قواعد الوست الاربعون ...
#ثريد
#ثريد
- اول شي واهم شي الشايب في كرت تطير بيهو طوالي ..
- م اي اربعة ورقات بسمو بيهم مربوطة ..
- لو انا زميلك ومسمي قدامك مربوطة إياك تباصي وتديها مربوطة للعدو زيد بس قدر م تقدر ..
- م تربط للعدو .. العدو م بدوهو مربوطة ..
- لو ربطها ليك في قبولك والعدو زادها .. اذا ورقك سمح وعندك بوهية قدر تسميتو العب انت .. اذا ورقك كعب دخل العدو حتى لو مفرمل ب بلي ..
- مهما كنت فاضي م تدخلني مربوطي السميتها ليك في قبولك والعب ب ااي اربعة وبتكون ساهمت بيد بالاتوه حقك على الاقل ..
- البت الفي كرت م تطير بيها بتاكل ..
- البلي الفي كرت تدردق بيهو العدو لزميلك ..
- م اي خمسة وخمسة بجيبو لعب عادي تجي تسميتك عكس ..
- اذا عندك خمسة وخمسة لو زميلك مسمي العب بالضعيف لو م مسمي العب بالقوي ..
- العدو لمن يفتش زميلو في بوهية وم يلقى شي واللعب ينتهي عندك دور العدو في نفس البوهية وجيبو حي 😘🔥..
- اذا زميلك سما مربوطة وانت عندك تمنية وجوانبك كلها كويسة .. لو قبولك خش طوالي ولو نائب قبول قول 11 دي لو م سيك ح يطلعو بيد ( غالباً سيد القبول م بدخلك ان جا الفقس ) ..
- م تحرر للعدو بوهيتو بمعنى لو عندك اس شايب والبوهية اتفتحت من العدو م تاكلهم الاتنين طوالي يعني تاكل بالاس وتغير اللعب وتاني لو هو جابو تاكل بالشايب وتغير اللعب وهكذا عشان لو أكلتهم كلهم وهو تاني استلم بسوقك سواقة الجن بباقي البوهية العندو ..
- لمن يكون خاشي العدو تبوش من بوهيتك الطويلة بس اذا زميلك مسمي ولاعبين انتوا إياك تبوش من بوهيتك الطويلة الا اذا م كان في حاجة غيرها ...
- لو انت المسمي ولاعب م تفتح بوهية فاضية عندك عشان تنتهي وتجلد لانو بتكتل مساكة زميلك في البوهية ولو الاتوه انتهى بسوقوك بنفس البوهية دي ..
- القص اسلوب حياه ..💕
- البوهية الواحدة م بتجيب لعب ..
- ال 9,10 ديل م جري ف لو جريت ف احسن الجري ..
- لو جاري م تحت الاتو خلي ليهم ( غالباً ح يحتوك هم 😹 ) ..
- العدو لو فتح بوهية طول ل زميلك و م تطير بالاس بتاعك من اول فتحة . الا اذا العدو مسمي تسمية طويلة ( 10 وانت طالع ) طوالي تاكل أساتك في اقرب فرصة عشان لو طولت تاني م بتاكل صدقني ..
- لو عندك بوهية طويلة وضعيفة قول باص وخلي زميلك مع ورقو ي يسمي عديل ي يجري .. عشان عيب تتسيك وانت مسمي 10 عمودية ...إلخ
- سالب ال10 وسالب ال13 واحد في الاسكور ف اجري عديل ..
- لو جاتك تلاتة باصات ولعبت براك وسيكتهم م تحتفل دي م سيك ليك مع الرجال ..
- اخيراً وليس آخراً ماف زول م بتسيك ..
صدر تحت توقيعي : هامل 💀
مايو 2020 ..
مايو 2020 ..
لو زميلك المسمي م تفتح بوهيتك الطويلة الا بعد زميلك يحت الاتوه من العدو وينتهي منو
لو الاتو حقك اتقطع قبل تحتو وزميلك جلد بوهية ولا قلب صورة ادي زميلك البوهية الفقدها بجلدها قبل تحت باقي الاتو من التربيزة
جاري تحميل الاقتراحات...