النهاردة عايز أحتفل بنفسي بمرور ٥ شهور علي علاج الاكتئاب والوسواس القهري.
كنت ناوي أحتفل بعد سنة بس ف ظل الكرونا وقعدة النيابات وفرز الجيش محدش ضامن عمره قلت أتبسط بنفسي ولنفسي النهاردة
وسيد شيبة معاه حكاية بسيطة للي مهتم متيجوا نشوف...
الفرق بين الصورتين٨ شهور..ثريد طويل مُمِل
كنت ناوي أحتفل بعد سنة بس ف ظل الكرونا وقعدة النيابات وفرز الجيش محدش ضامن عمره قلت أتبسط بنفسي ولنفسي النهاردة
وسيد شيبة معاه حكاية بسيطة للي مهتم متيجوا نشوف...
الفرق بين الصورتين٨ شهور..ثريد طويل مُمِل
١-الحكاية بتبتدي بإني جبت ٩٩,٩٪ كمجموع للثانوية العامة،وكمعظم المراهقين المصريين اللي ملهمش حلم محدد أهله بيقرروله إنه يدخل كلية الطب في بلد تانية ويقعد ف المدينة الجامعية. وكشخص ملوش أي تجارب اجتماعية سابقة ومكنش يعرف حد غير المُذاكرة، ابتدت المعاناة...
٢-كل يوم الصبح أروح كلية بكرهها ف محافظة بكرهها المفروض أقعد في محاضرات وسكاشن ومعامل ووحدات صحية ومعامل مهارات وغيره وغيره من الحاجات اللي لا بفهمها ولا قادر أحبها ولا عايز، وبليل أروح أكل لُقمة تُقف ف زوري مع شوية الدموع اللي حوشتهم الصبح.
٣- أما كل يوم بليل فكانت مكالمة أمي الرسمية اللي عمرها ما زادت عن دقيقة بس كانت بتهون عليا الدنيا بحالها ولما أخلص أدفن وشي ف سريري اللي ف وسط سراير المدينة وأبدأ هستريا البكاء المكتوم المتواصل اللي كان مصحوب بأسئلة "أنا هنا ليه وبعمل إيه واللي جاي إيه؟!" وبعدها النوم يغلبني
٤- وأما بقي بين الصبح والليل فكانت الوصلة اليومية للتنمر علي العبد لله المسكين في كل أقواله وأفعاله ومحاولة نبوذِه لأنه عيل كئيب ورخم ومش فرفوش وإزاي هو مش جامد زيينا قادر يتحمل الغربة وقادر يكون رِوش بيعمل كل اللي بنعمله وبيقول زي مابنقول..
دول
دول
٥- العبد الغلبان صاحب ال ١٨ خريف وسط كل ده كان بيحاول يعيش ويتأقلم ويذاكر ويحب، آه وميحبش ليه ؟ هو كان شاف ولا عرف الحب فين أصلا غير من الكتب والأفلام! يحب صاحبَه يحب صاحِب بس أهو يحب وخلاص أي حاجة تهون عليه الأيام الأولي من جحيم ال ٧ سنين
٦- بعد ٣ سنين واختصاراً ليس إلا ،الأيام تعدي والعبد الغلبان ماشي وهو بيجّر دماغه وقلبه من تُقلهم عليه، بينجح كل سنة بالعافية بدعوات الوالدة بعد مايشيل نصف المواد، بيتخدع وضهره يتقطم وهو كل شوية يكتشف ان ملوش صاحب يحبه بجد
٧- ٣ سنين ع الموال ده ، اكتئاب وفشل دراسي واجتماعي وأمراض فسيولوجية كتير بتظهر عليَّ من كُتر الضغط العصبي زي الصدفية والأرتيكاريا ووقوع الشعر وغيرهم وعياط ليل نهار في الدِرا عشان محدش يشوفك ولا يسألك وهو مين هيسألك؟ لأ مين هيسألك "بجد" قصدي ؟ مفيش.
٨- عايش ف حلقة مفرغة مفهاش جديد ٤ سنين من حياتي بيضيعوا قدامي، لو سألتني حققت ايه فيهم ؟ هقولك ولا حاجة..، بس لو سألتني حسيت بايه فيهم؟ هكتبلك مجلدات.. مجلدات من الحزن والعياط من ضيق النفْس من جلد الذات و من المعاناة من الامراض النفسية والجسدية اللي ظهرت..
٩- ليه مفكرتش ف المساعدة؟ ملقتهاش..مع إني كان نفسي فيها، كان نفسي حد يحضني ويقولي انت مش لوحدك. بكلم جد والله للأسف :') كان نفسي حد يمسك إيدي يقولي مالك؟ -من اللي هي طالعة من القلب دي مش اللي بنتريق عليها دلوقتي- عمري مافكرت أحكي لأهلي من حبي فيهم ومن طيبتهم مكنوش هيستحملوا ،
طب والصحاب ؟معظمهم فاضييين من جوه، عايز أفتكر حد وقف جنبي "بجد" مش لاقي، أنا كنت بموت كل يوم والله كل يوم حرفيا والله ولا حد كان بياخد باله..
١١- وعشان أهرب من كل ده برضه، حبيت، حبيت أجمل بنت عرفتها في حياتي ومعرفتش أصلا يعني ايه حب غير لما قابلتها.. حبيتها من أول نظرة وخلت ل حياتي معني خلتني أصبر خلتني أعرف إن ربنا بيعنلك حاجات حلوة وهتجيلك بس اصبر،
وف نفس الوقت ده دخلت لاول مرة اجرب التمثيل في فريق مسرح الكلية اللي كانت حاجة جميلة جداً وقتها ،أما بالنسبة للبنت فللأسف، استحملتني سنة والتانية والتالتة ومقدرتش أكتر من كده لأن بغض النظر عنها وعن تأثيرها في حياتي فضلت فاشل ف كل حاجة
١٢- نيجي لامتحانات البكالوريوس، متتخضش كليتنا مش بتسقط حد :') بس فضلت أطلع بمواد كل سنة ونفس كُل حاجة مكملة معايا من قصص حب فاشلة لعلاقات اجتماعية فاشلة لصُحاب مش موجودين وعبارة عن منظر وبس لارتباط ضعيف بأهلي، بالبلدي من سن ١٨ سنة ل ٢٥ سنة عايش ف اللاشئ مع اللاشئ
١٣- الفترة دي المفروض انها كانت أهم فترة لو عايز أتخرج من الكلية بشكل كويس وكنت ناوي أعمل كده وقلت يارب كتير، بس للأسف برضه كانت أوسخ فترة ف عمري، زي مابيقولوا كانت القشة اللتي قصمت ظهر البَعير، أي حد ف طب هيفهم يعني ايه تمتحن بكالوريوس ٩٠ يوم متواصل...
١٤- وبالنسبالي فركشت ف الفترة دي واتصدمت ف أعز صحابي ف نفس الفترة والاكتئاب وصل ذروته بس الايام عدت، كل ده وانا كاتم جوايا ومش بعمل حاجة غير العياط، تخيل ٦ سنين بتعيط كل يوم تقريبا! ودايما افتكر اني انا اللي وحش انا اللي غلط ومش ببطل جلد ف ذاتي
١٥- لحد نُص سنة الامتياز-برغم اني كنت طاير من الفرحة لاني أخدت احسن ممثل ف الجامعة- بس بعدها كل حاجة بدأت تنهار، صحتي الجسمانية انهارت وجالي أمراض كتير وأنا لوحدي، ونفسيتي انهارت وبقيت أعمل حاجات غريبة وأنا لوحدي، ياما قفلت عليا باب اوضتي ياما ضربت راسي في الحيط
١٦- لو لسه بتقرأ لحد دلوقتي فأنا شاكر ليك وبحبك وبتمنالك الراحة وعارف انك بتحبني. وأتمني تكمل
١٧- وهنا قررت أخد بالاسباب وقررت أهم قرار في حياتي وروحت لطبيب نفسي من ورا كل الناس كعادتي، وبدأت العلاج اللي بدون تفاصيل برضة كانت صعبة جداً أول اسبوعين لحد ما بتاخد الدوا المناسب ليك والحمد لله أحسن كتير، طبعا انت مش هتقرا كل ده وف الاخر مش هقولك ازاي هتكون احسن! طبعا هقولك ♥️
١٨- لازم مع قرار الكشف والعلاج تأخد قرارات تانية محدش هيعرفها غيرك انت بس..أنا هسهلها عليك،عارف الحاجات اللي طول عمرك خايف تعملها؟روح حالا شوف بداية سكتها وزُق نفسك فيها وسيب الباقي ع الله، عارف الصُحاب اللي حواليك اللي دايما كلامهم جايبك ورا؟متكلمش معاهم.فجأة كده وقولا واحدا؟ اه
١٩-عارف كل الناس اللي حواليك دي ؟ متعتبرهمش موجود ومتصدقش حد يقولك انت مش قد حاجة وانك صغير والكون كبير والكلام ده، لأ انت مهم، مهم لنفسك ومهم لأهلك ومهم للي حاسس بيك حتي لو ميعرفكش زيي، انت مهم عندي ايا كان انت مين♥️
٢٠-متصدقش حد يتريق علي قَصّة شَعرك الجديدة ولا علي لون لبسك متصدقش حد يرميلك خرا وسط برميل عسل، اعبد ربنا براحتك بس تأمل في طبيعته عِيش وحِب الجَمال اللي حواليك حِس بكل النعم ومتشيلش هَم بكره ومتخافش من الموت وع فكرة لما تموت مش لازم العالم يفتكرك وتسيب أثر فيه مين قالك كده؟
٢١-فوق لنفسك بس صدقني.. عيش لنفسك.. خلي بينك وبين ربنا حبل و ثِق فيه وف تدبيره لامورك ثقة مُطلقة هتشوف ساعتها العالم بطريقة عمرك ماكنت تحلم بيها، هتعرف يعني ايه سلام نفسي وراحة بال.
وانسي ..انسي كل حاجة بتأذيك..
وانسي ..انسي كل حاجة بتأذيك..
انسي البنت اللي سابتك وانسِي الولد اللي سابِك وانسي الناس اللي بتكلم عليك ف ضهرك وانسي الناس اللي ظالماك حتي لو بتفكيرها بس..انسي، ومتكرهش حد خالص، الكره بيضعفك،حِبهم وسيبهم للدنيا مسيرها تهديهم زي ماهديتك، عارف لما أنا عملت كده؟ حققت ووصلت ف٥ شهور اللي معملتوش ف ٦ سنين الحمد لله
٢٢-متأخرش نفسك زيي عشان خاطري، متخليش اليوم يُجّر شهر والشهر يّجر سنة، دور ع المساعدة لو هي ممدتش إيديها ليك دور عليها بنفسك
وافتكر ان الاكتئاب والحزن مش بس علاجه الصلاة والصوم والقرآن، ياما التزمت ومتحسنتش بس فهمت بعدين ان ربنا كان بيقولي طول الوقت خُد بالاسباب
وافتكر ان الاكتئاب والحزن مش بس علاجه الصلاة والصوم والقرآن، ياما التزمت ومتحسنتش بس فهمت بعدين ان ربنا كان بيقولي طول الوقت خُد بالاسباب
٢٣- وأخيراً.. عايز أقولك ان الحياة مش أهم حاجة والموت بيجي من أبسط حاجة، ف مش مهم ايه أحداث حياتك بس المهم ازاي هتستجيب ليها، وأعظم استجابة انك كل يوم تكون نسختك الافضل عشان لما أيامك تخلص تكون جاهز .
فعيش يومك وانت مبسوط وركز في التفاصيل أوي ومتغيرش العالم ولا حاجة بس لو سمحت عيش سعيد بنفسك ولنفسك ولأهلك ولكل اللي بيحبك بس يكون بيحبك بجد، حُزنك وأوقات ضعفك عورة متبسنهاش لحد ميستهلش. للي لسه بيقرأ.. لو احتجت مساعدة كلمني ، وادعيلي وشكرا جداً
انا لما كتبت الكلام ده كتبته لنفسي ومكنتش اعرف ان الموضوع هيكبر كده، انا مش لاحق اقرأ اي حاجة بجد والرسايل كتير جداً جدا، الناس كلها تعبانة والناس كلها محتاجة مساعدة، بس انا هرد علي واحد واحد ري ماعرضت المساعدة وسامحوني ع التاخير، وخلوا بالكم من بعض ♥️
انا بدأت أخاف والله،انا كنت بكتب الكلام لنفسي لقيت تويتر اتقلب😭أنا مخضوض من كمية الكبت اللي جوه الناس بجد وكمية الرسايل اللي طالبة مساعدة! محدش يزعل مني لو اتأخرت ف الرد عن أي حد لو سمحت♥️ ويارب دايما قدرنا علي مساعدتنا لبعض.
(وياريت محدش ينقل كلامي او صورتي فيسبوك عشان اتفاجئت!
(وياريت محدش ينقل كلامي او صورتي فيسبوك عشان اتفاجئت!
*حاجات مهمة*
-منكرش اني خايف ومعرفش ايه كل اللي بيحصل،مكنتش بفكر ف حاجة وانا بكتب غير اني أفُك علي نفسي، والقريبين مني عارفين اني هادي وف حالي
-معرفش هل ربنا بيختبريني ف حاجة معينة ولا ده ثواب ولا ايه بالظبط بس لعله خير
-اكتر من ٥٠٠ رسالة نُصهم بس بيتكلم عن تفكيره ف الانتحار! 1
-منكرش اني خايف ومعرفش ايه كل اللي بيحصل،مكنتش بفكر ف حاجة وانا بكتب غير اني أفُك علي نفسي، والقريبين مني عارفين اني هادي وف حالي
-معرفش هل ربنا بيختبريني ف حاجة معينة ولا ده ثواب ولا ايه بالظبط بس لعله خير
-اكتر من ٥٠٠ رسالة نُصهم بس بيتكلم عن تفكيره ف الانتحار! 1
انا لما عرضت المساعدة عرضت كصديق مَرّ بتجربة ومكنتش اعرف ان الموضوع مرهق نفسيا وجسديا بالشكل ده،
بس ارجوك ارجوك، لو تفكيرك ف الانتحار هيتوقف علي كلامنا سوا، استني، انا هكلمك ومش هسيب رسالة مردش عليها باذن ربنا.
((وانا مش طبيب نفسي)) كل ماله علاقة بالادوية والامراض مش هتكلم فيه.
بس ارجوك ارجوك، لو تفكيرك ف الانتحار هيتوقف علي كلامنا سوا، استني، انا هكلمك ومش هسيب رسالة مردش عليها باذن ربنا.
((وانا مش طبيب نفسي)) كل ماله علاقة بالادوية والامراض مش هتكلم فيه.
(١)جماعة..أتمني كله يشوف التويتة دي بالذات أي حد بعتلي مسج، حرفيا بدون مبالغة في اكتر من ١٠٠٠ مسچ، أنا أُرهقت جداّ فوق ما تتخيلوا والموضوع بدأ يأثر بالسلب وأنا لسه مش تمام أوي يعني ،بعتذر بعتذر بجد لأي حد مردتش عليه يمكن ف وقتٍ ما أقدر أرد بس حاليا قفلت المسچات ووالله ده غصب عني
(٢) بجد الناس كلها تعبانة، وفي ناس حياتها جحيم، أرجوكم أرجوكم اطلبوا المساعدة بالذات من الاطباء النفسيين والمختصين ومتسبوش نفسكوا كده دي اهم نصيحة اقدر اقدمهالكم، وأي حد عايز نكون صحاب يبعتلي علي الفيسبوك بوك اللينك موجود، ربنا يساعدكم...سلام ♥️
** بعد ٥ أيام كان نفسي فيها أرد علي كل الناس بس حقيقي كان أكبر من طاقتي بكتير أوي أوي، أسف لأي حد مردتش عليه أو مشوفتش رسالته. تواصلت مع دكتورة/داليا يسري..استشاري الطب النفسي وعلاج الادمان والعلاقات. وهيكون في جلسات علاج نفسي وسلوكي صوت وصورة أو صوت بس، أو ممكن تروح العيادة..
سواء في بورسعيد أو القاهرة، وللاستعلام والحجز ممكن تتصلوا ع الارقام دي
بورسعيد 201207777896+
القاهرة 201003056488+
فأي حد محتاج مساعدة يتواصل، وياريت ريتويت عشان الناس تشوف الكلام ده،وأنا بقي أرجع لتويتر بتاعي الطبيعي اللي واحشني🥺 سلام.
بورسعيد 201207777896+
القاهرة 201003056488+
فأي حد محتاج مساعدة يتواصل، وياريت ريتويت عشان الناس تشوف الكلام ده،وأنا بقي أرجع لتويتر بتاعي الطبيعي اللي واحشني🥺 سلام.
جاري تحميل الاقتراحات...