ثريد: الخريطة التوافقية: مارلين مونرو و أرثر ميلر 🎥 … #أبراج #خرائط_فلكية
حياة مارلين مونرو العاطفية مليئة بالغموض والتساؤلات وايضاً الاشاعات بجانب انها كانت متعددة العلاقات و لكن من اشهر و اقوي واطول العلاقات في حياتها كانت علاقتها و زواجها من أرثر ميلر الكاتب المسرحي المشهور وقتها. بداية التعارف كانت في سنة ١٩٥١ وتم الزواج في سنة ١٩٥٦ واستمر ٥ سنوات
في احدي المقالات مارلين قالت ان اللي جذبها لأرثر من اول مرة نظرته المختلفة ليها وانه شافها في اطار اكثر جدية وذكاء عن باقي الرجالة في الوقت اللي كانوا بيحكموا عليها في اطار سطحي وهنا الجانب الجوزائي بيظهر بقوة في مارلين اللي عايزة تتشاف او تتشهر بذكائها وده بسبب شمسها الجوزائية.
جدية أرثر تجاهها عاجبتها وده لأن مارلين عندها تربيع بين القمر وزحل في خريطتها ودي دلالة علي الاهمال او عدم اتخاذ احتياجاتها بجدية ولذلك كان صعب تشعر بالأمان ويتم احتوائها بسهولة ومع ظهور أرثر الوضع كان مختلف لأن قمره في الدلو مقترن بقمرها في الدلو وده "الكارت السحري" في علاقتهم.
في الخريطة التوافقية في اتصال "بعينه" بيحرك العلاقة وعلي اساسه بيتحرك كل شئ لو عرفت تحدده بتفهم العلاقة هتمشي ازاي. في حالتهم اقتران قمرها بقمره كان المحرك وده بيظهر في كلامها لدرجة ان في لقاء بعد انفصالهم بتقول ان ارثر شافها في اسوأ اوضاعها، شافها علي حقيقتها ويمكن ده اللي خوفه.
وده اللي بنشوفه عادةً مع اتصالات القمر في الخريطة التوافقية لأن مفيش "فلتر" وفي نسبة قبول وراحة عالية واللي دعم ده كمان ان اورانوس أرثر مقترن بقمرها فهو بشكل او بأخر دفعها تكون "نفسها" بدون قيود، تصنع او خوف. و هنا لازم نقف عند نقطة مهمة+..
العقدة الشمالية وقمر ارثر مقترنين بقمرها وده اجبرها علي اكتشاف جوانب مختلفة من شخصيتها ولو كانت استمرت في العلاقة دي كانت هتتشاف في اطار مختلف وصادق اكتر ولكن ده اتصال صعب عليها لأن من خريطتها هتشوف انها بتسعي للاستقلال ومع ذلك خايفة تستقل وده اللي بيخليها تهرب بدل ما تواجه.
نظرة أرثر لمارلين كان فيها تقدير وجدية وده بسبب زحلها اللي عامل تربيع مع قمره مما دفعه للالتزام تجاهها ولكن مش بالضرورة دفعه لرؤيتها بشكل واقعي واللي دعم ده تربيع الزهرة مع المريخ ونبتون في خريطته. فهو بالفعل عنده تحدياته الخاصة منها انه مش بيقدر يتقبل/يشوف عيوب اللي قدامه بسهولة
من وجهة نظري أرثر في اغلب الوقت حب الفكرة اللي في دماغه عن مارلين ومش الشخص اللي هي عليه بالفعل يمكن يكون تعاطف مع الشخص اللي هي عليه ولقي نفسه فيها وده اللي عمله اقتران قمره بقمرها بجانب ان هو برج #الميزان ف اقتران قمرهم خلاها زي مرايا ليه وعشان كده حصل انتماء وتعلق قوي.
و تقدر تشوف ده في اتصالات زي معاكسة نبتون مارلين لقمره و تربيع زهرتها لنبتونه وكلامها بعد الانفصال عن كونها صدمته وخذلته لأنها ماقدرتش تكون الشخص اللي كان شايفها عليه ومارلين بطبعها "مبالغة" وهتلاحظ ان اغلب لقاءاتها فيها ندم ولوم، يا ندمانة، يا بتلوم نفسها او غيرها وده "نبتون"..
الحقيقة ان مارلين لم تكن الشقراء الحمقاء بالعكس كانت ست ذكية جداً وحاولت تجذب أرثر بعدة طرق خاصةً ان هو وقتها كان مكسر الدنيا في شغله وكان رجل ليه مكانة فهي كانت شايفة فيه "المنقذ" و اللي دعم ده اتصالات نبتون اللي بينهم مع اقتران مريخها للمشتري بتاعه اللي حاسهها انه هيدعم طموحها.
اقتران مشتري ارثر لمريخ مارلين دعم العلاقة ودمرها في نفس الوقت لأنه خلق مصداقية كبيرة بينهم لكن دوافع كل شخص كانت غير واضحة احياناً بسبب معاكسة الزهرة وعطارد لبعض ومعاكسة مريخ ونبتون أرثر لقمر مارلين. في استعداد ودعم وتعاطف بس عشوائي وغير منظم فظلموا بعض بسبب مبالغتهم ومخاوفهم.
مش صعب علي أرثر انه يجذبها لو ركزت في خريطتها هتلاقي عندها المريخ في برج الحوت والمريخ دلالة علي طبيعة الرجل اللي بيعجب الست وهتلاقي ان أرثر عنده اقتران بين المريخ ونبتون في خريطته وده بيمثل الطاقة بجانب ان شمسه هوائية واللي دعم كل ده قمره في برج #الدلو اللي خلاها تميزه عن الباقي
في نفس الوقت مارلين هي انعكاس للمرأة المثالية في عيون أرثر حتي لو هي فعلياً لا مثالية ولا نيلة خاصةً ان زهرته متأثرة بعطارد في خريطته فهو بيبحث عن امرأة متنوعة ومعقدة تخليه يفكر وهي كانت بتمثل ده بشكل رائع بسبب شمس وعطارد #الجوزاء مع هيمنة اتصالات نبتون في خريطتها.
🌟 خريطتهم دسمة وفيها جوانب كتير ولكن هنقف بالثريد لحد هنا. بحب الخريطة دي جداً وعلي عكس ما يقال عن استغلال أرثر لمارلين في مرحلةً ما أو استغلالها ليه بشوف ان في قواسم مشتركة بينهم وان حتي لو كان في "مصلحة" في البداية فيما بعد اتوقع الامور اصبحت اكثر عمقاً و تعقيداً.
عزيزي القارئ احنا لم نتعمق في الطوالع، البيوت او كل الاتصالات. فقط حبيت اركز علي الجانب اللي لفت انتباهي وتقدر تركز براحتك علي اللي يعجبك مفيش قاعدة هنا. الثريد دي مش بتتكلم عنك او عن علاقتك بفلان حتي لو توافرت نفس الاتصالات والاماكن كل علاقة ليها حكايتها :)
بحبكم أبطالي 🦄💜
بحبكم أبطالي 🦄💜
جاري تحميل الاقتراحات...