(1)العالم كله بيحاول بيفكر برة الصندوق ويدور العجلة التعليمية وما يعطل حال طلابه وسنواتهم ، إلا السودان مستسلم للأمر والواقع ومعطل حال طلابه لأجل غير مسمى وواقف حالهم زيادة عن سنة الضاعت بعد الثورة ودي كارثة في السلم التعليمي الطبيعي في حق الجيل دة ، ودي حاجة م كويسة في حق حكومة
((2)) بيشار ليها بالكفائات ، دولة مجاورة ليك زي مصر أبتكرت حل لدوران العجلة التعليمية في الأوضاع الحالية بي إنها تعمل إعادة تقييم للطلاب بطريقة غير الطريقة التقليدية حقت الامتحانات العملية والحضور الرسمي ، إنما التقييم بقى عن طريق يعملوا بحوث ويسلموها أو يخضعوا لإختبارات أونلاين
((3)) بغض النظر عن الإستراتيجية دي والاراء الحولها ، إنما أنا برى إنه أي فكرة أو حل من شأنه يمشي العجلة التعليمية في حق الأجيال في ظل الظروف دي = مكسب كبير وإنتصارة كبيرة في الأزمة الحالية دي.
((4)) فعلامات الإستفهام تكمن في إنه الحكومة الحالية بيشار ليها بالكفائات ورغم كدة ولا مسؤول طلع أتكلم عن سير العملية التعليمية أي وكأنه الطلاب ديل ومستقبلهم دائمآ رهينة لأي عقبات بتواجه البلد وأول ما يتم التضحية بيه والتسليم بالأمر الواقع حياله .
((5)) العجيب والغريب بالنسبة لي ما المنظومة التعليمية الحكومية ، إنما الجامعات الخاصة البيستنزفوا جيوب الطلاب بالملايين والمليارات وللأن ماف تحرك رسمي منهم أو شفنا منهم أي مساهمة في إبتكار حلول في الأزمة خصوصآ إنه دي جامعات مفروض يكون فيها
بنية شبكية أو إمكانيات للتصدي لكدة.
بنية شبكية أو إمكانيات للتصدي لكدة.
((6)) وأنا بشوف إنه في مليون طريقة لسير العملية التعليمية في السودان وإستمرارها دون التعارض مع أزمة الكورونا والهي بتنطلب عودة الحياة والإختلاط.
وإنما عن طريق التدريس الاونلاين وإستمرار المناهج والاختبارات عن بعد وغيره.
وإنما عن طريق التدريس الاونلاين وإستمرار المناهج والاختبارات عن بعد وغيره.
((7)) وللأمانة والمضايقني إنه ماف طرح جادي لإكمال العملية التعليمية ، فكالعادة راضيين بالمصير والحكومة اللي مفروض تساعد الطلاب وتبتكر الحلول وتكون خائفة على مستقبل الطالب الدراسي زي صحته بالضبط عاجبها وقف الحال الحاصل للطلاب دة صابي في مصلحتها ورافع عليها لضغوط من نواحي كتيرة.
((8)) أخيرآ :- أنا بتمني أشوف جدية كافية وطرح مثالي للملف دة خصوصآ إنه أزمة الكورونا دي مطولة معانا شويتين وبالتالي لا يصح إهه مستقبل الجيل دة هيفضل معلق كدة وسنواتهم بتتاكل وأعتقد دة أهم من موال وملف تغيير المناهج السخيف دة والمصدعننا بيه الأيام دي على حساب شيء يستحق الإلتفاتة
جاري تحميل الاقتراحات...