مساء الخير، من كام يوم كده شوفت الكلام ده من شخص هنا وهو مشجع لبرشلونة لكنه واحد من اكتر الناس اللي كلامها محترم وعقلاني بعيدًا عن اي حاجه بنشوفها من مشجعينهم.
فا البوست بصراحه لفت نظري ومش هخبي عليكم انا بشوف كتير النوعية دي من البوستات ومش بعلّق دماغي بيها لأني ببقى عارف فكر اللي منزلها ومش هوجع دماغي معاه يعني والكلام ده معايا بقاله حوالي 3 سنين ودي يمكن المره الاولى من 3 سنين اضطريت اني ارد.
فا هناخد جزء جزء من البوست مع اللينكات اللي حطها في الكومنتات ونوضح حقيقة الكلام ده.
*أقرأ الكلام اللي في الصورة قبل اي حاجة علشان تفهم هتكلم عن ايه*.
*أقرأ الكلام اللي في الصورة قبل اي حاجة علشان تفهم هتكلم عن ايه*.
قبل اي حاجه، كل واحد بيحب يشوف الحاجه بالمنظور الخاص بيه واللي يدعم كلامه حتى لو الموضوع او القضيه اللي بيتكلم فيها مش مكتمله او ليها اطراف ممكن تخلي كلامه غلط فا هو مش هيدور عليها لأنه اكتفى باللي يثبت كلامه ومش محتاج اكتر من كده .
1- خليني ابدأ بصفقة فيجو وهرجع للجزء اللي في اول البوست في الأخر.
- فيغو في مقابلة صحفيه قال: "عشت خمس سنوات رائعة جداً مع برشلونة، من الناحية الإنسانية و الناحية الرياضية. بعدها جاء الرئيس غاسبارت للرئاسة الذي لم أثق به إطلاقاً"
- فيغو في مقابلة صحفيه قال: "عشت خمس سنوات رائعة جداً مع برشلونة، من الناحية الإنسانية و الناحية الرياضية. بعدها جاء الرئيس غاسبارت للرئاسة الذي لم أثق به إطلاقاً"
خوسيه لويس نونيز الرئيس اللي قبل فترة غاسبارات واللي خرج عام 2000 لما فيجو طلب منه زيادة في الراتب قاله انك لازم تستنى الاداراة الجديد اللي هي برئاسة غاسبارت.
عن الاتفاق المبدأي بين الوكيل وبيريز فا فيجو من زمان معروف عنه الطبع ده وقبل ما برشلونة يجيبه 1995 تم منعه من الانتقال لأي فريق ايطالي لأنه وقع على عقد مبدأي مع بارما ويوفينتوس في نفس الوقت وساعتها انتقل لبرشلونة.
وعمل نفس الحركة في انتقاله لريال مدريد لما وقع على عقد مبدأي مع فلورنتينو انه في حال فوزه في الانتخابات يروح يكسر عقده ويديليه واحد من اعلى الاجور في العالم ووعد في الصحافة بكده.
فا الكلام اللي مكتوب مش بيدل غير على دهاء الراجل ده وسذاجة برشلونة، واي مشجع مدريدي عارف ان فترة سانز كان النادي مديون فيها بشكل كبير ولورينزو مشافش من النادي بعدها غير كل احترام ... فا السؤال هنا هل ده فساد؟
2- بيقول بيريز له واقعة فساد في أول فترته مع ريال مدريد قدر ياخد حتة ارض من مجلس المدينة ويبيعها علشان يسد الديون.
- بيريز استلم النادي مديون من لورينزو سانز زي ما قولنا، بس ازاي قدر ياخد حتة ارض من مجلس المدينة وحتة الارض دي اصلًا بتاعت ريال مدريد؟ حتة الارض اللي البوست بيتكلم عليها هي المدينة الرياضية القديمة بتاعت النادي قبل ما يتم انشاء الجديدة اللي بيتدرب فيها الفريق حاليًا.
والمميز في الارض دي انها كانت في قلب مدريد وحاليًا مبني فيها 4 اشهر ابراج في العاصمة. تم رفع قضية من قِبل مفوضية الاتحاد الاوروبي وصدر الحكم لصالح ريال مدريد، مش صحيح ابدًا ان مجلس المدينة ساعدته او ادته الارض بمبلغ قليل علشان يبيعها بأكتر.
في مايو 2019 حكمت المحكمة العامة في الإتحاد الأوروبي لصالح ريال مدريد في القضيه اللي المفروض المفوضية رفعاها بخصوص الارض دي والمحكمة قالت انه لم يتم اثبات تلقي ريال مدريد لمساعدات حكومية غير قانونيه والنادي استرجع ساعتها 20 مليون يورو.
الخبر ده حرفيًا اتحط في الجوانب والسطور الاخيره من اغلفة الصحف لكن لو كان في شيء يدين ريال مدريد كان زمانه متصدر الاغلفة وعايزكم تركزو كويس جدًا في النقطة دي علشان هنحتاجها تحت.
وطبعًا بعدها النادي اصدر بيان رسمي بأن المفوضية هتدفع 20 مليون يورو والموضوع خلص مش لسه شغال ولا حاجه نهايته كانت مع نهاية 2019.
3- تعديل اللوايح الانتخابية ... طيب ايه هي اللوايح اللي تم تعديلها؟
1- ان الرئيس اللي هيجي يكون عضو في النادي مش اقل من 20 سنة.
2- انه يكون بيمتلك 15% من ميزانية النادي.
طيب ندخل في الموضوع.
1- ان الرئيس اللي هيجي يكون عضو في النادي مش اقل من 20 سنة.
2- انه يكون بيمتلك 15% من ميزانية النادي.
طيب ندخل في الموضوع.
- فلورنتينو بيريز بنفسه قال في 2015 "شروط الترشيح التي غيرتها هو أن يكون لدي المرشح للرئاسة 20 سنة عضوية بالنادي فقط. وعندما فزت بالرئاسة 2000 لم يسبق أن كان هناك شخص لم يتجاوز الشرط، وكل من رأسوا النادي اجتازو هذا الشرط"
وقال "أما شرط الـ 15% من ميزانية النادي فهذا تطبيقاً للقانون الرياضي 92 حيث ألزم به المؤسسات الرياضية المملوكة للأعضاء (مش الاشخاص زي ما البوست بيقول).هذا أيضاً ينطبق على بيلباو وبرشلونه،أعرف مع نمو الميزانية سيصبح أصعب لكن لست من وضع القانون.".
أكيد خدو بالكم من الجزء اللي قال فيه ان عندما فزت بالرئاسة عام 2000 كل الرؤساء اللي مسكو النادي كانو اعضاء على الاقل لـ20 سنة. طيب مين يا ترى اللي جه ومكنش عضو لـ20 سنة؟ خمن معايا كده؟
لو متعرفش رامون كالديرون فا خليني اقولك مين هو، رامون كالديرون هو الرئيس الوحيد للنادي اللي مكنش عضو لـ20 سنة. كالديرون هو علامة سودة في تاريخ ريال مدريد، عارف يعني ايه الجمعية العمومية للنادي يبقى فيها اعضاء من اتليتكو؟
الماركا ساعتها فضحته وأكدت تلاعبه بنتائج التصويت قبل فوزه بالانتخابات لما دس اعضاء من اتليتكو مدريد في الجمعية العمومية وبرضو ساب النادي برضو مُدان.
بيريز سبق واشار ليه في اجتماعه بالجمعية سنة 2018 لما قال "كان هناك وقت شارك ممثلين لأتلتيكو وأندية أخرى بالجمعية العمومية وكان علي أن أعود لأعيد الأمور لما يجب مرة أخرى"
قرار زي تعديل اللوايح ده مش بيحصل من دماغك او تقرره كده في يوم وليلة، القرار ده لازم يعدي على الجمعية العمومية وياخد نسبة التصويت الاكبر علشان يتوافق عليه ويتم تتطبيقه واعضاء الجمعية مش قليلين علشان الموضوع يتم بالسهولة دي ومحدش هيصوت على قرار زي ده غير عن اقتناع.
اللي البوست بيشير ليه هو ان بيريز غيرها علشان يفرض ويضمن بقائه في النادي وكأنه المالك. لكن الموضوع في الاصل هو الحماية من مسثمرين عرب او صينين واشكال رامون كالديرون.
لما يكون العضو المنتخب خارج من النادي وبقاله اكتر من 20 سنة موجود ده هيسمحله انه يخاف على مصلحة النادي ومش بيريز بس اللي هينطبق عليه الشروط دي لأن في اعضاء من الاغنى في اسبانيا وعلى رأسهم فيسنتي بولودا اللي ناوي يترشح في الانتخابات الجاية.
يعني في حد غير بيريز يمتلك صفات الرئاسة اهو؟ طيب موضوع فوزه بالتذكية عام 2017.اللي البوست بيقول عليها. قولي مين عاقل في الدنيا هيقدر يدخل قصاد رئيس فريقه محقق ثنائية وفي استقرار اداري بشكل رهيب!
فا فوزه كان شيء طبيعي جدًا. اللي بيكتب كلام زي ده المفروض يبقى ليه نظره اوسع ويبص على المنافسين ومؤهلاتهم لقيادة ريال مدريد!
واحد اسباب ان النادي هو الاغنى في العالم وفي الاستقرار الاداري ده هو فلورنتينو بيريز
واحد اسباب ان النادي هو الاغنى في العالم وفي الاستقرار الاداري ده هو فلورنتينو بيريز
واحنا كجماهير مش عايزين غيره حتى بعيوبه لان احنا عارفين مين اللي بره ومحدش مؤهل ولا عنده علاقات مع الانديه زيه.هل فلورنيتنو بحكم مالك النادي زي ما البوست بيشبه؟ بالطبع لا،سقوط الفريق لفترة كبيرة معناه سقوط بيريز واداراته وده شيء مفيش اي مفر منه لانه مش هيكون ليه أي مبررات ساعتها
والفكرة في وجوده كرئيس كمان انه ماشي على نهج سانتياجو بيرنابيو وعايز الافضل دايمًا للفريق حتى لو ليه اخطاء كتير فا طريقه واضح. في السوق عارفين هدفنا الكبير واللي مش هيهدى غير لما يجيبه واقتصاديًا عايز يوقف النادي اكتر واكتر على رجله بمشروع الملعب.
فلورنتينو بيريز لما واحد من الاعضاء طلع يعمل ناصح عليه وقاله اعمل الملعب من فلوسك الخاصة قالهم "الناس الذين يتكلمون اليوم يمكنهم شكري في عام 2000، لم يطلب مني أحد ولم أخبر أحد أخذت قرض بضمان شخصي 147 مليون. فعلت ذلك لأن الدين كان ضخم ولأن الإيراد كان أقل بكثير من المصروفات".
مسألتش نفسك ايه اللي ممكن يكون وقع الفرق الكبيرة الفترات اللي فاتت دي؟
الاجابة هتبقى في نقطتين.
-اقتصاديًا: فرق كتير جدًا وقعت بسبب اقتصادها وانها فضلت تصرف تصرف تصرف بدون النظر لمستقبلها او مين هيكون رئيسها القادم او ايرادتها هتكون ايه.
الاجابة هتبقى في نقطتين.
-اقتصاديًا: فرق كتير جدًا وقعت بسبب اقتصادها وانها فضلت تصرف تصرف تصرف بدون النظر لمستقبلها او مين هيكون رئيسها القادم او ايرادتها هتكون ايه.
يجي رئيس ويمشي يجي رئيس ويمشي والنادي مديون لحد ما الفريق اتدمر وعندنا الميلان كمثال. مين كان يتخيل ان ديون ريال مدريد قبل قرض الملعب ده تكون بالسالب!
- رياضيًا: في فرق كتير معاها الفلوس بس مفيش خطة معينة ماشيين عليها، مدرب فاشل بيتساب في النادي. التشكيلة مكونة من لاعيبة عاهات. ومبقولش ان احنا احسن تشكيلة في العالم بس برضو من الافضل واحتياجاتنا معروفة. في فرق كانت كبيرة وحاليا عايزة تغيير للتشكيلة كاملة بستثناء كام لاعب.
واحد من دراعات بيريز اللي هو جوني كالافات شوفو حسم كام صفقة وقادر يحسم قد ايه . العبقري داف هوبكنسون اللي تم التعاقد لتولي امور التسويق للنادي .. الشخصين دول وزنهم دهب في اي اداراة تانية.
والأهم من ده هو ان النسبة الاكبر مننا كجمهور راضيين بوجوده، وخروجه من النادي مش هيكون غير بإرادته وهيكون بيجهز بديل ليه وهيدعمه علشان يكمل المشوار ويحمي النادي من امثال كالديرون. معاه ريال مدريد واحد من اكتر الفرق اللي عندها استقرار اداري وهو النادي الاعلى قيمة في العالم.
4- بيريز وريال محميين من الاعلام وده سبب قلة انتقادهم - ووجود مستثمر صيني معروف بعلاقاته مع المافيا في مباراة في المقصورة الرئيسية.
- بصراحة مش عارف محميين ازاي من اللي بنشوفو مع كل خساراة ده، الصحافة الاسبانية هي اوسخ حاجه شفتها في حياتي وفي ثانيه بتقلب عليك. ماتش نكسب فيه تخلي الدنيا جنة والريال ينتظره موسم مشرق والماتش اللي بعده مرة واحده بتلاقي نفسك في جهنم.
انا بنفسي كنت بترجم انتقادات كبيرة جدًا للأداراة والفريق ومظنش ابدًا انهم محميين وده ميمنعش ان بيريز فعلا له ناس كتير في الصحافة لكن ده مبيمنعهم ابدًا من انتقاد الفريق.
- مسثمر صيني ليه علاقة بالمافيا، الحاجة الوحيده اللي سمعت كلمة الصين فيها مع بيريز هي كانت مجموعة Firion Investments اللي اتقدمت واشترت Urbaser (وهي احد الشركات الفرعية) لشركة ACS اللي صاحبها بيريز.
ده الموقف الوحيد للمستثمر الصيني اللي اتقال عليه اما علاقة الراجل بالمافيا فا الموضوع مضحك بصراحه لأنك المفروض تدور في تاريخ كل شخص بتتعامل معاه وتعرف اذا كان كويس ولا لا وافتكرو الكلمة دي برضو علشان هنعوزها تحت.
وارجع اقول مفيش مشجع مدريدي ميعرفش ان بيريز بيستقبل ضيوفه في المنصة اثناء المبارات ولو الراجل ده خطر بقى للدرجه دي هل بيريز هيخاطر بسمعته ويحطه في المقصوره الرئيسية للنادي!
5- نجاح بالتذكية ومفيش غير جمهور الكورفاسود بس اللي رافضينه وده سبب عدم دخولهم النادي.
قبل ما اتكلم عايز اعّرف اللي ميعرفش ان اولتراس سور انتمائتهم السياسيه يسارية.
قبل ما اتكلم عايز اعّرف اللي ميعرفش ان اولتراس سور انتمائتهم السياسيه يسارية.
طيب ايه الفرق بين اليميني واليساري بإختصار!
- اليميني: هما الشعبويين بتوع الوطنية والدولة وان الدولة تتحكم في اقتصادها وضد الاستثمار الاجنبي والحفاظ على تقاليد المجتمع اللي دايمًا بنلاقي فلورنتينو بيتكلم فيها عن قيم ريال مدريد وهكذا.
- اليميني: هما الشعبويين بتوع الوطنية والدولة وان الدولة تتحكم في اقتصادها وضد الاستثمار الاجنبي والحفاظ على تقاليد المجتمع اللي دايمًا بنلاقي فلورنتينو بيتكلم فيها عن قيم ريال مدريد وهكذا.
- اليساري: بتوع الهجرة والحريات والانفتاح الاقتصادي. فرض المساواة بين أفراد المجتمع الواحد ودايمًا بيطالبو بتغيير جذري للأنظمة والقوانين على عكس اليمين اللي بيحب الاحتفاظ بها.
ركزو فيهم علشان هنرجعلهم تحت برضو.
- موضوع انه حول ريال مدريد لعزبته دي اتكلمنا عنه بإستفاضه في رقم 3، نيجي الجزء التاني وهو جمهور الكورفاسود اللي انا اول مرة اسمع عنهم بصراحه بس اعتقد اللي يقصده هما اولتراس سور.
- موضوع انه حول ريال مدريد لعزبته دي اتكلمنا عنه بإستفاضه في رقم 3، نيجي الجزء التاني وهو جمهور الكورفاسود اللي انا اول مرة اسمع عنهم بصراحه بس اعتقد اللي يقصده هما اولتراس سور.
هنكرر نفس الاغنيه ونقول ان مفيش مشجع مدريدي ميعرفش ان التراس سور منبوذين في النادي من ساعة واقعة ماتش دورتموند وده السبب الاساسي . والاختلاف بين الاتنين سياسي وفكري مش فكرة معرفتهم انه فاسد والكلام اللي مكتوب ده.
بيريز معروف عنه انه كاره لأعمال الشغب واولتراس سور ف 2014 رسمو على قبر زوجته وكانو عاملين حملة ضده. وكمشجع نفسي يرجعو لكن ده مش موضوعي انا موضوعي اني اقول ان الخلاف مش سبب المذكور في البوست.
واقدر أأكد على ده لاني متابع اللي بيكتبوه على تويتر من زمان وفاهم دماغهم وزي ما فيهم الكويس فيهم حرفيًا هجامين ومشاغبين.
6- نيجي للنقطة اللي سبناها فوق دي وهي انه بيضايق لما يلاقي مشجع لبرشلونة بيتمنى رئيس زيه وطبعًا هو حُر. بيقول انه من اكبر رؤوس الفساد في إسبانيا لدرجة إن فيه صحفي وصفه مرة بإن بيريز هو الفساد في إسبانيا والفساد في إسبانيا يعني بيريز.
- نفس الشخص لما اتسأل في الكومنتات عن قضايا الفساد اللي تم اتهام رؤساء لبرشلونة فيهم ومنهم اللي دخل السجن بالفعل زي ساندرو روسيل قال ان مفيش حاجه تم اثباتها.
طيب منين بيتم التبرير بان مفيش اثبات لحاجه ومنين بتتهم الراجل وبرضو مفيش اثبات لأي حاجه وهدخل على القضايا واحده واحده دلواقتي. طيب بيريز رمز من رموز الفساد في اسبانيا زي ما قال الصحفي اللي منعرفش هو مين ولا ايه انتمائاته اصلًا فا خلينا نشوف ازاي هو رمز من رموز الفساد...
1- عمدة مدريد بنفسها نزلت تويته بتقول فيها انها اغلقت معاه صفقة تبرعات لصالح الخدمات الصحية وبتشكره على انقاذ الارواح.
2- بيان من النادي بيتعاون فيه مع المجلس الأعلى للرياضة لإطلاق مشروع لتوريد وتوزيع الإمدادات الصحية اللي تهدف لمكافحة الوباء!! وان سانتياغو برنابيو هيكون مكان يتم فيه تخزين تبرعات الإمدادات الصحية!
3- مدارس ومؤسسات ريال مدريد الخيرية لمساعدة الاطفال في جميع انحاء العالم في افريقيا وشرق اسيا
4- التبرع اللي عمله للاجئين السورين ومرضى السرطان في 2015 .
5- مباراة خيرية لمساعدة ضحايا زلزال لوركا، والمباراة الخيرية في غاليسيا للمساعدة لتعويض خسائر حادث ناقلة بيريستيج النفطية.
4- التبرع اللي عمله للاجئين السورين ومرضى السرطان في 2015 .
5- مباراة خيرية لمساعدة ضحايا زلزال لوركا، والمباراة الخيرية في غاليسيا للمساعدة لتعويض خسائر حادث ناقلة بيريستيج النفطية.
6- مباراة في سوسييداد بمناسبة ذكرى المئوية للنادي و بدون حصول أيّ يورو من أجل مساعدة ريال سوسيداد ماليًا.
بيريز في مقابلة بعد تحقيق العاشرة لما اتسأل انت حققت كل اهدافك قال "بالطبع لا، لكني أريد أن أهب حياتي لمؤسسة ريال مدريد الخيرية، فبالسن الذي وصلت إليه أود إستغلال إسمي بمساعدة الأطفال، أتذكر طفل جاءنا من بوغوتا (كولومبيا) بإطار الرحلات العائلية الذي ننظمها لمنشآت النادي"
"وبمجرد أن وضع قدمه هنا بدأ يتلفت وعيونه تشع فرحاً "يا أمي أنظري أنا في مدريد..!" هذا الأمر لا ثمن له ..! حين وصلتني الفواتير صعقت،لقد كان رقماً تافهاً " ده اللي قاله الفاسد في المقابلة.
حرفيًا معايا ملف من الموقع الرسمي 90 صفحة، لو فضلت اتكلم من هنا لسنة مش هخلص اللي فيه من المساهمات في المشروعات الخيرية والمساعدة اللي بيمولها بيريز مع النادي. هل كل ده فساد؟
شغال في تجارة الاطفال طيب؟ هل هو مجبر يعمل ده كله؟ طيب مثلا كان مجبر يستقبل الطفل السوري زيد او احمد الدوابشه الفلسطيني في البرنابيو ويدعمهم هما واهلهم بعد الظروف اللي حصلتلهم؟ بيغطي على فساده صح؟
مفيش مشجع في العالم ميتمناهوش في فريقه، واحد هيخليني من انجح واغنى الاندية في العالم وعنده السُلطة والعلاقات اللي تقودني لده بجانب انه هيخليني مستقر داخليًا ومعنديش اي مشاكل.
داهية في اغلاق الصفقات وعنده بعد نظر وبيجهز لمستقبل فخم. طبيعي اي مشجع يتمناه بما فيهم الغريم اللي غرقان في وسط المشاكل الادارية وعدم الاستقرار وخسارته للشباب الصغير اللي فترة نجاح الفريق دي كلها كانت بسبب جيل اللاماسيا اللي طلع رعب اوروبا.
البوست بيقول انه بعد ما اتخرج من هندسة كان عايز يشتغل في السياسة ومظبطتش معاه.
مظبطتش معاه بعد 6 سنين في الحزب الوطني الديموقراطي ، و3 سنين مندوب بالبيئة ، وسنة نائب مدير وسنة مسؤول في وزاراة الصناعة وسنة في وزاراة النقل. وكان في نفس الوقت بيطور في شركتة علشان يخليها من الاكبر في اسبانيا.. هل ده المفروض حد يتم التهكم عليه مثًلا.
- ده بشكل عام كان الجزء الاول من البوست، وفي كذا لينك لقضايا ضد فلورنتينو اتحطوا في الكومنتات هنوضحهم مع بعض.
في كومنتات اتحط 4 لينكات كإثبات لكلام البوست، من الـ4 لينكات دول فيهم واحد بتاع تعديل اللوائح اللي اتكلمنا عليها في رقم 3 فوق .. نيجي للـ التلاته الباقيين .
1- casocastor.net…
1- casocastor.net…
اللينك الاول بيقول ان كان في مشروع اسمه كاستور وهو عبارة عن مصنع لتخزين الغاز البحري في إسبانيا.المشروع كان بين القطاعين العام والخاص دخل في مستثمرين كتير منهم 5 وزراء سابقين وأمين عام سابق واصحاب شركات واللي منهم فلورنتينو اللي يعتبر صاحب واحده من اكبر شركات المقاولات في العالم
المشروع حصل بسبب عدة زلازل في المنطقة وبعدها تم الغائه.
المعهد الكتالوني لحقوق الإنسان رفع حملة قانونية ضد المشروع انه فاشل وفيه اختلاس علشان شركة المقاولات المسؤولة عن المشروع 66% من اسهمها تعود لـ ACS اللي هي شركة بيريز.
المعهد الكتالوني لحقوق الإنسان رفع حملة قانونية ضد المشروع انه فاشل وفيه اختلاس علشان شركة المقاولات المسؤولة عن المشروع 66% من اسهمها تعود لـ ACS اللي هي شركة بيريز.
فا تم بالفعل رفع دعوى جنائية ضد كل المستثمرين في المشروع ومنهم بيريز. وبعد رفعها المحكمة العليا الوطنية رفضتها، فا قدمو شكوى في المحكمة الدستورية الاسبانية فا برضو تم رفضت طلبهم.
وتم تبرئة بيريز ورجال الحكومة المذكورين زي ما ذكرت الـABC وPais فا اللي رفعو القضية هددو بأنهم يوصلو الموضوع لمحاكم الاتحاد الاوروبي فا ربنا معاهم.
لما سألت توماس جونزاليس عنها قالي لا تعطي أهمية كبيرة لحقوق الإنسان الكتالونية وان دي حاجات اترفع فيها دعاوي بس اللي فيها غير مدانين. وطبعًا المحكمة الوطنية غلط والدستورية غلط و البوست والمعهد الكتالوني واللي رافعين الدعوة معاه هما اللي صح.
2- goal.com
- اللينك التاني بيتكلم عن قضية فساد تم استدعاء فلورنتينو بيريز ليها فا خلونا نعرف ايه قضية الفساد دي. اللينك ده من موقع جول اللي هو اقل من انه يعرف او يفهم تفاصيل الحكاية هو مجرد نقل الخبر لما شاف ان في بيان رسمي من ريال مدريد.
- اللينك التاني بيتكلم عن قضية فساد تم استدعاء فلورنتينو بيريز ليها فا خلونا نعرف ايه قضية الفساد دي. اللينك ده من موقع جول اللي هو اقل من انه يعرف او يفهم تفاصيل الحكاية هو مجرد نقل الخبر لما شاف ان في بيان رسمي من ريال مدريد.
بيقول فيه ان الرئيس هيلبي طلب المحكمة بالقدوم وادلاء شاهدته في قضية فساد فا راح كاتب من غير ما يهتم اصلًا في ايه، فا خلونا نشرحها بالمختصر.
في واحد صاحبنا اسمه أليخاندرو دي بيدرو وده خبير كمبيوتر لو بحثت عنه هتلاقي انه مروج كبير وواحد من مؤسيي المواقع الاسبانية الكبيرة وديمًا ليه علاقة بسمعة الناس والشركات والمؤسسات عبر الإنترنت وبيقوم ببعض الخدمات السرية للمخابرات الاسبانية والحكومة والسياسيين ورجال الاعمال وغيرهم.
الراجل ده كان متهم في قضية اسمها قضية بونيكا. ملخص القضية هو اتهامه بتسريب معلومات للمخابرات الاسبانية من مكاتب حزب الشعب (حزب سياسي) بعد ما طلب منه الحزب تحسين سمعة المكاتب العامة في للحزب على الإنترنت.
تم استدعاء بيريز لانه تم الكشف عن رسائل بين الاتنين على انشاء موقع يتكلم باسم ريال مدريد ويبين صورة الادارة بشكل افضل (وده هو بالظبط شغل اليخاندرو) والموقع ده هو البرنابيو ديجيتال (اللي محدش بيفتحه اصلا) فا تم استجواب بيريز عن علاقته بيه وهكذا.
والنادي زي ما قولت ساعتها نزل بيان بينص على "حضور الرئيس للإدلاء بشهادته أمام القاضي فيما يتعلق بالخدمات المقدمة للنادي من قبل شركة أبحاث تحليلية في المجال الرقمي، الذي يملكه أليخاندرو دي بيدرو"
القضية لسه شغاله بس مفيش اي حاجه تربطها بينا والموضوع ميخصناش اصلا، زي ما مثلا شخص يرتكب جريمة فا بيجبو كل اللي اتعامل معاهم قبل كده يسألوه عليه ودي يا سيدي قضية الفساد اللي اتقال عليها في البوست.
3-vozpopuli.com
- اللينك التالت بيتكلم عن شركة بترول مملوكة للمكسيك اسمها "بي ميكس" تم انشائها في 1938 بتعميم أو مصادرة جميع شركات النفط الخاصة والأجنبية والمحلية ساعتها.
- اللينك التالت بيتكلم عن شركة بترول مملوكة للمكسيك اسمها "بي ميكس" تم انشائها في 1938 بتعميم أو مصادرة جميع شركات النفط الخاصة والأجنبية والمحلية ساعتها.
هنرجع لبي ميكس تاني بس الاول نشرح حاجه، اللينك بيقول ان بين عامي 2003 و 2018 تحت حكومات الرؤساء السابقين للمكسيك فيسنتي فوكس، وفيليبي كالديرون، وإينريك بينيا نييتو، تلقت الشركات الفرعية الـ 58 التي تسيطر عليها ACS (اللي هي شركة بيريز) في المكسيك ما لا يقل عن 76 عقدًا عامًا..
بمبلغ 6،766 مليون دولار (حوالي 6000 مليون يورو). العقود دي كانت لمشاريع طواحين رياح، مصافي تكرير ومحطات طاقة وابار نقط وغاز ورادارات على الطرق السريعة الفيدرالية وغيرها من المشاريع العامة والصناعية.. وكل المشاريع دي تمت بالفعل، طيب القضية ف ايه؟
القضية في ان "بينيا نييتو" الرئيس السابق للمكسيك كان صديق شخصي لفلورنتينو بيريز وسبق استقباله في قصر الرئاسة هو بعض اعضاء الحكومة زي وزير الطاقة ووزير الاتصالات والنقل ووزير البيئة والموارد الطبيعية.
في اجتماع بموجبه الاتفاق على أعمال جديدة لشركة ACS (بتاعت بيريز) لتصميم وبناء منصات نفطية في حقلين في ولاية كامبيتشي.
طيب ايه علاقة بي ميكس اللي ذكرناها فوق بالقضية؟
- الفكرة كلها ان ACS بكل فروعها بتقدم خدمات لبي ميكس، لان زي ما قولنا هي اكبر واقدم شركة بترول في المكسيك وهي ملك للدولة مش شركة خاصة.
- الفكرة كلها ان ACS بكل فروعها بتقدم خدمات لبي ميكس، لان زي ما قولنا هي اكبر واقدم شركة بترول في المكسيك وهي ملك للدولة مش شركة خاصة.
في 2018 تم تعيين رئيس جمهورية جديد بدل بينيا نييتو اسمه "أندريس مانويل لوبيز" (وهو شخص يساري حسب اللينك اللي صاحب البوست حطه) وحسب بعض المكسيكين على تويتر فا هو كاره لبينيا نييتو (اللي هو صديق فلورنتينو) من زمان وهيقود بلدهم لكارثه.
بعد وصوله بـ 3 اسابيع فتح تحقيق في فرعين من فروع شركة ACS وعلاقتها بـ بي ميكس. وفتح تحقيق في مخالافات محتملة (مش اكيده) في عقد منحه بينيا نييتو قبل رحيلة من رئاسة الجمهورية بشهر لرئيس شركة (SICE) اللي هي جزء من شركة (SA) اللي بتسيطر عليها شركة (ACS) بتاعت بيريز.
دايمًا الاتهام عباراة عن طرف تعامل مع شركة فرعية من شركات فلورنتينو، فا بيتهمو بيها الراجل. بيريز عنده عشرات المديرين وعشرات الشركات الفرعية التابعه لـ ACS اللي في المكسيك بس يصل عددهم لـ58.
وعنده آلاف الموظفين. ومئات العلاقات حول العالم بكل الاشكال وانواع رجال الاعمال والسياسيين ده غير مجال الكورة. المفروض انه مسؤول ويعرف تاريخ الناس دي كلها واللي هيعملوه علشان يبعد الشبهات عنه صح؟
الحاجه الوحيده اللي اعرفها هي ان المتهم بريء حتى تثبت ادانته، بيقولو مفيش دخان من غير نار بس الحقيقة هي ان مفيش دخان اصلًا مفيش اتهام للشخص بذاته وتورطه في قضية بعينها!
كل المذكور جزء من مشاريع وحاجات بعيده عنه هو كا شخص لوحده ممكن تدين رؤساء ومديدرين شركات شغالين عنده بس متدينوش هو. ومتقنعنينش ان كل مديرين الشركات اللي عنده كويسيين يعني.
بييريز عنده مشاكل مع ناس كتير جدًا بس الاتهام ورفع القواضي حاجة والإدانه حاجه. طول ما مفيش حكم نهائي في قضية تم اثباتها فا انت ملكش الحق في تشويه سمعة حد والكلام بشكل عام مش في بيريز بس.
وانا حرفيًا بحاول اختصر ومش عايز ادخل في تفاصيل تخص قضايا لبرشلونة ولا عاوز اوجع دماغي بيها رغم انها وصلت للسجن، انا بقول اللي يخصني بس.
مفيش اي حكم او اتهام مباشر ليه والمفروض بعد البوست ده نصدق انه راجل مافيا وزعيم عصابة واحد رموز الفساد وانه خلاص زيه زي بلاتر وبلاتيني، مع ان البوست مش موضح غير مدى ذكائه وحنكته وشطارته في مجاله.
وازاي بدأها من تحت وازاي لعبها صح وازاي دلواقتي هو واحد من اغنياء العالم ورئيس اكبر نادي في العالم وكون ريال مدريد في المكانه والانتشار ده فا هو احد الاسباب في كونه كده.
لو كان بالخداع والفساد ده اعتقد مكنش خسر صفقة زي بتاعت نيمار وغيرها من الصفقات اللي بيتم طلب فيها فلوس من تحت التربيزة..
انا اسف جدًا جدًا على كل الكلام ده لو كان حد بالفعل وصل للنقطة دي فا هو على دماغي من فوق. بس كان لازم لازم ارد لان الكلام ده لأن في العادي انا من اكتر الناس اللي بتهتم بيه وبتفاصيله فا ده ملعبي.
البوست اللي رديت عليه اتكتب بمنتهى السطحية ومتاخد من مجموعة عناوين لمواقع وصُحف بدون النظر في تفاصيل صحف تانية. مفيش اسهل من التصّيد وفي امثلة من الكلام ده اتحولت لواقع وبقى بيتردد على لسان الكل زي فرانكو. مساعدات في اول 6 ابطال ، تحكيم، راموس كان بياخد منشطات.
وغيرها وغيرها من الكلام اللي بنشوفو كل يوم لكن لو عايز تعرف الحقيقة كاملة مش هتكتفي بمصدر واحد..
اسف على كل ده وشكرًا جدًا.
اسف على كل ده وشكرًا جدًا.
جاري تحميل الاقتراحات...