المرحلة دي هتدفعك للتعلم، هتختبر معلوماتك ومعرفتك، هتشوف تعرف ايه عن نفسك، عن الناس اللي عايش سنين معاهم، تعرف ايه عن مهاراتك ومواهبك وهل بالفعل اللي تعرفه حقيقي وكفاية؟ هل معلوماتك عن نفسك و عن اللي حواليك وتعريفك للعالم بتاعك "واقعي" ومقتنع بيه ولا للأسف اتعودت عليه؟
المرحلة دي مش قصيرة وخلالها هتظهر اهمية "الكلمة"، قوة المعرفة وقوة المعلومة وقدرتك علي الاستفادة من اللي تعرفه واتعلمته في محيطك ومن تجاربك وغيرهم. احنا بنتكلم عن محور الجوزاء/القوس يعني لو مش هنتفلسف خلال الوقت ده مش هنعرف نتفلسف بعدين. اللي هيكتفي باللي يعرفه بس هيتاكل، اتعلم.
المرحلة دي هتكون مليئة بالملهمين و كمان المضللين، سهل تلاقي اشخاص بتدعي المعرفة، بتدعي العلم، بتدعي ان عندها الخلاصة. الكلام والنظريات والأفكار هتزيد ودي حاجة حلوة جداً متخيل كم المهارات اللي ممكن نتعلمها والمعلومات اللي هنعرفها! بس تاني فين الصح والغلط؟ ازاي اعرف الحقيقة؟
وجود العقدة الجنوبية في برج #القوس هتروج لفكرة ان مفيش غير طريقة واحدة صح لفعل بعض الامور او للتعامل مع الحياة وسهل تقابل خلال الفترة دي اشخاص متشددة لوجهات نظرها و ارائها وتلاقي ناس بتزعق وتقولك ان مفيش غير طريقة واحدة صح وانا متأكد وهو لا متأكد ولا نيلة. التشدد والتضليل موجود
وتاني احنا بنتكلم عن الجوزاء/القوس فتوقع انك تسمع اشاعات كتير، مليون رأي عن موضوع واحد، يبقي عندك كذا خيار لدرجة انك مش هتعرف تختار. ولذلك المرحلة دي هيكون فيها منافقين كتير وادعاء بالمعرفة والعلم المزيف وده شئ مثير الي حد ما لأنه هيجبرك تشغل دماغك وتكتشف الحقيقة و الصح بنفسك.
ولذلك خلال المرحلة دي سهل تحس انك تايه سهل تفقد الامل في كل شئ صدقته ومؤمن بيه وهنا انت قدام طريقين عزيزي القارئ؟ الأول انك تعرف الحقيقة وتحترم جهلك وعدم علمك وتبدأ تبحث والتاني انك تصدق الكذب وتقلل من عدوك اللي هو جهلك وتفضل محتار. المرحلة القادمة فوضوية لأن كله عايز يثبت انه صح
عشان كده اهتم بمصدر معلوماتك، اعرف الحقيقة بنفسك، اوعي تستني حد يأكلك المعلومة او يقولك ده الصح عارف ليه عزيزي القارئ؟ لأن الفترة القادمة كلها "خدع" حتي الثريد دي ممكن تكون خدعة، مين يعرف! سهل يتباع لك سعادة مؤقتة من خلال كلمات واخبار مزيفة وبمجرد ما تعرف الحقيقة هيختفي كل شئ.
عدوك الحقيقي هو جهلك لأن عدم معرفتك الكافية هتدفعك لتصديق خرافات كتير. الفترة القادمة مش محتاجة شخص بعضلات او بفلوس كتير ولكن محتاجة شخص عنده "دماغ" وبدل ما تنتظر المعلومة تجيلك اجري انت وراها. حد قال قبل كده ان في كل كذبة جزء من الحقيقة وفي كل حقيقة كذبة كبير
بحبكم أبطالي 🦄💜
بحبكم أبطالي 🦄💜
جاري تحميل الاقتراحات...