الكلام دة هيزعل ناس
مفيش حاجة اسمها المستشفي مكنتش هتفرق في حالة مريض عشان مفيش علاج أكيد للكورونا
المريض بياخد حاجة اسمها supportive symptomatic treatment أيًا كان تشخيصه
المريض من حقه يخش المستشفي حتي لو مفقود منه الأمل

المريض من حقه علينا كدكاترة و دولة و مجتمع انه يموت في رعاية مركزة أو مستشفي
أهل المريض مش مفروض يشوفوا اللحظات الأخيرة بتاعته و هو مش قادر يأخذ نفسه
المريض من حقه ان في لحظاته الأخيرة حتي لو مش في وعيه يبقي واقف جنبه دكتور و تمريض حتي لو مش هيعملوا ولا حاجة تنفعه طبياً

مفيش أهل في العالم المفروض يعيشوا لحظة واحدة حاسين ان ابنهم او ابوهم مات عشان مدخلش مستشفي حتي لو المستشفي مكنتش هتفرق في الoutcome
عمري ما فرق معايا mortality rate في رعاية مركزة و عندي أشرف اني أشتغل حانوتي عن اني أعمل patient selection عشان mortality rate

مفيش حاجة اسمها مفقود منه الأمل
انا فاكر قصة في ٢٠٠٧ أو ٢٠٠٨ ان طفل توقف قلبه تماما في رعاية ما بعد عمليات قلب وصدر (للاسف مش فاكر اسمه) و القانون بيقول انه لازم يفضّل ساعتين علي جهاز التنفس الصناعي بعد توقف الوظائف تماما قبل اعلان الوفاة و كنت شايف دايما انه ساعتين ملهمش لازمة

و بعد ٣٠ دقيقة كاملة بدأ قلب الطفل يضرب لوحده تاني و هرع طاقم الأطباء و التمريض لإعادة الانعاش و الطفل عاد مجدداً للحياة
بعدها بأيام اتشال من علي جهاز التنفس الصناعي
Three weeks later he went home!!!
Three weeks later he went home!!!l!!!
مفيش حاجة كبيرة علي ربنا