#MentalHealthAwarenessWeek اسبوع الصحة العقلية هو حدث عمري ما توقعت ان يكون مهم بنسبة لي او انه يكون جزء من حياتي فكانت البداية في ليلة وانا نايم جتني panic attack واعراضها مخيفة لا نعرف شيء عليها ف التريد هذا نشرح الأعراض و طرق كيف تستطيع التغلب و السيطرة عليها كجزء من توعية
كنت راقد فجأة حسيت بحرارة زايدة في جسمي بعدها دقات القلب زادت بشكل واضح وتقريبا كنت نسمع فيها واحسها فالخوف زاد ومنها حسيت ان جسمي كله يرتعش مع بعضه وفقدت السيطرة علي تنفس الهواء بنتظام كنت نتنفس لكن في صعوبة وأول ما وقفت جسمي كان مرتعش و غير متزن رجعت رقدت استمرت ١٥ دقيقة
طبعا انا في الوضع و الاعراض هيا كنت متوقع ان هيا جلطة في القلب و رجعت رقدت و قعد الخوف يزيد و نبكي لي ان حسيت انه اخر لحظتي حياتي.المهم انتهي الامر بي في الاسعاف و كنت عايش في مالطا و بعد فحوصات حاول الممرض تطميني و قال ان لو نعرف شن هيا panic attacks او عندي دكتور نفساني 😨
طبعا اول مرة نعرف او نسمع بالاشياء هيا في الاول خفت و استبعدت الموضوع لين صارت مرة ثانية بعد تقريبا اسبوع بضبط فقررت ان ضروري ندير حل دخلت و درت research و فهمت الموضوع مما شجعني ان نتكلم مع شخص أخصائي و ندير جلسات و و منها اكتشف اشياء عن نفسي اول مرة نعرفها ونتكلم عليها مرة اخري
هيا صورة من NHS لي توضيح الاعراض و هيا تختلف بقوتها من شخص لي اخر يعني مش ضروري كل الاعراض هيا كلها تكون عندك و ترجمتها لكم شوفها في الصورتين عربي و انجليزي و نوبات الهلع او panic attack مدتها مفروض بين 5 لي 20 دقيقة فلو كنت تعرف تتعامل معها تقدر تسيطر عليها بسرعة
طبعا لي الاسف لا يوجد دواء او علاج يقضي علي نوبات الهلع panic attack لكن في طرق عديدة ل السيطرة عليها لما تجيك وكيف تتعامل معها و تقلل من الاعراض او توقفها في اسرع وقت و الطرق هيا تختلف بين كل شخص و اخر يعني تجربتك لي شن يناسبك مهم وتحاول مع الطرق المختلفة لين تكتشف شن يمشي معاك
طبعا في طرق عديدة لكن انا الطريقة الي تمشي معاي شخصيًا ومش معنها ان هيا افضل طريقة لكن زي ما قلت كل شخص و ممكن تساعده طريقة معينة لي السيطرة علي النوبة و تقليل الاعراض متعها في لحظة حدوثها بما ان في اوقات مختلفة تحدث فيها النوبة انا تصير معاي في وقت النوم و هيا طريقتي 👇🏼
نكون راقد و نشعر بجسمي درجة حرارتها تزيد و تنقص بسرعة و معها شوية ارتعاش في الجسم و اول ما نحس ان نبضات قلبي في تزايد علي طول نعرف انها هيا ف انوض من الفراش و نقعمز مربع جنبه و نصكر عيوني و نحاول نسيطر علي التنفس متعي ونقول لي نفسي ان هيا بانك اتاك وضروري نوجهها و نطلعها من جسمي
فالاعتراف و موجهتها هيا من اول و اهم الاشياء اللي اديرها و طبعا تكون عندك ثقة انك تقدر تتغلب عليها و توقفها
السيطرة علي التنفس يكون عن طريق شهيق قوي نعبي بيه الرئتين و زفير طويل لي التفريغ و يساعدني iwatch /breath app لو تبي تفهم الرتم متع تنفس او عن طريق التليفون
السيطرة علي التنفس يكون عن طريق شهيق قوي نعبي بيه الرئتين و زفير طويل لي التفريغ و يساعدني iwatch /breath app لو تبي تفهم الرتم متع تنفس او عن طريق التليفون
و نقعد علي وضع الهدوء هذا و التنفس و نتكلم نفسي بصوت او بدونه. إني اقوي منها و نقدر نتغلب عليها و ان كل شيء يكون تمام بأذن من الله سبحانه و تعالي لين تدرجيا نحس ان جسمي تراخي و قلبي تنظم
والعملية تأخد من 10 لي 20 دقيقة لكن نتخلص من الاعراض خلال ال ١٠ دقائق
والعملية تأخد من 10 لي 20 دقيقة لكن نتخلص من الاعراض خلال ال ١٠ دقائق
طبعا لو الوقت و المكان يختلف لما تصير النوبة ممكن طرق التعامل معها يختلف ف يفضل ان تبحث في النت عن زي في الصورة و تشوف طرق معينة تناسبك لكن اهم شيء هو فهم ما يحدث ليك و مواجهتها انك تستطيع تسيطر عليها و تتحكم في جسمك
وايضا بعد اول نوبتين صارت لي تشجعت و تكلمت مع دكتور و اخذت كم جلسة فيهم فهمت شن يصير و حاولت انظم افكاري و نفهم شن عندي من خوف و شن يسبب لي ارهاق و تعب عقلي و في اشياء تغلبت عليها و في زي محفور في عقلي زي الحرب و غيرها اللي كلنا مرينا بيها نصيحتي تتكلم مع حد مختص
في مواقع في النت دكاترة ممكن تبحث عليهم وادير معاهم جلسات بتليفون هذا مش افضل شيء لكن كبداية يعتبر جيد جدا و اهم نقطة ان الاخصائي لا يعرف ولا يهتم لاصحابك ولا عائلتك يعني مفيش خوف من ردة فعله و كلامك في مخاوفك و زعلك هو وسيلة الدكتور لي تحليله و تبسيط فهمه ليك فجربها
اخيرا انا مش دكتور ولا هذا إختصاصي لكن حبيت نشارك تجربتي بما ان هذا اسبوعه و جتني نوبة من ١٠ ايام ممكن اعتقد السبب مشاكل كورونا و خوف علي عائلتي و مشاكل مادية كانت السبب و قررت نشاركها لي تشجيعكم ان تشوف دكتور في الاختصاص فالوعي في الموضوع هذا مهم عندي 🙌🏻
جاري تحميل الاقتراحات...