ثريد:
(لعنه الفكي حمد)
تحدث قصتنا في مدينة شندي (المتمة) بولاية نهر النيل واكتسبت المتمه طبيعتها الغامضة والمخيفة نتيجة لحملة الدفتردار الانتقامية ايام الاستعمار.سماها سكان السودان بقتلة المتمه ..
كما ادت حادثة انقلاب قطار عطبرة القادم الى شندي في زيادة معدل الدموية ف المنطقة
(لعنه الفكي حمد)
تحدث قصتنا في مدينة شندي (المتمة) بولاية نهر النيل واكتسبت المتمه طبيعتها الغامضة والمخيفة نتيجة لحملة الدفتردار الانتقامية ايام الاستعمار.سماها سكان السودان بقتلة المتمه ..
كما ادت حادثة انقلاب قطار عطبرة القادم الى شندي في زيادة معدل الدموية ف المنطقة
مما ادى لظهور الظواهر الغريبة وحضور الجن فيها.
(ساعدنا بالرتويت لو سمحت♥️)
(ساعدنا بالرتويت لو سمحت♥️)
اشتهر الفكي حمد في أواسط التسعينيات وكان الكثير من الناس يهابه ويخافه لمعرفتهم علاقاته مع الجن واشتهارة في امور الدجل والشعوذة والسحر الاسود. اذ كان قادر على استحضار الجن ليتشكل في شكل شخص (ميت) عزيز عليك لتراه امامك ولكن لا يتكلم ويكتفي بالنظر في وجهك والايماء بمعالم وجهه ورأسه.
فٌجعت البلاد يوما بخبر احتراق منزل الشيخ بكمية هائلة من النيران لم يقدروا على اخمادها استمرت لمدة ثلاثة ايام وهم يسمعون اصوات صراخ وتألم شخص يحترق ف الداخل طول تلك المدة.
.
.
بعد مرور ١٣ سنة من الحادثة:
.
.
بعد مرور ١٣ سنة من الحادثة:
انا عباس عمري ٢١ سنه بدرس هندسة ف احدى جامعات الخرطوم جيت اقضى اجازة نهاية السمستر دا مع اهلي ف البلد وانا صراحة مقصر معاهم وطولت ما جيت كنت بجي بس ف المناسبات أعياد واعراس وكلها يومين تلاته وبرجع الخرطوم المرة دي قررت اقضي الاجازة كلها معاهم.
كانت اجازة عادية يعني مافيها شي جديد فا بعد مرور اسبوعين زهجت والله ونفسي بقت مٌحرقاني. زي ما انتو عارفين يعني بلد وكدا والناس بسيطة والاماكن محدودة الممكن تمشي تتموضع فيها وانا مشيت ليها كلها ف الاسبوعين ديل وبقت زي ماتقول روتين كدا لحدي ما حصل الماكنت عمري كلو متوقعو!
ف يوم كان ممطر والمطرة كانت تقيلة وانا قاعد ف الغرفة لاحظت انو ف الحوش بعد ما الموية كانت بتنزل من السقف من فتحات التصريف كانت بتدق ف الارض ف حفرت زي حفرة كدة ولاحظت طرف حاجة طالع من الارض الفضول خلاني امشي اشوف دا شنو لمن جريت الطرف دا طلع لي كتاب؟!
الكتاب كان شكلو غريب جدا! ما زي باقي الكتب غلافو معمول من جلد قدييم جدا ومهترئ ومافيهو اي عنوان صفحاتو قديمه مقطعة عفى عنها الزمن.
ما شغلت بالي بيهو كتير ختيت الكتاب فوق الدولاب ونمت ما اشتغلت بالموضوع.
ما شغلت بالي بيهو كتير ختيت الكتاب فوق الدولاب ونمت ما اشتغلت بالموضوع.
جا الصباح والفضول شدني اشوف الكتاب دا شنو قمت من سريري وجبت الكتاب من راس الدولاب وفتحتو وياريتني مافكرت
اول ما فتحت الكتاب لقيت كلام غريب مكتوب بالعربي لكن ماقادر اقراه وانا بتصفح لقيت جملة (استحضار منجدال) ومكتوب تحت انو جن خادم يستطيع احضار كنوز الارض بين يديك اذا طبقت شروطو؟
اول ما فتحت الكتاب لقيت كلام غريب مكتوب بالعربي لكن ماقادر اقراه وانا بتصفح لقيت جملة (استحضار منجدال) ومكتوب تحت انو جن خادم يستطيع احضار كنوز الارض بين يديك اذا طبقت شروطو؟
بصراحة الموضوع اثار فضولي وقلت لازم اعرف اذا كان الكلام دا بالجد ولا لا ماهو الدنيا لسة اجازة وانا اصلا قطعت مواضيع قريت وعرفت المطلوب مني شنو وجبت كل المتطلبات وماكانت حاجات صعبة بس كانت غريبة.
كانت من الشروط انو امشي مكان مهجور ف عرفت من شباب الحلة انو في بيت بعدنا بي شارعين مهجور واهلو قفلوهو وسافرو ومارجعو لحدي هسي شلت الكتاب والحاجات ومشيت لقيت الباب مقفول نطيت بالحيطة.
خشيت البيت ومشيت الحمام وكان واسع رسمت بالفحم الجبتو معاي نجمه سداسية وعملت كل العلامات الكانت مكتوبة فيها وختيت شموع ف اطراف النجمة وجبت معاي قطة سودا ضبحتها وختيتا فنص النجمه وخليت دمها يسيل فيها. وفتحت الكتاب وبديت اقرا في الطقوس حقت الاستحضار.
اول ما بديت اقرا حسيت بضغط الهوا ف المكان زاد لدرجه انو حسيت شوية وحيغمى علي من الكتمه فجأة بديت اسماع اصوات همامات ما مفهومة وفي زي صوت خطوات رجلين برا جاية في اتجاه الباب لحدي ما قربت ودقت الباب تلاته دقات!.
وانا بتلفت على الباب سمعت صوت وقف كل شعر جسمي!! سمعت صوت قطة؟ لمن اتلفت لقيت الصوت طالع من القصة الضبحتها؟؟! طيب راسا مافي هي بتطلع الصوت دا من وين يعني؟ انا قربت اجن ومن الخوف رجولي اتشنجت وبقيت ماقادر اجري ولا اعمل اي شي. فجاء سمعت صوت مبحوووح....
والبحه حقتو مخيفة شديد وهو بقول:لقد حضرنا.. كن عبدا مطيعا لنا نكن لك مطيعين. كككننن عبدااا مطيعاااا لنااا نكن لككك مطيييعييييييين.
اتلفت لقيت القطه الماعندها راس واقفة على قوائما الاربع وفجاة بدت تتحرك علي! وفجاة نطت فوشي😳.
اتلفت لقيت القطه الماعندها راس واقفة على قوائما الاربع وفجاة بدت تتحرك علي! وفجاة نطت فوشي😳.
فجأة!...
.
فتحت عيوني لقيت نفسي ف سيرير وفي غرفتي؟؟.
وانا بحاول اجمع انا جيت كيف وحصل شنو حسيت انو في واحد ف السرير الجمبي وفعلا؟!
-شفت منظر عمري ماشفتو فحياتي...
.
كان في راجل قاعد ف السرير الجمبي محروق ومتفحم ماعندو عيون ولا اي شي عامل زي التمثال كدة بعاين في اتجاهي!!!
.
فتحت عيوني لقيت نفسي ف سيرير وفي غرفتي؟؟.
وانا بحاول اجمع انا جيت كيف وحصل شنو حسيت انو في واحد ف السرير الجمبي وفعلا؟!
-شفت منظر عمري ماشفتو فحياتي...
.
كان في راجل قاعد ف السرير الجمبي محروق ومتفحم ماعندو عيون ولا اي شي عامل زي التمثال كدة بعاين في اتجاهي!!!
طلع من الشي المحروق دا صوت راجل عجوز قالي:اخترتك خليفتي وحتمشي بشروطهم. اخترتك خليفتي وحتمشي بشروطهم اخترتك خليفتي وحتمشي بشروطهم لمن قالا المرة التالته فكو انكسر ووقع وفجاء بدا يتفتت قدامي انا غلبني اتحرك من المنظر بقيت كاتم نفس ومطير عيوني😳.
تااااني. قمت مخلوع من النوم وانا بجره ف نفس طويل شديد زي ما تقول كنت مخنوق اتلفت مالقيت اي شي في الغرفة حمدت ربي انو دا كان كابوس بس مع انو لسة ماعارف رجعت البيت كيف لمن نزلت رجلي ف الارض حسيت بزي انو في تراب لمن عيانت تحت طلع ما تراب؟؟ طلع رماد واللله رماد انا بكيت..
انا شنو الدخلني العالم دا؟؟. انا الوداني اعمل الحاجات دي شنو؟ انا والله ما قدرا. فحاة فنص البكا حسيت تاني بضغط قوي حق هوا زي الفي الحمام فجاة كدة لقيت نفسي جوا البيت المهجور بس في الصالة. وكان في مخلوق اسود طوييل وجمبو راجل عجوز بيبتسم وبيعاين لي..
فجاة المخلوق الاسود مسك راس الراجل العجوز ويدو كانت كبيرة لدرجه انها مغطية راس الراجل كلها..
.
قطع راسو؟ 💔💔💔
اي قطع راسو انا هنا جريت نفس طويل وانا مصدوم المخلوق الاسود قالي كن لنا عبدا مطيعا نكن لك مطيعيين.
ائتنا بقرباااااان دم طفل انسي حديث الولادة!!
. فجاءة
.
قطع راسو؟ 💔💔💔
اي قطع راسو انا هنا جريت نفس طويل وانا مصدوم المخلوق الاسود قالي كن لنا عبدا مطيعا نكن لك مطيعيين.
ائتنا بقرباااااان دم طفل انسي حديث الولادة!!
. فجاءة
جثة الراجل العجورز انحرقت عرفت انو دا نفس الراجل الكان ف الغرفة معاي..
.
عرفت انو انا مشيت فطريق مافي منو رجعة.
.
بقيت انا عباس..
.
خليفة الفكي حمد..
.
ولعنتو انتقلت لي انا.
.
.
عرفت انو انا مشيت فطريق مافي منو رجعة.
.
بقيت انا عباس..
.
خليفة الفكي حمد..
.
ولعنتو انتقلت لي انا.
.
انتهى الثرييييد وشكرا جزيلا ليكم ياخي♥️♥️♥️♥️لو عجبتكم القصة فولو ورتويت عنيف زي اللهب عشان يصلكم كل جديد 🌚👐🔥🔥🔥🔥🔥
.
.
بالمناسبة القصة من تأليفي على نهج قصص رعب الصحفي احمد يونس فا ادوني رأيكم اذا عجبتكم القصة. وشكرا.
ماتنسو الريتويت 😂🔥
.
.
بالمناسبة القصة من تأليفي على نهج قصص رعب الصحفي احمد يونس فا ادوني رأيكم اذا عجبتكم القصة. وشكرا.
ماتنسو الريتويت 😂🔥
جاري تحميل الاقتراحات...