نحن ما كويسين !
صديق في امريكا بتو صغيرة في السن و راكبة العربية مع امها و ماشين مدينة تانية راحو في السكة و بقو يلفو و يرجعو نفس المكان
البت لما اتأكدت انهم راحو دايرة توصل لي امها المعلومة دي زي اولادنا في بلاد الخواجات العربي مكسر شديد ما عرفت تقوليها يا ماما نحن رايحين
صديق في امريكا بتو صغيرة في السن و راكبة العربية مع امها و ماشين مدينة تانية راحو في السكة و بقو يلفو و يرجعو نفس المكان
البت لما اتأكدت انهم راحو دايرة توصل لي امها المعلومة دي زي اولادنا في بلاد الخواجات العربي مكسر شديد ما عرفت تقوليها يا ماما نحن رايحين
سكتت مسافة كدة و قالت ليها .. يا ماما نحن ما كويسين !
و قد اضحت الجملة دي أعمق ما قيل في الكلام السوداني البت كبرت و العربي اتصلح لكن بقت الجملة طريقة تعبير الأسرة كلها .. أي زول اموره تكركب في حتة يقوليك .. ياخ انا ما كويس او نحن ما كويسين !
و قد اضحت الجملة دي أعمق ما قيل في الكلام السوداني البت كبرت و العربي اتصلح لكن بقت الجملة طريقة تعبير الأسرة كلها .. أي زول اموره تكركب في حتة يقوليك .. ياخ انا ما كويس او نحن ما كويسين !
انتقل الكلام لي و بقيت استخدمه مع الناس .. لما امورنا تكون ما واضحة طوالي بطلع جملتي السحرية ..!
الشاهد في الأمر هي لما وقفت والدتها في محاولة لي انها تثبتها من اللي بتعمل فيه .. دايرة تقول بي طريقتا الخاصة انه يا ماما حقو نعترف اننا ضعنا و نبدا نجد حلول .. ! ( نحن ما كويسين )
الشاهد في الأمر هي لما وقفت والدتها في محاولة لي انها تثبتها من اللي بتعمل فيه .. دايرة تقول بي طريقتا الخاصة انه يا ماما حقو نعترف اننا ضعنا و نبدا نجد حلول .. ! ( نحن ما كويسين )
انت متخيل معاي لو نحن فعلا بنقيف مع نفسنا و مع الناس المرتبطين بيهم بي علاقات ايييييا كانت العلاقة شنو ، ولدك ، والدك ، شريك حياة
لو اي زول فينا كل ما حس انه العلاقة ما ياها ، انه ما سعيد مع الآخر ، او انهم ضلو الطريق
لو بنقيف و نعترف ، نحن ما كويسين !
لو اي زول فينا كل ما حس انه العلاقة ما ياها ، انه ما سعيد مع الآخر ، او انهم ضلو الطريق
لو بنقيف و نعترف ، نحن ما كويسين !
الحاجة دي كانت لحقت بيوت كتير قبل ما تتهدم ، علاقات كتير قبل ما تتعدم ، احاسيس كتير كانت انلحقت قبل ما تبقى حفرة سواد بالعانا جواها ..
لما نعيش و نحن خايفين و متوجسين من بعض ، قبل فترة في ولد ضاع و صوره ملت الاسفير ، قالو مرق من المدرسة ما اتلقى ،، اكتشفو تاني يوم انه الاستاذ طرده و لانه خاف من ردة فعل ابوه و انه حيضربو ، قرر ما يرجع كلو كلو ! و يمشي بيت حبوبته في الحلة مشي !
بالله الغلي العظيم دة كلام !
ما قادر يقول انا عندي مشكلة ! ( انا ما كويس )
متخيلين في كم من بناتنا و اولادنا معانا ما قادرين يقولو يا بابا ، يا ماما ، انا عندي مشكلة ! ( ما قادرين يقولو نحن ما كويسين )
ما قادر يقول انا عندي مشكلة ! ( انا ما كويس )
متخيلين في كم من بناتنا و اولادنا معانا ما قادرين يقولو يا بابا ، يا ماما ، انا عندي مشكلة ! ( ما قادرين يقولو نحن ما كويسين )
متخيلين في كم مرتبطين بي بعض بينومو تحت سقف واحد ، ماف زول قادر يمسك يد التاني و يقوليه نحن ما كويسين ! او انا ، انا دة ما كويس !
الناس تساعد بعض بالأمان ، بالاستماع للآخر ، بي مدة اليد للسند ، بي اني بحبك و عايزنا ننجح حتى لو نحن ما كويسين حنقعد و نشوف نبقى كويسين كيف ..
الناس تساعد بعض بالأمان ، بالاستماع للآخر ، بي مدة اليد للسند ، بي اني بحبك و عايزنا ننجح حتى لو نحن ما كويسين حنقعد و نشوف نبقى كويسين كيف ..
الاعتراف بي اننا ضيعنا الطريق و ماشين في طريق غلط ، اول خطوه لي اننا نلقى الطريق الصح
ماهو حنلقاه كيف و نحن ما معترفين اننا تايهين اصلا !
ماهو حنلقاه كيف و نحن ما معترفين اننا تايهين اصلا !
اسندو بعض و حبو بعض يا جماعة .. و اعترفو للبتحبوهم ليل و نهار ..
خليكم مبسوطين في علاقاتكم .. عشان لما عينيكم تقع في عيون بعض .. تبتسمو و تقولو
نحن كويسين ! ❤️❤️
خليكم مبسوطين في علاقاتكم .. عشان لما عينيكم تقع في عيون بعض .. تبتسمو و تقولو
نحن كويسين ! ❤️❤️
جاري تحميل الاقتراحات...