تويتر يا جماعه الخير عباره عن منصه الواحد بعبر عن افكاره و مكنون صدره من خلالها، زي الهايد بارك في إنجلترا، وقف و احكي اللي بدك اياه و ما حدا إله عندك، مع المحافظه على أدب التعبير. اللي بعجبه بوقف و بسمعلك و اللي ما بعجبه بسحب حاله و بروح، نفس الشي في تويتر بحطلك لايك او بتابعك.
و بنفس الوقت ممكن انت تطرح قضيه للنقاش و تتحاور مع الناس، و ممكن إنك تكتب فكره خطرت على بالك لغرض كتابتها فقط لا غير. لما تستخدم تويتر بدك تعرف انك اسقطت حقك في خصوصيه الفكره، مش زي فيسبوك بتشارك مع مجموعه من معارفك و أصدقائك و بس، تويتر بسمح لأي شخص قرأ تغريدتك إنه يعلق عليها
أو ينتقدها أو حتى يهاجمك بسبب او بدون، في هاي الحاله انت بتقرر شو بدك تعمل، يا إنك بتدخل في حوار مع الشخص او انك بتطنش او اذا زادت الأمور بتعمل بلوك، زي ما انت عبرت عن رأيك هو كمان عبر عن رأيه سواء صح او غلط او حتى اشي ما اله دخل، في تويتر المساحه مفتوحه لكل من هب و دب، ما حدا
بقدر يمنع حدا عن التعليق او التعبير عن رأيه، ما بتقدر تستخدم جمله "هاي تغريدتي لا تيجي تعلق هون" لأنه تويتر زي ما حكينا محى مبدأ خصوصيه الفكره. اذا انا تابعت شخص على تويتر فأنا تابعته لأني احببت اسلوبه في التغريد و ما بطلب انه يتابعني مقابل متابعته لأنه هاي حريه شخصيه،
يمكن ما يعجبه المحتوى تبعي، زي ما حكينا هاد مش فيسبوك، انت بتابع محتوى اكثر مما انك بتابع اشخاص، و بنفس الوقت اذا انا بعد فتره اكتشفت انه اكلت مقلب في المتابعه ممكن ابطل اتابعه بكل سهوله، الأمور مش معقده و ما حدا اله عند حدا، انت في تويتر لكي تمارس حريتك في التعبير، فخذها فرصه
كمان لتعلم اساليب ممارستك لحريتك و اساليب الحوار. و دمتم.
@Rattibha شكراً
جاري تحميل الاقتراحات...