الاف الردود على مغرد قال كلام ما اعجبهم، الظاهر يحسبون الرد عليه فرض عين لا يسقطه الباقون عنك، او ربما هي سيكولوجية الجماهير شفت الناس هبوا فيه يالله اطب معهم، يعني وش عندك جديد تبي تقوله غير اللي قالوه عشان تشارك بحفلة المنشن؟

من الاشياء اللي تزعجني لما تتكرر الردود بمنشني، واستسخف اللي يقرا المنشن ثم يكرره عليك، ترا ما فيه اي زيادة للقوة المنطقية في الكلام لما تكرره، مليون واحد يقولون جملة او واحد يقولها تبقى هي نفسها، فليش تكررون؟ التكرار يزيدها تأثير نفسي فقط، تبون تثبتون كلامكم بالضغط النفسي يعني؟

عموما هذا سلوك الناس وما نقدر نطلب منهم يصيرون افراد مادامت طبيعة الاجتماع البشري تقتضي ان يتصرف غالب الافراد بعقل جمهوري، وهو تصرف نافع في حالات اخرى تعمل على الضبط الاجتماعي ايجابيا، بس لا يمنع من تسجيل هذه الملاحظة ربما لفش الخلق لا اكثر