هل ممكن الزول يكوِّن مناعة للكورونا بعد اصابتو بيها؟ او هل ممكن الزول تجيهو كورونا مرتين؟
دا كان سؤال من كم زميل و حقيقة سؤال مهم
دا كان سؤال من كم زميل و حقيقة سؤال مهم
بس قبل ما اجاوب، ولانو الاجابة ما بسيطة خلينا نتكلم عن كم نقطة و منها نطلع بالاستنتاج النهائي بتاع انو هل الزول ممكن يكوِّن مناعة ضد الكورونا بعد اصابتو بيها ولا لا
جهازنا المناعي عندو ذراعين بيستخدمهم للدفاع ضد دخيل
اول ذراع هو المناعة البدائية الغير متخصصة Innate immunity،
و الذراع التاني هو المناعة المتخصصة او الـadaptive immunity و الذراع دا هو المهم و هو البنعتمد عليهو في تكوين اجسامنا لمناعة ضد مرض مُعيّن
اول ذراع هو المناعة البدائية الغير متخصصة Innate immunity،
و الذراع التاني هو المناعة المتخصصة او الـadaptive immunity و الذراع دا هو المهم و هو البنعتمد عليهو في تكوين اجسامنا لمناعة ضد مرض مُعيّن
لمن يدخل مايكروب لأجسامنا لاول مرة بتهاجمو خلايا المناعة البدائية، و بعداك جسمنا بيكوِّن مضادات للمايكروب دا عشان لو لاحقا دخل جسمنا يقوم يتصدا للمايكروب دا بالمضادات اللي هو كوّنها و يقضي عليهو سريع
اذا جسمنا ما كوّن مضادات للمايكروب ف رد فعلنا في كل مرة حيكون كما هو و ما بنكون مُمَنّعِين ضد المايكروب و ممكن يعمل مرض
اذا جسمنا كوّن مضادات كافية (و الكلمة الاساسية هي كافية) إثر تعرض سابق للمايكروب دا ف جسمنا حيقضي عليهو و ما حيعمل مرض
اذا جسمنا كوّن مضادات كافية (و الكلمة الاساسية هي كافية) إثر تعرض سابق للمايكروب دا ف جسمنا حيقضي عليهو و ما حيعمل مرض
هل اي مايكروب جسمنا عمل ليهو مضادات عند تعرضنا ليهو تاني ما حيعمل مرض؟ لا
بيعتمد على كمية المضادات الاتكونت و مقدرتها على معادلة المايكروب و محوِه (neutralizing) او لا
و بيعتمد على انو المضادات الاتكونت للمايكروب المُعيّن حتقعد كم في اجسامنا
بيعتمد على كمية المضادات الاتكونت و مقدرتها على معادلة المايكروب و محوِه (neutralizing) او لا
و بيعتمد على انو المضادات الاتكونت للمايكروب المُعيّن حتقعد كم في اجسامنا
مثلا اذا جاتك حصبة مرّة فتاني ما حتجيك حياتك كلها، حتى لو حقنوك بالفايروس البيعملها، ليه؟ لانو جسمك كوّن مضادات كافية انها تعادل الفايروس و تخليه ما يعمل ليك مرض و المضادات الاتكونت بتقعد مدى الحياة
و اذا جسمك عند تعرضو لمايكروب كوّن مضادات بسيطة غير كافية لمعادلتِه ف عند اصابتك بالمايكروب دا للمرة التانية الأعراض حتكون اخف من المرّة الاولى
و اذا جسمك كوّن مضادات بتقعد ٥ سنة فطوال الـ٥ سنة دي انت حتكون مُمَنَّع ضد المايكروب، لكن بعد ٦ سنة من اصابتك الأولى و عند تعرضك للمايكروب ف المضادات الكونتها حتكون انتهت و جسمك حيتعامل مع المايكروب كأنو اول مرّة يلاقيه!
فايروسات الكورونا (البتسبب مرض في الانسان) عائلة بتضم سبعة فايروسات (ستة قديمين و السابع العامل الجائحة الحالية) اول من سمّا العائلة دي من الفايروسات بالاسم دا هم جون الميدا و دفيد تايرل اول اتنين درسوهم،
السبعة هم:
1. 229E
2. NL63
3. OC43
4. HKU1
5. MERS-CoV
6. SARS-CoV
7. SARS-CoV-2
1. 229E
2. NL63
3. OC43
4. HKU1
5. MERS-CoV
6. SARS-CoV
7. SARS-CoV-2
كورونا جاية من كلمة لاتينية مشتقة من كلمة اغريقية بتعني اكليل او تاج نسبة لشكلهم تحت المجهر الالكتروني
من السبعة ديل في اربعة بيعملو زكام او نزلات (٢٠٪ من الزكام او النزلات الشتوية سببها الاربعة ديل)
من السبعة ديل في اربعة بيعملو زكام او نزلات (٢٠٪ من الزكام او النزلات الشتوية سببها الاربعة ديل)
ناس من جامعة كولومبيا لمن عملو بحث في الاربعة ديل لقو انو حتى لو في زول اتصاب بواحد منهم ف ممكن يتصاب بيه تاني في نفس السنة! بمعنى انو الزول ما بيكوّن مناعة للفايروس،
و يمكن السبب يكون لانو الفايروسات دي بتعمل اعراض خفيفة و المرض كونو يكون خفيف بيخلي الجسم ما يكوّن مضادات؟!! 🤷🏽♂️ لانو في دراسة صينية لقو انو كل ما المرض كان شديد ف المضادات المنتجة في المتعافين بتكون اكتر.
الاتنين الباقيين من عائلة كورونا واحد عمل متلازمة ضيق التنفس الحادة سنة ٢٠٠٣ و واحد عمل متلازمة الشرق الاوسط التنفسية سنة ٢٠١٢، SARS و MERS تباعا
لقو انو الاشخاص الاتصابو بالفايروسين ديل كوّنو مضادات قعدت في اجسامهم بين سنتين و تلاتة سنوات
لقو انو الاشخاص الاتصابو بالفايروسين ديل كوّنو مضادات قعدت في اجسامهم بين سنتين و تلاتة سنوات
بس فعالية المضادات دي و كميتها كانت بتتناقص مع الزمن
الصينين حقنو قرود بالفايروس مرتين؛ المرة الاولى القرود بقت عيانة، المرة التانية بعد تلاتة اسابيع و ما ظهرت عليها اعراض
الصينين حقنو قرود بالفايروس مرتين؛ المرة الاولى القرود بقت عيانة، المرة التانية بعد تلاتة اسابيع و ما ظهرت عليها اعراض
ودا الخلا الناس تقول و تخمن تخمين educated انو ممكن تحصل مناعة للناس الاتصابو بالـSARS-CoV-2 العامل كوفيد-١٩ الحالي و يكوّنو مضادات تقعد لمدة سنة او سنتين لكن فعاليتها بتتناقص مع الزمن
و دا نفس السبب الخلا الناس تقول انو كل سنة او سنتين حيصحل outbreak تاني.
و دا نفس السبب الخلا الناس تقول انو كل سنة او سنتين حيصحل outbreak تاني.
دراسة صينية شملت ١٧٥ مُتعافي من الكورونا لقت انو ٣٠٪ منهم مستويات المضادات بسيطة شديد،
و منظمة الصحة العالمية قالت في Scientific Brief منشور بتاريخ ٢٤.٤ ردا على اعتزام بعض الدول اصدار وثائق "Immunity passports" تثبت مناعة مواطنيها ضد الكورونا انو:
بالرغم من انو فعلا المُتعافين من الكورونا كوّنو مضادات بس في بعضهم نسبتها بسيطة شديد
بالرغم من انو فعلا المُتعافين من الكورونا كوّنو مضادات بس في بعضهم نسبتها بسيطة شديد
و قالت انو لحد تاريخ ٢٤.٤ مافي دراسة بتشير لانو المُتعافين من كورونا بيكوِّنو مضادات كافية لحمايتهم من العدوى مرّة تانية،
و قالت حتى ولو بالفحوصات اتلقت مضادات فقد تكون cross-reaction ،
لانو لو في زول اتصاب بمتلازمة الشرق الاوسط التنفسية (MERS) او متلازمة ضيق التنفس الحادة (SARS) او اي واحد من الأربعة الباقيين البيعملو النزلات الموسمية الخفيفة و جسمو حدث و عمل ليهم مضادات ف الاجهزة قد تقراها غلط و تعتبرها مضادات للـSARS-CoV-2
و قالت انو مافي داعي الناس تتعامل مع المرضى المُتعافين بإعتبارهم مُمَنّعين ضد المرض لانو ممكن يجيهم تاني و الاهم انهم ذاتهم قد يكونو مصدر عدوى.
جاري تحميل الاقتراحات...