ثريد حوضح فيه انه لجان المقاومة هم اكتر شباب تعبانين في اثناء الحظر ده بالذات في موضوع توفير العيش لمواطني وساكني الحي او المربع ??
الشباب ديل قبل كل شي حصروا كل المناطق الهم مسؤولين منها سوى مربعات او احياء عشان يوفروا الخبز لكل الاسر مع وجود مشاكل الدقيق وعدم توفره لانه من غير حصر ماحيقدروا يعملوا اي حاجة معناها هم في اللحظة دي اشتغلوا شغل ناس الاحصاء عشان يعرفوا الرقم الحقيقي لكل اسرة
بعدها بقوموا كل يوم من الصباح يلفوا علي عدد الافران الموجودة في نطاقهم بالتنسيق مع باقي المربعات المستفيدة من الافران ودي بحصل قبليها اجتماعات عشان الناس كلها تستفيد من الدقيق لاقصى حد في ظل الوضع الراهن معناها هم بقوا شغالين شغل المحليات اللي هي مفروض من الاول توضح الحاجة دي
بعد الحصر وترتيباته والتبعات بتاعته والتوافق التام مع باقي المربعات المستفيدة ، ببدوا يلفوا علي الافران فرن فرن عشان يشوفوا الجاه دقيق منو والماجاه منو ويتواصلوا مع المحليات والمطاحن عشان يحصروا الكمية ومنها تحصل المعالجات عشان مافي اي فرن يقيف مع العلم انه الحصص مابتكفي اصلا
بعديها بقعدوا كلهم كلجان مقاومة من كل حدب وصوب عشان يعملوا حسابات الخبز ده ويبدوا يوزعوه علي كل الاحياء كل علي حسب الكثافة السكانية ، لاحظ يامواطن الحسابات دي اقل زمن بتاخده ٣ ساعات ، عشان يحصل توافق تام وبدورها بعد داك بتترفع لكل الافران عشان كل فرن يعرف حصة الجهة الحتستلم منو
بعديها كل تيم منهم ببدا ينظم نفسه لانه عنده سهرة صباحية بتبدا من الساعة ٨ او ٩ لحدي صلاة الصبح من لحظة الاستلام ووضع الخبز في الاكياس ونقله للحي او المربع وتوزيعه بصورة صحيحة بعد مطابقتها مع اعداد السكان المحصورين عشان يضمنوا كل اسرة اخدث حصتها المتوفرة من الافران
كدة الخبز اتوفر والحمد لله وختوه في الاكياس وقسموه ، بعديها بحصل له ترحيل بعد صلاة الصبح للدكاكين عشان السكان يجوا يسنلموا العيش بكل ارتياح ومافي زول يقيف في الصف عشان الكورونا تصيبه في حين انه هم اكتر ناس معرضين لها لكن في النهاية قلبهم علي البلد وعلي المواطن وتحسين المعيشة
لاحظ يا انسان انه الحاجة دي بتحصل يومي ، يعني مهما كان هم بشر واكيد بتعبوا واكيد عندهم ظروفهم ، بالذات في رمضان والصيام ودي حاجة صعبة جدا ، فاقل حاجة ممكن المواطن يعملها لهم انه يقيف معاهم يتفقدهم ينقل معاهم بالعربات المتوفرة لانه في بعض الاحيان بنقلوها برجلينهم من الافران للمربع
يبقي هم شغالين شغل المحلية والشرطة وشرطة التموين وغيرهم من الجهات التنفذية عشان راحة المواطن ومايصيبوا المرض وكانوا في مقدمة الصف الاول لتسهيل كل مايمكن تسهيله ومايخلوا الناس تقيف صفوف وتتعب وينتشر المرض بينهم ونبقى في قصة اكبر من مجرد خبز ،وصحة المواطن اهم من كل حاجة في النهاية
وجب علينا تحيتهم تحية كبيرة جدا ونشكرهم
??????
وندعمهم ونشكرهم علي المجهود الجبار الهم ببذلوه ونسهل لهم كل الامور الممكن تكون عصية عليهم في سبيل تحقيق الحاجة دي بكل سهولة ويسر عشان تستمر بصورة اسرع بالذات في ظل الازمة الحاصلة وهي مفروض تضم كل الخدمات الاخرى من غاز وغيره
??????
وندعمهم ونشكرهم علي المجهود الجبار الهم ببذلوه ونسهل لهم كل الامور الممكن تكون عصية عليهم في سبيل تحقيق الحاجة دي بكل سهولة ويسر عشان تستمر بصورة اسرع بالذات في ظل الازمة الحاصلة وهي مفروض تضم كل الخدمات الاخرى من غاز وغيره
جاري تحميل الاقتراحات...