في نهاية مرحلتي الثانوية حاولت اعرف #التخصص اللي يناسبني بحكم أني قريب من التخرج ولكن للأسف بعد اكثر من محاولة ما عرفت
قبل التخرج بفترة بسيطة فتح برنامج أرامكو CPDNE)#CPC#) فقلت لنفسي خلني أختبر دام أن درجاتي تسمح..مع العلم ما كان لي أي رغبة قبل إني أدخل هالبرنامج
بعد اختبار القبول بمدة وصلت لي رسالة بالرفض وللأمانة شعور الرفض كان جدا مؤلم علي لدرجة اني كنت أتواصل مع إيميل #أرامكو اني طورت من نفسي وأتمنى تعطوني فرصة ثانية لكن كان ردهم لي بالرفض💔
طبعًا لو تلاحظ أن كل هالمحاولات وأنا ماكنت ابيهم بالأساس!😅..عشت بعدها فترة وأنا أحاسب نفسي على كل تقصير دراسي سويته وخاصة في اللغة الإنجليزية لأن أتوقع كانت هي سبب رفض..
وبما ان اللغة الإنجليزية عليها اكبر عدد من الساعات فطبيعي اغلب ال١٠٠ راح يكونون متمكنين من اللغة وأخوك في الله مستواة في الانجليزي جدًا عادي بل قريب من المتدني
ووقتها كنت اكثر شي خايف منه أني أنرفض مرة ثانية بعد رفض أرامكو اللي كل ما أتذكره يضيق صدري ..فقررت اني بسوي كل شي أقدر عليه و أشد حيلي لأقصى قدر ممكن .. كنت اخلص من الدوام الساعة ٤ تقريبا وأروح مكتبة الجامعة وما اطلع الا لما تسكر الساعة١٠مساء وايام الاختبارات إلى الساعة١٢تقريبًا
طبعًا كل هذا الوقت اغلبة يروح على مادة الإنجليزي والترجمة لغيرة من المواد عشان اقدر افهمها.. تغيرت حياتي في هذي الفترة وتغيرت عندي مفاهيم للأمور كثيرة وعشت فترة صعبة تحت ضغط نفسي خوفا من الرفض قبل يكون ضغط جسدي
في آخر السنة من كثر ما إني خايف من الرفض كنت أدعي إن ما يجيني قبول في كلية الطب وأحاول أقنع نفسي أني دخلتهم بسبب رفض أرامكو وأنا ما كنت أساسًا ما أبيهم.. طبعًا كل هذا بس أحاول أني اجهز نفسي في حال جاني الرفض
نهاية السنة نزلت الدرجات وكانت درجتي بالإنجليزي b فنزل معدلي كثير بسببها لكن بسبب أن اغلب المواد الثانية كانت a+ أنقبلت بكلية الطب.. وهنا باللهجة العاميه (انكبت)
لأني كنت أقنع نفسي قبلها إني ما أبيهم ! وغير كذا جلست افكر أن الطب يمر سهل فكيف تدخل هالتخصص وأنت مو متأكد!.. طبعًا بديت أراجع نفسي كل فترة الإجازة واسأل نفسي هل الطب ينفعلي!؟ هل اكمل معهم؟!
عموما في فترة الإجازة فتح تسجيل جامعة البترول فسجلت وتم قبولي وصرت رسميا طالب سنة تحضيرية فيها .. وآخر مدة يمديني أرجع لكلية الطب هي قبل ما نبدأ السنة الدراسية
كل #الإجازة راحت وأنا افكر إيش أسوي؟ طبعًا استشرت ناس كثير في هذي الفترة وكنت أتواصل مع طلاب في جامعة البترول ماخذ أرقامهم من زملاء لي واطلب رايهم وللأمانة وصلت لدرجة أني لو اشوف واحد بالشارع عادي اطلب رأيه😳
بعد استخارات وتفكير قررت قبل ما تبدأ الدراسة بأسبوع تقريبا إني أرجع لكلية الطب واللي يصير يصير .. والحمدلله الان أكملت اربع سنوات وباقيلي سنتين على التخرج و جدا راضي ومرتاح بتخصصي( وعقبالك ان شاءالله💙)..
استوعبت أن كل اللي راح من حيرة وصعوبة في اختيار التخصص كان يختصر بقول الله تعالى ((وعسى أن تكرهوا شيئا وهو خير لكم )).. اللي أبيك تطلع منه من قصتي : ١-وكل أمرك لله في كل شي وصدقني بترتاح نفسيًا وتبعد عن نفسك كثير من الضغوط
٢- في كل المشاكل اللي تواجهك وكل فترة صعبة بتمر عليها تذكر قول الله تعالى((إن مع العسر يسرا..إن مع العسر يسرا)) وتفاءل بالخير ولا تقنط وكما قال #الشافعي - ضاقت فلما استحكمت حلقاتها فرجت وكنت اظنها لا تفرج -
٣- الإنسان يجهل نفسه .. بعض الأحيان تحسب انك تحب هذي الشغله ومناسبة لك ولما تبدأ فيها تتغير نظرتك لها ويمكن ما تعجبك .. فلا تتحسر في حال ما تيسر لك شيء كنت تبيه وسلم أمرك إلى #الله واجعلها دافع لك للتقدم في المستقبل
٤- اختيار التخصص المناسب أمر مهم جدا .. ولكن الأهم انك تعمل بالأسباب وتجهز نفسك. ٥-المرحلة الجامعية تختلف اختلاف جذري عن المرحلة الثانوية .. فأنت مسؤول عن نفسك ١٠٠٪ في حال تبي تسحب على المحاضرات محد بيقولك لا ، ما تبي تذاكر محد بيحاسبك
فالتأقلم والتعود على النظام الجامعي في أسرع وقت أمر مهم جدا . ختامًا أبيك تسال نفسك أنا بعد ١٠ سنوات وين أبي اصير؟ أتمنى أكون أفدتك ولو بشيء بسيط وتمنياتي لك بالتوفيق في حياتك 💙.
جاري تحميل الاقتراحات...