١. نبتون كوكب متعلق بالخداع والاحلام فلما نشوفه في البيت ١ بنعرف ان الشخص حياته سهل تتحول "لخدعة كبيرة" وده بيحصل بطرق مختلفة علي حسب وضع كل شخص. ولكن اغلب الاشخاص دي يا بتتعرض للخداع يا بتكون ضحية وضع او شخص او ظرف خارج عن اراداتها وبتفضل متحملة الذنب ده لفترة وطبعاً مش كلهم.
٢. من وجهة نظري نبتون في البيت ١ بيمنح الشخص السحر الذي لا يقاوم والمكانة اللي كله بيحلم بيها ولكن كل ده مصحوب بمعاناة داخلية غير واضحة للأخرين وعشان كده بشوف انهم اكثر الاشخاص عرضة للحسد والسحر والكذب لأن بيمثلوا "النموذج المثالي" اللي كله بيحلم بيه حتي لو ده حرفياً مش حقيقي.
٣. الشخص هنا تركيزه مش عالي فبسهولة هتلاقي انه بيجذب علاقات او احداث تشتته فيبدأ ينسي هو بدأ بعض الامور ليه او اتعرف علي فلان ليه او طبيعة الهدف اللي عايز يحققه؟ بيضيع فجأة وبيبدأ يشك في اهدافه وتوجهاته خاصةً لو شمسه او مريخه وضعهم ضعيف هيعاني من نقطة مماثلة.
🌟 دي بداية سلسلة ثريدات جديدة بتتكلم عن التحديات المتعلقة بنبتون في كل بيت في نقط مختصرة وبسيطة. طبعاً مش سلسلة ايجابية للغاية ولكن الهدف منها التنبيه لبعض النقط اللي تقدر تبدأ منها وتتعمق فيما يتكيف مع وضعك و خريطتك وطبعاً صعب الكلام ينطبق علي الجميع لأن الكلمة الأخيرة للخريطة.
🕊 تعريفك للأمور معتمد علي تجربتك و نظرتك لو عايز تعرف الحقيقة ابحث عنها بنفسك و حاول توصلها بدل ما تنتظر انها توصلك لأن كل اللي بيوصلك هو جزء او جانب من الحقيقة لكن الأكيد مش كلها..
جاري تحميل الاقتراحات...