رتبها

إزاي تعاملت حكومات دول العالم للحد من إنتشار فيروس كورونا ؟
—
شوف الـ Thread

- إيه دور الحكومة ؟
—
من أدوار الحكومات هي فرض النظام و القوانين علي الإنسان لأن الإنسان بطبعه مستهتر و أناني مش بيفكر إلا بمصلحته ، فبالتالي لو الإنسان مش ملتزم بيجي دور الحكومة هنا في تطبيق القانون أو توفير حلول لمنع أذية باقي المواطنين

- كل دول العالم طبقت قرارات صحية مشددة لمنع تفشي الفيروس ، و كل دول العالم كان فيها مواطنين بيكسروا القرارات دي ، لأن وعي الشعب لوحده مش كفاية ، خصوصاً لو كان شعبك أغلبه جاهل و تحت خط الفقر و الحقيقة ان الجهل و الفقر أخطر من الفيروس

ده مثلاً نبذة عن وعي الشعب الامريكي ، اكتر دولة متقدمة في العالم ، الناس نزلت الشواطئ عادي برغم من ان امريكا اكتر دولة في عدد الوفيات و الإصابات ، و بعدها تم اغلاق الشواطئ

- ااشرطة الصينية قبضت علي الناس اللي خالفت قرار الحجر و منع التجمعات

- القبض علي المشتبه بإصابيتهم بكورونا في الصين و رفضهم لقرار العزل

- الشعب الهندي هو اقرب شعب للشعب المصري من حيث التفكير ، ده فثديو لتعامل الشرطة الهندية مع قرار منع التجمعات

- تعامل الشرطة في الهند مع اللي بيكسر حظر التجوال

تعامل الشرطة في الهند مع كسر حظر التجوال

- بالمناسبة عدد السكان في الهند مليار ، فمحدش يقولي اصل عدد سكانك كبير ، و مع ذلك بيتم تطبيق قرارات الحكومة بكل صرامة

القبض علي شباب كسروا حظر التجوال في الهند

تنظيم الأسواق في الهند بمراقبة الشرطة ، الشعب الهندي شعب أغلبه تحت خط الفقر أفقر من مصر و اجهل من مصر ، و بنتريق عليهم عشان بيبعدوا البقر ، انت فاكرني هندي ولا ايه ؟ ، ده دور الحكومة يا جماعة مش دور المواطن

- تعالى نشوف تعامل الشرطة في اسبانيا مع اللي بيخالف قرار الحظر

- الرئيس الفرنسي ، أمر بإعفاء المواطنين من فواتير الغاز و الكهربا و المية و السكن طول فترة الحظر ، عشان الناس متكونش مضطرة انها تنزل تجيب فلوس عشان تدفع الفواتير

- الجيش الفرنسي قام ببناء مستشفيات ميدانية في شوارع باريس و فرض حظر التجوال

- الجيش البريطاني نزل لفرض حظر التجوال

- المانيا نظمت كماين طبية لعمل اختبارات للناس

- جمهورية تشيك فرضت ان اي حد بنزل من بيته يكون لابس كمامة و فرضت اجراءات صحية صارمة و اللي بيخالفها كان بيتعاقب

- السعودية ارسلت فرق طبية متنقلة لأحياء الرياض لعمل مسحات للمواطنين للكشف عن كورونا

- الكويت نزلت فرق طبية خلال الحظر لعمل مسحات للمواطنين

السعودية فرضت حظر كلي في مكة و المدينة

السوبر ماركتس في اوروبا قبل التنظيم و خناقات بين المواطنين ، عادي جدا

السوبر ماركتس بعد التنظيم و تنظيم طوابير

السوبر ماركتس بعد تنظيم الطوابير

السوبر ماركتس بعد التنظيم

روبوتات للجيش الصيني تراقب عدم خروج الناس من منازلهم

روبوت تونسي يراقب تنظيم الحجر الصحي في شوارع العاصمة

- السودان فرضت حظر تجوال كامل لمدة ٣ اسابيع ، ملحوظة السودان اقل من مصر اقتصادياً بشكل كبير

- كل دي اجراءات حكومات العالم فرضتها و قامت بتطبيقها ، لما دول العالم كلها منعت السفر من و الي الصين في بداية الازمة ، كانت مصر بتستقبل رحلات من الصين عادي

- الحكومة عندنا فرضت اجراءات بعد حوالي شهر من اول اصابة و تم تنفيذ الحظر من الشرطة اول يومين و بعد كدا الناس في الشارع عادي وقت الحظر و بيخرجوا و لا كأن فيه حاجة ، ده حال الناس في كل دول العالم المتقدم او المتخلف ، لكن الفرق في العقوبات و الاجراءات زي ما شوفتوا في الثريد

- وقت لما العالم كل بيفرض حظر تجوال كامل ، كانت الحكومة المصرية بتدي اوامر باستكمال اعمال المقاولات ، و عمل قطاع المقاولات بكامل طاقته

- ده كان فيديو لفضيحة في شركة حسن علام للمقاولات

- كل دول العالم و قادتها ، طلعوا حذروا و خوفوا الناس من عقوبات كورونا و انه ممكن يقضي علي عدد كبير ، ابرزهم رئيس وزراء بريطانيا و الفيديو الشهير [ ودعوا احبابكم ] ، و ميركل اللي قالت ان كورونا هيصيب ٧٠٪ من الشعب ، عندنا الاعلام كان بيستخف بكورونا في البداية

- و عندنا بيطلعوا يطمنوا الناس ان الوضع كويس و تقارير وزارة الصحة تطلع بكابشن عدد الحالات اللي تم شافئها و ميجبوش سيرة الاصابات الجديدة في الكابشن و يتجاهلوا ده و عاوزين الشعب ميتجاهلش الفيروس او يكبر دماغهم ما كل ده طبيعي

- لما كنت بحذر الناس و اهول من اللي هيحصل في اول الازمة ، الناس كانت بتقولي طمن الناس مش ناقصين رعب ، الانسان لما بيتطمن لـ شئ بيهمل الشئ ده و مش بيبذل مجهود في الحفاظ عليها ، عشان كدا في حالات لازم يتم فيها مصارحة الناس بحجم الكارثة عشان ياخدوا حذرهم خصوصاً لما بيتعلق بصحة الناس

- الحكومة بتراهن علي وعي الشعب ، يلا أهو يعمل ايه التعليم في وطن ضايع

الفكرة انوالناس بقا بيتضحك عليها بسهولة و بيشوفوا ان اي اجراء طبيعي من الحكومة هو حاجة كويسة و كأنها بتمن علي الشعب ، مع ان ده دور الحكومة اصلا ، و ياريت كانت القرارت دي صح اصلا او كاملة

لما الاعداد تزيد يقولك ده مسؤولية و لما تقل يقولك مجهودات الدولة مع ان الحالتين هي مسؤولية مشتركة ، لكن طبعا الحكومة بتاخد اللقطه في الحاجة الحلوة و الوحش بيترمي علي الشعي يا عيني

- الـ ٥٠٠ جنيه اللي الحكومة تدتهم للعماله غير المنظمة اللي هما ميجوش ٣٠ دولار ، الاعلام طلع طبل و انجازات الحكومة ، و امريكا ادت منحة ٢٥٠ دولار حسب ما اتذكر و مشوفتش حد في الاعلام الامريكي بيطبل ، لان ده دور الحكومات اصلا ، عشان الناس متشيلش هم الفلوس و تتنيل في بيتها

- و ايه حوار الحظر اللي هيتشال بعد رمضان ، و السياحة الداخلية اللي هترجع واحدة واحدة ، ده مسؤولية المواطن برضو ؟ ، متروحش تطمن الناس ان الوضع مستقر و تستنى منهم التزام

- لا والمضحك أصلا ان الحكومة بتراهن علي شعب مستواه في النظافة الشخصية تحت الصفر ، شعب ريحة العرق بتاعته في الصيف كفيلة تكرهك في عيشتك ، شعب بياكل من الزباله ، جميل والله الرهان ده

- المضحك اكتر ان الشرطة سايية كل المهازل في الشارع وقت الحظر ، و رايحة تقبض علي ناس بتصلي فوق بيتها ، كأن دي التجمعات الوحيدة اللي بتحصل ، و لا عشان الصلاة مبتجبش فلوس ؟؟ ، قمة العبثية والله

- شعب مصري جميل والله و طيب بيتضحك عليه بسرعه

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد