوز ليا بعد العملية لما شافني اتاخرت نزل يدور قالوله في الغرفة جاء وحكيته على الي صار طبعا كلم المنسقة قالت الدكتور عشان العملية الي في بطنه رفع السعر وصار بي 23000 ريال قلت اسمع انا استخرت الله وادينهم التفاصيل من بدري ما كذبنا عليهم
لكن يستغفلنا كذا قلها معد نبغى قالت استهدوا بالله ونشوف الدكتور ريان قلها طيب وانا قاعد البس خلاص ابى امشي دقت قالت بي 18000 او 20000 ريال ما افتكر بالزبط قلت لريان قلها لو ببلاش والله معد اسوي وفعلا خرجنا وضربنا من النعمة وختمناها بكنافة حبيبه واااه يا قلبي وعلى مكتنا الحبيبة.
بدأت اكلم الدكاترة عن طريق تويتر وعن طريق الواتس بحكم انه بتصير على التأمين لحالات السمنة المفرطة فأبغى اعرف الطلبات ابغى اعرف السعر وكم نسبة التحمل وبدل ما اتهجول وانزل بعد الدوام جده ودوامي كان يغلق ٦ المغرب فمافي وقت طبعا الي كان يقلي 20000 ريال التأمين و 20000 ريال عليك
والي يقلي 10000ريال عليك وصلت لدكتور قلي 3000 ريال عليك وال 20000 ريال التامين قلت بسم الله حجزت عنده موعد رحت موعدي دفعت كشفيه اخذ معلومات عن حالتي من الالف الى الياء قلي ابغاك تسوي اشعه وتجبلي هيا قلت تمام طبعا الأشعة بسبب انه كان عندي عمليه سابقة في البطن سويت الأشعة
وارسلتها لهم عالواتس الصدمة انهم طلبوني 10000 ريال غير ال 20000 ريال تبع التامين مع العلم ان الأشعة سليمه واموري طيبة قلت خيره.
واحد من الشباب ارسلي صورة لمستشفى السعودي الالماني انهم يسووا العملية على التأمين فقط بدون دفع اي مبلغ زياده اتوكلت على الله ورحت طبعا لولد عمي
واحد من الشباب ارسلي صورة لمستشفى السعودي الالماني انهم يسووا العملية على التأمين فقط بدون دفع اي مبلغ زياده اتوكلت على الله ورحت طبعا لولد عمي
الله يعطيه العافية كان يشتغل في المستشفى وقف معايا كثير الله يسعده عموما اول زيارة للدكتور والدته اتوفت الله يرحمها وماكمل في العيادة ومشي قلنا خيره جينا ثاني مره واخذت موعد ومشيت الامور الحمدالله سوينا تحاليل ورحنا لدكتور التخدير والامور طيبه ولله الحمد طبعا شاف الأشعة
تبع العملية السابقة وقلي تدفع 3000 ريال قلت ماهي مشكلة مشيت الامور سهاله الحمدالله اعطاني ورقة دخول من غير تاريخ قلي راح نتصل عليك ونحدد الموعد وتسجله قلت تمام اتصلت عليا الممرضة حسين قلت هلا ومرحبا ياعيون حسين <امزح 😊
المهم يا فرحه ما تمت قالت شويه اتصل عليك قلت حاضر ومرحبا وعليها ولا عاد اتصلت.
وعدت الايام ولا أحد كلمني رحت جدة وقابلت الدكتور قلي كيف ما اتصلنا قلت الي صار كذا وكذا قلي طيب ماهي مشكلة يناسبك في شهر 9 ميلادي قلت لا الله يسعدك في أقرب وقت المهم بالمناحله وحب الخشوم
وعدت الايام ولا أحد كلمني رحت جدة وقابلت الدكتور قلي كيف ما اتصلنا قلت الي صار كذا وكذا قلي طيب ماهي مشكلة يناسبك في شهر 9 ميلادي قلت لا الله يسعدك في أقرب وقت المهم بالمناحله وحب الخشوم
حددناها في شهر 8 الحمدالله سويت العملية وتكللت بالنجاح ولله الحمد. (وللعلم ما اخذ مني ريال زيادة)
ثاني يوم من العملية سويت اشعة صبغة اموري طيبة نحمدالله ونشكره ثالث يوم خرجت من المستسفى.
وهذي صورة وفيديو قبل العمليات وبعد ومقطع فيديو لأحمد اول ما خرجوني من الافاقة😆
ثاني يوم من العملية سويت اشعة صبغة اموري طيبة نحمدالله ونشكره ثالث يوم خرجت من المستسفى.
وهذي صورة وفيديو قبل العمليات وبعد ومقطع فيديو لأحمد اول ما خرجوني من الافاقة😆
طبعا فكرة إني اشرب في غطا كانت جدا مستفزة المهم انه غصبا عني وقلت هذه بداية التغيير مشيت الامور تمام.
كان مرافق معايا تغريد (زوجتي ونور عيني).
في اليوم السابع بدأ عندي الم في جنبي اليسار الي قال شد عضلي لا تشيل هم والي يقول بسبب الغاز وطنشت ويوم عن يوم يزيد الألم.
كان مرافق معايا تغريد (زوجتي ونور عيني).
في اليوم السابع بدأ عندي الم في جنبي اليسار الي قال شد عضلي لا تشيل هم والي يقول بسبب الغاز وطنشت ويوم عن يوم يزيد الألم.
اليوم التاسع الم لا يحتمل اتصلت على الحسين صاحبي *(هذا الي انا بتخيله)* بحكم انه أخوي ريان في دوامه والسيد الوالد في دوامه وأخوي حسن في المخواه المهم وداني على المدينة الطبية طبعا بعد ما دخلت افتكر 3 حاجات دخول الحسين مع باب الطوارئ والسيد الوالد
وهوا يقلي يقصو الثوب ولا تقوم تغير اقلك خليهم يقصو أحسن والثالثة وانا داخل غرفة العمليات السيد الوالد بيعملي 👍🏻 وانا بردها له 👍🏻.
الحمدالله صحيت ثاني يوم أموري كويسه نوعا ما طبعا ماكنت مستوعب كنت أحس نفسي طاير في الهوا كنت دايخ ما كنت افهم كلامهم ما كنت اعرف اتكلم
الحمدالله صحيت ثاني يوم أموري كويسه نوعا ما طبعا ماكنت مستوعب كنت أحس نفسي طاير في الهوا كنت دايخ ما كنت افهم كلامهم ما كنت اعرف اتكلم
كان يجيني الدكتور خالد الله يذكره بالخير ويسعده يقلي تعرفني كنت اصرفله اسم فعليا ماكنت مفتكر طبعا كنت في العنايه المركزة في اشياء افتكرها مثلا المعامله السيئة من بعض الممرضين في العناية!
عموما الحمدالله اتحسنت كثير طلعوني غرفة عادية صار يجلس عندي أخوي ريان وحسن بالتناوب
عموما الحمدالله اتحسنت كثير طلعوني غرفة عادية صار يجلس عندي أخوي ريان وحسن بالتناوب
اكتشفت انه رجلي اليسارالله يكرمكم ما تتحرك ومنمله وانه كنت في غيبوبه 22يوم وانه مافقت من ثاني يوم من العملية.
في يوم الله يكرمكم ابغى اروح الحمام ولسى ما وفرولي عكاز فجيت اقوم انتبه ريان وقلي اتعوذ من ابليس واجلس قلت بروح الحمام ورجلي كويسة الحمدالله
(الوالد بيكلمني وانا فغيبوبة)
في يوم الله يكرمكم ابغى اروح الحمام ولسى ما وفرولي عكاز فجيت اقوم انتبه ريان وقلي اتعوذ من ابليس واجلس قلت بروح الحمام ورجلي كويسة الحمدالله
(الوالد بيكلمني وانا فغيبوبة)
وقاعد يحاول معايا اني ما اقوم وانا الا والا اتحرك، وقفت على رجولي فرحت الابتسامة شقت وجهي حركت رجلي بأمشي وطحت على وجهي هنا جاء في بالي انه خلاص رجولي راحت وبدأت تجيني افكار جدا سيئة، المهم جاء ريان مسكين يحاول يوقفني ما قدر انا احاول اوقف ما في فايدة كلم التمريض جابولي 6 شباب
حلوين من الامن خلوني انام على شرشف ورفعوني على السرير.(أنا الي افتكره تبع الأمن وهما يشيلوني والباقي ريان بيحكيني)
اهلي تقريبا بيزوروني بشكل يومي واثنين من اعز اصحابي الحسين وأحمد (اخوان لم تلدهم امي) اتعرضت لجلطتين في الصدر وربي سلم الحمدالله بدأت افوق نوعا ما،
اهلي تقريبا بيزوروني بشكل يومي واثنين من اعز اصحابي الحسين وأحمد (اخوان لم تلدهم امي) اتعرضت لجلطتين في الصدر وربي سلم الحمدالله بدأت افوق نوعا ما،
عرفت أنى كنت في غيبوبة بعد العملية لمدة 22 يوم يعني ما فقت ثاني يوم من العملية كان يتابع معايا الدكتور خالد والاستشاري ولما اتطمنو عليا واموري بدأت تتحسن نوعا مما خرجوني وعندي مشكلة وحدة الله يكرمكم الاستفراغ بسبب الدعامة.
خرجت وخارج من بطني الله يكرمكم لي نهايته كيس عشان لو سمح الله لو في تسريب يبان من الكيس وقالولي بعد 4 اسابيع إذا امورك كويسه حنشيل الكيس والدعامة.
عدت الاسابيع بالطول بالعرض رحت اخر موعد حجزولي موعد وغرفة عشان المنظار يشيلوا الدعامة والحمدالله تمت الي حصل ان الامور عدت بخير
عدت الاسابيع بالطول بالعرض رحت اخر موعد حجزولي موعد وغرفة عشان المنظار يشيلوا الدعامة والحمدالله تمت الي حصل ان الامور عدت بخير
لكن الله ما ارادويقفل التسريب جلسوني في المستشفى طبعا اكلي وشربي كله عن طريق الوريد TBNوغيره ركبولي دعامه ثانية لما فقت بعد المنظار حرقان يقتل واكرمكم الله استفراغ جلست كم يوم في المستشفى وخرجت رحت البيت كل شي كان صعب بالنسبة ليا بسبب انه التغذية سيئة.(الصورة توضح شعري كيف بيطيح)
طبعا في فترة خروجي كنت اتابع مع مركز علاج طبيعي اتحسن رجلي شي بسيط الحمدالله، صحيت في يوم ما اقدر اكل ولا اشرب من وقت ابلع حاجة الله يكرمكم اطلعها مباشرة كلمت اخوي ريان يوديني المستشفى رحنا المستشفى دخلوني الطوارئ سوينا اشعه صبغة طلع انه الدعامة اتحركت من محلها وسدت المعدة
نوموني في المستشفى طبعا في قسم الجراحة التخصصية ما كان في غرف فاضية (كانوا ينوموني في غرفة لحالي كعزل عشان العدوى) فنوموني في غرفة في قسم القلب وطبعا كنت الاسوأ من حيث بعض الممرضين والممرضات تعاملهم سيء وعدم الاهتمام بحكم انني مو من ضمن اختصاصهم ومن جهة اخرى عدم حضور
الدكاترة بشكل دوري بحكم اني بعيد عن اعينهم وفي الدور الرابع وقسمهم في الدور الثاني عانيت كثيرا الدكتور خالد ما اكن يقصر وكان في الدكتور أحمد الله يعطي العافية بين فتره وفتره بيطمن عليا والدكتورة سماح برضو يديها العافية.
ريان أخوي الصغير طبعا قدم استقالة من عمله
ريان أخوي الصغير طبعا قدم استقالة من عمله
وجالس معايا الله يسعده ففيوم من الايام دقو عليه ريان ايوه عندك مقابلة شخصية قلهم انا في المستشفى مع اخوي تستنوني ساعه قالوا اجل خليها بكره ورحلهم ثاني يوم والحمدالله اتعين ممثل الشركة القانوني وفرحتله بس زعلت حيروح الي يونسني وينكد عليا 😂
فعلا تضايقت كثير بسبب انه ما عاد يجلس معايا مشيت الامور وصار ريان يجيني بعد ما يغلق دوامه ربي يعطيه لين يرضيه، زي ما قلتلكم كنت ممنوع من الاكل والشرب عشان التسريب وكانت تغذيتي بالمغذيات عن طريق الوريد بس كنت اشرب شوية مويه بالعسل وكان يعطوني حبوب اخدها
بشوية مويه كنت اكل حاجة جدا جدا جدا بسيطة من اكل ريان 🤭.
صباحية يوم جمعه صحيت ولقيت الجيوب الانفية ثائره وبداية زكمة طلبت دكتور محد عبرني بعد صلاة الجمعة طلبت دكتور محد عبرني جاتني الست الوالدة وسافتني قالت ما طلبت دكتور قلتلها الا بس محد جاء الى الان
صباحية يوم جمعه صحيت ولقيت الجيوب الانفية ثائره وبداية زكمة طلبت دكتور محد عبرني بعد صلاة الجمعة طلبت دكتور محد عبرني جاتني الست الوالدة وسافتني قالت ما طلبت دكتور قلتلها الا بس محد جاء الى الان
راحت تفاهمت مع التمريض ولا استفادت حاجة طبعا السيد الوالد كان بيشوف موقف جاء وحكته الست الوالدة وراح قلب الدنيا فوق تحت وبرضوا ما جاني دكتور ثاني يوم الصباح جاء السيد الوالد ورفع شكوي عليهم في المستشفى خلال 40 دقيقة جاني الدكتور وصرفولي علاج مع العلم
ريان الله يسعده قد اشترالي بخاخ للأنف المهم اتعدلو نوعا ما معايا التمريض وطولت الزكمة معايا 4ايام تقريبا.
نفسيتي صارت زفت وصرت اشوف الدنيا سوداء فعرضت عليا تغريد انها ترافق معايا بحكم انه انا في غرفة لحالي السيد الوالد كان رافض لكن اقنعناه ومشيت الامور صارت
نفسيتي صارت زفت وصرت اشوف الدنيا سوداء فعرضت عليا تغريد انها ترافق معايا بحكم انه انا في غرفة لحالي السيد الوالد كان رافض لكن اقنعناه ومشيت الامور صارت
تجلس معايا من الاحد وترجع الخميس وريان يجلس معايا الوي كند وما كان يقصر كان يمر وسط الاسبوع يشقر عليا.
جاني الدكتور خالد عرض عليا اخرج 12 ساعة و12 ساعة اقعد في المستشفى يدوني مغذياتي
جاني الدكتور خالد عرض عليا اخرج 12 ساعة و12 ساعة اقعد في المستشفى يدوني مغذياتي
وادويتي وافقت وارتحت نفسيا نوعا ما صرت اشوف الناس امشي اروح اجي ويا فرحه ما تمت يومين وجاتني سخونة.
تقريبا ثالث يوم سخنت واتنافض بردان مع العلم المكيفات مقفلة تحاليل وسحب دم وماعرفو ايش سبب السخونة، منعوني من الخروج المؤقت واكتشفوا انو في حرثومه دخلت عن طريق البكلاين
تقريبا ثالث يوم سخنت واتنافض بردان مع العلم المكيفات مقفلة تحاليل وسحب دم وماعرفو ايش سبب السخونة، منعوني من الخروج المؤقت واكتشفوا انو في حرثومه دخلت عن طريق البكلاين
(اتوقع الاسم صحيح) اللي فيه يشبكولي المغذيات وطبعا سحبوه وركبولي واحد جديد.
وفي الصباح جاني خبر مفرح حسين هيا عشان تنزل تحت قسمك ما تتصوروا الفرحة الي فرحتها نزلت أسفل تفاجئ انهم نزلوني في غرفة عزل وممنوع من الخروج منها هنا النفسية صارت صفر
وفي الصباح جاني خبر مفرح حسين هيا عشان تنزل تحت قسمك ما تتصوروا الفرحة الي فرحتها نزلت أسفل تفاجئ انهم نزلوني في غرفة عزل وممنوع من الخروج منها هنا النفسية صارت صفر
والادهى والامر سوولي فحص كورونا والحمدالله ما فيني شي والامور طيبة. (طبعا هذا كله بسبب السخونة وكانت بداية جائحة كورونا).
اول يوم في غرفة العزل جوني اهلي زيارة وماقدرت امسك نفسي النفسية تحت الصفر وصرت ابكي والسيد الوالد والست الوالدة صارو يهدوني ويذكروني بالله وانا اقلهم خلاص
اول يوم في غرفة العزل جوني اهلي زيارة وماقدرت امسك نفسي النفسية تحت الصفر وصرت ابكي والسيد الوالد والست الوالدة صارو يهدوني ويذكروني بالله وانا اقلهم خلاص
معد أقدر معد أقدر بس الحمدالله على كل حال قدرت اتعدا المرحلة.
طبعا نسيت أقلكم انه حتى عملي قالولي مع السلامه لكن كنت اجهز مشروعي انا والحسين واحمد (طبعا هما اخواني الي ما ولدتهم امي.) ومعانا دكتور يحب يكون بعيد عن الأنظار المهم النفسية زفت وما كنت اقدر احضر
طبعا نسيت أقلكم انه حتى عملي قالولي مع السلامه لكن كنت اجهز مشروعي انا والحسين واحمد (طبعا هما اخواني الي ما ولدتهم امي.) ومعانا دكتور يحب يكون بعيد عن الأنظار المهم النفسية زفت وما كنت اقدر احضر
فقالو نأجل الافتتاح الين ماتخرج بالسلامه قلت ولا يتأجل شيء الحب ريان يحضر عني والله يبارك فيعني دعمكم ماتبخلوش علينا @cleantags
بعد ما اتطمنوا ودوني غرفة عادية بس برضو اجراءات العزل عشان العدوى، النفسية بدأت تتعدل الحمدالله تغريد جابت معاها ضومنه صارت الدكتورة سماح تضحك وتقول ها اهم شي فايز، صرت الحمدالله امشي في الاسياب صرت ما استعمل العكاز كثير صرت احتاجه اذا بنزل اسفل في حديقة المستشفى اتمشى عشان
لو في درج او اذا تعبت نسيت اقلكم انه اكبر مشكلة عندي هيا الالبومين (يرتفع عن طريق التغذية فلما كانت تغذيتي سيئة بسبب الدعامات كان نازل ومع جلست المستشفى والمغذيات بدأ يتحسن) فلما تحسن الالبومين بدأت رجولي تتحسن نوعا ما الحمدالله.
اهلي كانوا يجوني بعد ما اتحسنت النفسية نجلس في حديقة المستشفى طبعا شاهي وقهوة وحلى ووووو وكانت أحد قسمتي قسمة عصفور، يوم الجمعه ننزل نصلي في مسجد المستشفى ونروح عند امي وابوي السبت الصباح يخرجني ريان يغيرلي جو نروح نشرب قهوة امر اشيك على شغلي.
جاء خبر شويه محزن انه معد في مرافق لغرف المعزولين عشان العدوى بسبب جائحة كورونا ولكن بحق انه ليا شهرين وصرت من اهل البيت والأمن عارفين أخوي وعارفيني معد بيدققو في ورقة المرافق والتمريض في الدور الثاني بيزبطونا في اكل المرافق مع انه ما كان مشكلة ع قولت ريان كرهوني الاكل الصحي 😜.
جاني الدكتور خالد قال حسين قلت هلا قال الاحد عمليتك الالبومين طلع وصل 3.5 نقدر نسوي العملية قلت الله ييسرها يارب جاتني الممرضة قالت هذي ملابسك استحما واتنظف والبس لبس العملية قلت تمام الكلام هذا فجر الاحد جاتني الساعة 10قالت مالبست قلت لها الدكتور (ريان بيتبرع بالدم عشن العملية)
قال عمليتي الظهر الساعة 1 البس من ذحين ليش قالت براحتك.
الساعة 11 قمت استحميت اتنظفت غيرت ملابسي وصرت استنى طبعا ما تتخيلوا الساعتين الي كانت باقية كيف كنا انا وتغريد طبعا هيا منهارة مسكينة وخايفة وانا مسلم امري لله خلاص ومتوتر نوعا ما لأنه احتمال كبير ارجع لغيبوبة وتصير مضاعفات.
الساعة 11 قمت استحميت اتنظفت غيرت ملابسي وصرت استنى طبعا ما تتخيلوا الساعتين الي كانت باقية كيف كنا انا وتغريد طبعا هيا منهارة مسكينة وخايفة وانا مسلم امري لله خلاص ومتوتر نوعا ما لأنه احتمال كبير ارجع لغيبوبة وتصير مضاعفات.
الساعة 12ونص لقيت الدكتور خالد داخل عليا وقلي متحمس قلت جدا الا تغريد تبكي قال ما في عملية هنا تغريد فرحت وانا الي كنت ببكي ما تتخيلوا شهرين في المستشفى طبعا هو يكلمني وهو زعلان السبب الي خلاهم يكنسلو العملية ان الالبومين انخفض الى 2.7 في يومين.
مع ان التغذية ماشيه زي ماهيا واشرب شي جدا بسيط وبأكل نفس الحكاية يعني الخطة ماشية زي ماهيا لكن ربنا ما اراد لحكمة.
قلي بكره هيجيك الاستشاري ونشوف جاء الاستشاري ثاني يوم وقلي عمليتك ان شاء الله الخميس إذا اتعدل الالبومين بس قبلها بنسويلك اشعه طبعا الأشعة الي بيسووها
قلي بكره هيجيك الاستشاري ونشوف جاء الاستشاري ثاني يوم وقلي عمليتك ان شاء الله الخميس إذا اتعدل الالبومين بس قبلها بنسويلك اشعه طبعا الأشعة الي بيسووها
تقلب بطني الله يكرمكم لأنه اشرب الصبغة ري ماهيا ماهي مخففه بالمويه.
جاء الخميس سوينا الأشعة اتاخرو عليا محد جاني قلت خير ان شاء الله.
جاتني الدكتورة سماح يوم الاحد قالتلي عندك اشعه بعد الظهر ويا فرحتي كنت ماكل الصباح <ياويلك يا سواد ليلك ما قلتلهم سوينا الأشعة تركوني لثاني يوم
جاء الخميس سوينا الأشعة اتاخرو عليا محد جاني قلت خير ان شاء الله.
جاتني الدكتورة سماح يوم الاحد قالتلي عندك اشعه بعد الظهر ويا فرحتي كنت ماكل الصباح <ياويلك يا سواد ليلك ما قلتلهم سوينا الأشعة تركوني لثاني يوم
قالو الأشعة ما ظهر لنا فيها شي بنسوي اشعه ثانيه الي هيا تقلب بطني 🤢 سوينها وبشروني بعدها بيوم انه احتمال الاسبوع ذا اخرج وانه التسريب قفل ومانحتاج عملية قلنا يارب.
بدأوا يخففوا عليا التغذية بالوريد ويودوني سوائل شفافة وطبعا انا اتعديت المرحلة من غير ما يدرو😊
بدأوا يخففوا عليا التغذية بالوريد ويودوني سوائل شفافة وطبعا انا اتعديت المرحلة من غير ما يدرو😊
الحمدالله اموري كويسه قالو تخرج يوم واحد تشوف كيف صحتك امورك كويسه وترجع ثاني يوم قلت بسم الله وفعلا خرجت الثلاثاء ورجعت الاربعاء سوو تحاليل اموري كويسه الحمدالله قالو تخرج خميس وجمعه وترجع السبت نطمن هنا بدأت اقلق واتوتر، جاتني الدكتورة سماح قالتلي اليوم تخرج في الليل وترجع بكره
تأخذ ادويتك وروشتة الادوية وتخرج ان شاء الله واعطتني نصائح واول حاجة حصلت سجدت سجود شكر لله وهذي ثالث مره ربي ينجيني فيها وكأنه يقلي انتبه.
قال تعالي:
وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ (16)ق.
قال تعالي:
وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ (16)ق.
في النهاية ندمان أنى ما سويت التكميم من زمان والي صار مقدر ومكتوب.
والحمدالله تقريبا ليا 3 شهور من خروجي بصحة وعافية مع انه الفترة الأخيرة صابني ارق شديد بسبب الي مريت فيه وبسبب إني صرت افتكر الاحلام الي كانت تجيني وانا في غيبوبة.
والحمدالله تقريبا ليا 3 شهور من خروجي بصحة وعافية مع انه الفترة الأخيرة صابني ارق شديد بسبب الي مريت فيه وبسبب إني صرت افتكر الاحلام الي كانت تجيني وانا في غيبوبة.
السيد الوالد والست الوالدة ما اوفيكم حقكم لو ايش أسوي وما املك سوا قال تعالى:
وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24) الاسراء.
وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24) الاسراء.
وطبعا ريان أخوي الصغير وقف معايا وصبر عليا كان بيحكيني على مواقف بتصير وانا على ما يقولو سكران من كتر البلاوي الي كنت بأخذها، فحبيت اكافئه بشي بسيط على الي سواه معايا في الفيديو تشوفوه ومع هذا والله قليل عليه ويستاهل أكثر من كذا.
حسن أخوي الكبير ما أنسى وقفتك معايا يا تاج راسي.
اخواتي يا نظر عيني ما انحرم منكم.
تغريد نور عيني وروح قلبي ارفعلك القبعة احتراما.
اهل تغريد ربي يكتب اجرك وخاصة عبير كانت في تركيا وما نسيتني ربي يسعدها @berryaboor
اخواتي يا نظر عيني ما انحرم منكم.
تغريد نور عيني وروح قلبي ارفعلك القبعة احتراما.
اهل تغريد ربي يكتب اجرك وخاصة عبير كانت في تركيا وما نسيتني ربي يسعدها @berryaboor
الحسين وأحمد وصلتكم الهدايا والله قليله في حقكم بس تكفيكم وصية الست الوالدة إني ما ازعلكم 😜. @abusharaf1992 @ahmad_oraijah
*اكتشفت أنه الحسين هوا الي وداني المستشفى بالإجبار مو أنا الي اتصلت عليه*
الدكتور خالد الدكتورة سماح شكرا من القلب ربي يسعدكم ويفرح قلوبكم.
*اكتشفت أنه الحسين هوا الي وداني المستشفى بالإجبار مو أنا الي اتصلت عليه*
الدكتور خالد الدكتورة سماح شكرا من القلب ربي يسعدكم ويفرح قلوبكم.
تمريض قسم الجراحة التخصصية إلهي يديكم على قد نيتكم وأكثر شاكر لكم جميعا.
لكل من زارني ولكل من افتكرني بدعوة ولكل من سال عني اسال الله ان يعطيكم حتى يرضيكم.
لكل من زارني ولكل من افتكرني بدعوة ولكل من سال عني اسال الله ان يعطيكم حتى يرضيكم.
#فضفضة_المتكممين #رابطة_المتكممين
شكرا لكريم وقتكم واعتذر على الاطالة حكايتي وحبيت اشاركم فيها.
اللَّهُمَّ إِنَّكَ عُفُوٌّ كَرِيمٌ تُحِبُّ الْعَفْوَ فَاعْفُ عَنِّي.
سبحانك اللهم وبحمدك، أشهد أن لا إله إلا أنت، أستغفرك وأتوب إليك.
لا تنسوني من دعائكم...
شكرا لكريم وقتكم واعتذر على الاطالة حكايتي وحبيت اشاركم فيها.
اللَّهُمَّ إِنَّكَ عُفُوٌّ كَرِيمٌ تُحِبُّ الْعَفْوَ فَاعْفُ عَنِّي.
سبحانك اللهم وبحمدك، أشهد أن لا إله إلا أنت، أستغفرك وأتوب إليك.
لا تنسوني من دعائكم...
جاري تحميل الاقتراحات...