ثانياً: أنواع القهوة كثيرة ولها تفاصيل وأدوات عجيبة وأنواع فيها كهرباء ساكنة وخليني ساكت! فقط اعرف هذه المعلومة؛ القهوة بشكل عام نوعين؛
١- قهوة سريعة التحضير مثل النسكافيه (ملعقة قهوة في الكوب وعليه مويه حارة وتقلب وخلاص).
٢- قهوة تحتاج مكينة أو ورق يفلتر الشوائب.
١- قهوة سريعة التحضير مثل النسكافيه (ملعقة قهوة في الكوب وعليه مويه حارة وتقلب وخلاص).
٢- قهوة تحتاج مكينة أو ورق يفلتر الشوائب.
النوع الثاني؛ يحتاج مكينة جيدة وهذه متوفرة في السوبرماركت أو محلات الأدوات الكهربائية مثال النوع الموضح في الصورة والي يسوي قهوة سودا بدون حليب وخرابيط.
رابط المنتج؛ xcite.com.sa
رابط المنتج؛ xcite.com.sa
ميزة المكينة هذه إنه فيها فلتر مدمج فما يحتاج إنك تغير الفلتر كل فترة فقط يحتاج تنظيف عادي بالماء. ولا تحتاج ميزان وتجلس تصب القهوة ببطىء لين تطلع باردة ومالها طعم وما يحتاج يكون عندك ثلاثة مليون جهاز وتجلس تسحبهم معاك كل ما جيت تسوي قهوة عادية!
بالنسبة لي ماركة Flogers ألذ وأجمل وأقل مرارة ولكن قهوة ماكسويل جميلة كذلك ولكن مرارتها عالية.
ممكن تستخدم أي نوع قهوة ثاني مع المكينة سواء من ستاربكس أو دنكن أو حتى قهوة مختصة من أي محل يعجبك في حال كنت فاهم في عوائل القهوة وتعرف المحاصيل ودرجات نعومة القهوة والإيحاءات العطرية والقوام ومدى الفاكهية في حبات القهوة وبعد كم بالضبط المحصول يكون مناسب للاستهلاك!
أحب القهوة ومؤخراً تركت شرب الحليب ومشتقاته وأعتقد هذا حسن صحتي بشكل عام وجعل استمتاعي بالقهوة أكثر!
جاري تحميل الاقتراحات...