عدى قصادي بوست لل Founder بتاع موقع Tindio بيتكلم فيه عن أسباب فشل المشروع، اللي هو المفروض بلاتفورم بيجمع أصحاب ال Groups بتاعة فيسبوك وأنستجرام والمواقع اللي بيقدموا منتاجات عادية ويدوية المتوزعين و يحطهم في بلاتفورم واحد يسمح ببيع منتاجتهم بره وجوه مصر مقابل نسبة 15٪ نسبة ربح
أستوقفتني نقطة قالها وهي ال " Comfort Zone" وأن الستوريز بتفضل أن يفضلوا على فيسبوك وأنستجرام أكتر من أنهم يعرضوا منتاجتهم على موبايل أب أو ويبسايت مهما أشتغلوا على ال UX و خلوا الداش بوورد سهل ليهم عشان يعملوا أبديت للداتا بتاعتهم.
قعدة البيت خلتني بشكل كبير أخد لفة في ال Groups اللي تخص منتاجات السيدات و ده عبارة عالم منفصل مبني بكم مجهود رهيب من غير دارسة وبأرقام ونتائج أقل ما يقال عليها هايلة و شبه زيور مصاريف و هامش ربح عالي جدا و Execution رهيب مع تارجت أودينز و Customer segmentation مظبوطين
الحقيقة أن شايفة وصف كومفورت زوون وصف مش في محله، ال Groups فعلا كا مكان للستات دي أقوى كتير وهوضح في الثريد ده ليه، مبدأيا الجروب ممكن يجمع 5000 يوزر في أسبوع بدون ما يضطروا يدفعوا أدز/ يصرفوا مليم واحد، من غير Tech team ومن غير ماركتينج و من غير كامبين ولا أي شئ
ثانيا الجروبز مظبوطة جدا فما يخص ال customer segmentations والتارجت أودينز فوق أي توقع، على سبيل المثال جروب شهير أسمه ميس باسكت مش بيبيع سلع بس قائم على أنه عامل بارتنر شيب مع براندات و أماكن كتير بيعلنوا عنه، الجروب ده التارجت بتاع A - B+
وصاحبته حريصة جدا فما يخص التارجت بتاعها، الجروب ممكن يوصل لمليون ست بس هي عندها رقم أقل كتير لانها مهتمة بالتارجت و ال Filtration Process وعشان كده ببساطة تقدر تلاقي براندات كبيرة زي لوريال و غيرها بيروحوا ليها، طيب أزاي أقدر أكونفورم المعلومة دي أن الناس كلاس A ؟
ده شئ واضح جدا من المحتوى اللي تقدر الستات تشاركه في الجروب زي صور على بحر أو على براند غالي من غير ما ينهال عليها كومنتات سلبية، حاجة شبه مجموعة سيدات في نادي الجزيرة. وبناء عليه الجروب ممكن يلجأ ليه أكبر الكوفيرات و البراندز و السيرفيس بروفايدرز.
فيه جروب تاني يخص العرائس، الجروب ده بيتحط فيه بمعدل 200 بوست يوميا فيها ريفويز على كل حاجة تخص متطلبات الجواز والسيدات، لو عملنا ليست صغيرة ب الميكاب أرتيست و الكوافيرات و المصورين و ال wedding planners وخلاقه من أساسيات البنات بدور عليها
ممكن تعرف أزاي كومينتي صغير فيه تارجت مظبوط ممكن يبقى فرخة بتبيض دهب لكل اأطراف حتى اليوزر، شئ سبه مستحيل تلاقي كل ال reviews الدقيقة الطويلة دي في مكان زي ده. من 2018 ل 2020 فيه ميكاب أرتيست الكوست بتاعتخا طلعت من 7 آلاف ل 11 ألف من ترافيك جروب زي ده.
نتنقل للناس اللي بتبيع المنتجات مش مجرد بلاتفورم و بتقدم منه خدمة، بالنسبة للبس، أكتشفت أن كل جروب بيعرف يوصل لطريقته بعد ما يعمل تيست مناسب ليه حتى لنوعية اللبس. خروج / بيت / فساتين بس قليل ما عدى قصادي حد ضارب الدنيا في خلاط، وده شئ ذكي.
فيه ناس بتعمل Styling في أوضة بيتهم و صور أيفون، سيشن تكلف أي براند على ساحة ويبسايت آلافات، وفيه جروب صاحبته جميلة جدا فا بتلبس اللبس وتتصور في أوضتها عادي جدا و بيبان عليها أفضل من الصور العادية فا بتعمل ال modeling بارت ل 100 قطعة مثلا، ناجحين جدا يقدموا شئ معقول بزيرو كوست
شئ مبهر جدا أنهم بيعرفوا يعملوا تيست للماركت وأيه اللي بيضرب مع الستات أكتر في اللبس مثلا و أنهم يوصلوا لفكرة أن عرض المادة و ال Styling مهمة، شغلانة ال stylist دي ممكن نصهم ميعرفوش أنها موجودة في الحياة، وأن حتى عاملين analysis لأنهي وقت/ طريقة عرض لكولكشين أحسن
الناس دي عندها زيرو كوست، مفيش محل ولا كهربا و لا عمال و لا ضرائب و لا ماركتينج بادجت ولا أي شئ، الفضول أخدني أطلب فستان من بنت لأن البراند غالي وهي عرضاه ب 400 جنيه، كنت حاسة أن ده جزأ مهم من التجربة عشان أعرف ال CLV عندهم هيبقى عامل أزاي
أقدر أقول أن الفستان باين أنه متهرب بالنسبالي، أجزم أن لو دورت أكتر ممكن ألاقيه في العتبة ب 100 جنيه والبنت عاملة عليا مصلحة بهامش ربح 300٪ ولا 200٪ ومدفعاني الشحن، بس في المجمل أيوا هو فستان جميل وممكن أعيد التجربة (بالذات أن متلقي مش عادي - أنا أصلا شارياه عشان أقيم السيرفيس)
طيب ما تنزلي تجبيه من العتبة؟ لا ده شئ شبه مستحيل لأن مش هعرف أوصل، صاحبة الجروب هنا كسبت مني مش بسبب الفستان قد ما هو بسبب أنها قدمتلي خدمة مقدرش أعملها لوحدي و ده شئ عبقري! أنا يوزر عارف أن فيه مصلحة على قفايا و واقفت أدفع، ما بالك اللي مش عارف أساسا؟
ممكن أقول أنا قابلت جروب بيبيع حاجات أيكيا لسكان الأقاليم، أيوا الست عاملة هامش ربح علي أنها تنزلهم الصور و يختاروا و تطلب الحاجة و تبعتها مع شركة شحن، مفيش موهبة معينة، مفيش مجهود يذكر ولا مواصلات حتى، مفيش كوست، الست شافت نيد بسيطة و أشتغلت عليها، بالببساطة دي!
آخر شئ من المفاجئات بالنسبالي أن فيه كواليتي سيتيم، فيه جروب البنات بتبعت فيه فواتير السكين و الهير برودجكتس وجيباها منين عشان الجروب يتأكد أنها أصلية، بتأخد كوود بهشتاج فا اليوزر عندهم يبقى عارف لو بيدور على حاجة أصلية يروح لمين و اليوزر بتاعها يبقى واثق فيها.
جروب مسؤل عن الكواليتي و ال Customer care فقط لا غير، هامش ربحه طالع من أنه يقول للناس أن X بيقدم خدمة كويسة أو تروحلة ببرودجكت يقولك تلاقيه فين أصلي، أخيرا ال Community management الستات دي بتعرف تبقى ودان ولسان البراند بشكل حقيقي
وبيجمعوا Insights و بيشتغلوا عليها حقيقي، ممكن ندخل الماركتينج ايجنسي تتعلم منهم، شخص بيعرف يحسن ال UX و يعلي ال CLV ب ال Community managment و أنا أشتغلت قليل و كتير و مشوفتش ايجينسي واحدة مهتمة بده مثلا.
طبعا شئ مبهر بالنسبالي أن حد يقدر يدير مشروع بالشكل ده ولا فاهم fixed cost ولا variable cost ولا عنده داتا ولا فاهم ماركت شير ولا UX ولا تارجت و لا segmentation ولا هباب و عمل مشروه زيرو كوست بهامش ربح خرافي معدي ال 100٪ أوقات بزيرو موهبة، هو بس قرر يتحرك و ي Test
أخيرا لصاحب البوست اللي مشروعه للأسف فشل، كنت حابة أوضح أن الستات دي مش غبية أبدا و أختيار الجروب بتاعهم أقوى و أفضل كتير، لو كان حابب فعلا يعمل الفكرة كان راح للي مش معاه وصلة نت، لللي قاعد في العتبة و بتعمل هامش ربح على حاجته 200٪، ده اللي كان هيجي معاه ويلتزم.
جاري تحميل الاقتراحات...