ثريد || قصتي انا وصديقتي الجاموسه لما نكبتني وتكفخت من مرزنه وشلتها شوي طويله:
رحت لمدرسه جديده ما اعرف احد فيها وكانوا البنات كلهم مع صديقاتهم التفت يمين شله يسار شله قدامي شله كل مكان شلل
بالكلاس وحده وراي دقت كتفي قالت هيه شسمك التفت لها وقلت لها اسمي قالت عندك قلم اعطيتها ومن بعدها فكيت ميانه معاها احس اني ارتحت لها وقلت خلاص لقيت صديقتي الصدوقه وما بعيش في المدرسه وحيده
اسميها الجاموسه مو سب عشانها اكبر واضخم مني وانا عندها زي البروش مو انسانه
مرت الايام واحنا بالفسحه ناكل ونضحك ونتونس مرت شله مرزنه و يطقطقون علينا بدون سبب هولي شيت !!!
وانا الفاغره ما ادري ان صديقتي الجاموسه لها سوابق بالمضاربات وما خلت احد الا ودبغته في الارض وكثير حاقدين عليها بس يخافون منها فلما شافوا ان اخيرا صار معها صديقه بيدبغوني بدالها
ما يدرون ان الجاموسه اعتزلت المضاربات وخلاص صارت مسالمه الكلاب ناوين شر علي انا مسكينه يا كلاب الاقيها منكم ولا من العيشه الزق الي عايشتها يا زبالين
ينتظرون الجاموسه تغيب يوم واحد بس عشان يشوفوني وحيده ويسوون جريمتهم
والجاموسه اصلا ما تغيب بس يوم من الايام تعبت وما داومت وانا انتظرها عند باب المدرسه بس سو وات ما جات عرفت انها غايبه وان هاليوم هو يوم وفاتي تحسرت على الحلى الي بالثلاجه ما خلصته باقي يا كلاب وانتظر كومباك البانقز
دخلت المدرسه بكل شموخ ورافعه راسي واسوي بعيوني نظرات حاده عشان ياي انا قويه ياويل وحده تقرب مني بس
مرت الحصص الاولى بسلام استغرب قلت اكيد ما بيكفخوني دام مالي دخل البلا في الجاموسه موفيني هي الي تضاربت وياهم شدخلني انا كل شي تحطونه براسي
جات الفسحه وكنت متردده اروح للوكيله واخليها تحميني ولا اطلع ولا علي منهم واذا قربوا مني اسوي حركات كاراتيه قررت اطلع وهنا المصيبه
فيه مكان في الساحه زي الصندقه محد يجيه وما حوله بنات مدري ليش حاطينها المهم قلت بتخبى وراها لين يفرجها الله وادخل للمبنى ربع ساعه لين يدق الجرس ما يضر المشكله المكان ضيق مره حشرت نفسي فيه عشان محد يشوف الا والاقي بنتين داخلين معي حشروني في الزاويه قلت خلاص النهايه
ذول من وين طلعوا ما شفتهم اول ما شفتهم خلاص بيحشروني قلت بسوي الحركات الي كنت اشوفها بالتلفزيون واطبقها عليهم دامهم بنتين بقدر عليهم
فجاه الاقي شوشتي تنسحب وطلعوني بسرعه كاني ورقه من خفتي والاقي الشله كلهم قدامي تذكرت امي لما كانت تقول كلي كلي يابنتي عشان تضربينهم وتصيرين ثقيله بس اه مو وقته اتحسر الحين
قلت ياويلكم تقربون مني ترى تعرفون انا صديقه من؟؟ بيجي اليوم الي بيتندمون يا سلق وبعلم الوكيله باني مظلومه ولو تتقدمون خطوه وحده بس معكم تعامل ثاني ( تهزيئه معلمات ذي😭)
وحده سحبت رجلي عشان اطيح ويقدرون يضربوني ووحده بمكوتها الكبيره جلست علي انكتمت وخري اتنفس بس ماش محد حولي ووحده تمط شعري طبعا شعري كيرلي الي شعورهم كيرلي بيحسون بمعاناتي
الا وبنات المدرسه يتجمعون علي ويضحكون على شكلي طب يا كلاب ساعدوني انكتمت من مكوتها المهم فجأه الا يصارخون البنات قلت خلاص وحده مسكت مسدس او سكين وبتطعنني وبموت
وشوي اشوف الي جالسه علي بمكوتها طايره بالسما قلت ابك شفيها ذي شكل صدق مت طلعت الجاموسه جايه من المستشفى من قبل الفسحه وراحت عند المديره عشان تعطيها عذر وجات ولقتني منسدحه على الارض منهم لما شفتها كان وضعي :
جات ودبغتهم كلهم مع انهم ضربوها لانهم كثير بس قدرت تفوز عليهم وجو المعلمات شلوني وودوني للمرشده عشان تعالجني ماعندنا ممرضه بالمدرسه واخذوا الجاموسه مع مرزنه وشلتها وما طلعوا من غرفه المديره الا وقت الصرفه خلاص بنطلع وانا متكسره صح
قبل لا اطلع كلمتني المرشده وعلمتها بالخارطه كلها وفهمت الموضوع وكتبت لهم تعهد وفصلتهم ثلاث ايام طبعا الجاموسه ما سووا لها شي لان دافعت عني بس
رجعت البيت ووجهي وشعري في حاله وظهري يوجعني يالا امشي امي سالتني وش فيك قلت طحت من الدرج دفوني بنات بالغلط امي ما صدقتني
وحاولت فيها لين احس بدت تصدق شوي وداومت بعد ما غبت يوم وما لقيت الشله لانهم مفصلوين هههههههههههههههههههههههههههههههههههههههههههههههههههههههههههه ومشيت جنب الجاموسه والبنات متراعدين
نصيحه لا تمشون او تصادقون احد وما تعرفون بخمايره السابقه عشان ما يصير لكم الي صار معي وشكرا لكم
جاري تحميل الاقتراحات...