رتبها

حنتكلم عن برامج الهجرة المتاحة حاليا بواسطة الحكومة الكندية.. بس قبل مانخش في تفاصيل البرامج دي ملاحظات عامة:
- البرامج بتختلف في شروط الeligibility البتأهلك تقدم ليها وفي تفاصيل اجراءاتها وزمنها
- كل البرامج بتتفق انها بتديك الاقامة الدائمة Permanent residence
#الهجرة_لكندا

- كل المقيمين الدائمين في كندابتمتعوا بكل حقوق المواطنين الكنديين وبيتعاملو نفس معامتهم في كل التفاصيل ماعدا التصويت والترشح في الانتخابات.
- المقيم الدائم في كندا عنده حق التقديم للحصول على الجواز الكندي بعد اقامته 3سنوات في اخر 5 سنين يعني ماشرط تكون اقامة متواصلة
#الهجرة_لكندا

- حصولك على الاقامةالدائمةمابيشترط انك فورا تقيم هناك يعني ممكن تقدم وتاخد ال PR وتكمل حياتك عادي وتخطط تسافر هناك بعد زمن
- عموما التقديم محتاج منك مجهود وزمن وقروش عشان تكمل المطلوبات ومحتاج رغبة قوية منك عشان تسك الموضوع فكل مابديت بدري بتحسن وتسرع من فرصة قبولك
#الهجرة_لكندا

كندا عملت نظام تقديم اسمه express entryبيتم عن طريقه التقديم وعمل كل الاجراءات
النظام بيعتمد على انك تعمل بروفايل وبتدخل بياناتك وبناء عليها بيكون عندك مجموع نقاط.. بيتم سحب دوري لأعلى البروفايلات وبتترسل ليها invitation to apply (ITA) اللي هي بعدها بترسل ملفك
#الهجرة_لكندا

البرنامج الاول برنامج federal skilled workers ودا مناسب لأي واحد عنده شهادة ثانوية فمافوق وشغال في وظيفة (غير الحرفيين عندهم برنامج خاص) وبيجيد واحدة من اللغتين الانجليزية اوالفرنسية
مجموع النقاط في الexpress entry بتتحسب من عدة عوامل >>
#الهجرة_لكندا

1/المؤهل الاكاديمي: مثلا لو مؤهلك بوكالوريوس بتاخد عليه 22نقطة ولو دبلوم 3 سنوات بتاخد 21نقطة ولو ماستر او شهادة طب او اسنان او صيدلة او قانون 23نقطة
الحاجة المهمة لازم شهادتك تعمل ليها تقييم evaluation عشان تاخد عليها النقاط وحنتكلم عن دا بالتفصيل قدام
#الهجرة_لكندا

2/الخبرة العملية: لازم تكون عندك خبرةعملية لمدة سنةمتصلة على الاقل في وظيفة full time بمايعادل معدل 30ساعة في الاسبوع (او مايعادلهاpart time)
الخبرة ماشرط تكون في نفس مجال قرايتك لكن عندهم تقسيم للمسميات الوظيفية فمفروض تتأكد انو نطاق شغلك ضمن ياتو مسمى حسب تقسيمهم
#الهجرة_لكندا

3/العمر: اكتر فئة عمرية هم مستهدفنها فئة من 18 ل35 سنة وديل بياخدو اكتر عدد نقاط اللي هي 12 نقطة وبتنقص بالتدريج مع زيادة العمر so start now.. the sooner the better
#الهجرة_لكندا

4/اللغة: محتاج تثبت انك متقن 1 من اللغتين الرسميتين في كندا الانجليزية اوالفرنسية واذا بتتقن اللغتين طبعا بتاخد نقاط زيادة المطلوب بالنسبة للانجليزي امتحان ايلتس (IELTs general trainig) او توفل او اي امتحان تاني معتمد بواسطة كندا.
#الهجرة_لكندا

5/عقد عمل: دا ماشرط اساسي بس لو في زول قدر يتحصل على عقد عمل لوظيفة في كندا بيحصل على 10 نقاط. طبعا الموضوع صعب لزول ماموجود في كندا لكن مامستحيل بالذات في المهن النادرة
#الهجرة_لكندا

6/القابلية للاندماج في كندا: ودي نقاط اضافية بتاخدها على عوامل زي وجود اقرباء في كندا او وجود زوج/ة او اطفال او المؤهل الجامعي للزوج/ة ومؤهل اللغة برضو
#الهجرة_لكندا

عموما اذا عندك رغبة حقيقية ممكن تدرس خياراتك بإنك تحسب نقاطك بصورة دقيقة من خلال ال CRS TOOL من الموقع الرسمي لحكومة كندا من هنا
cic.gc.ca
بعد ما تحسب خت في بالك انو ممكن تزيد نقاطك بزيادة اسكور الايلتس او سنين الخبرة او حتى المؤهل الاكاديمي
#الهجرة_لكندا

cic.gc.ca/english/immigr…

بيتم تقريبا سحبين كل شهر لاعلى نقاط وعادة بياخدوا اي زول مجموعه اكتر من 450 والاسكور بيتغير من فترة للتانية وممكن تتابعه من الموقع الرسمي في نفس اللنك الفوق. الثريد الجاي حنتكلم عن برامج هجرة المقاطعات Provincial Nomination Programme
#الهجرة_لكندا

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد