اللي فاضي يقرأ القصة بهالثريد ليعرف أن قدرة الله تفوق كل قوة خارقة ..
هذا شاب مراهق ساكن في قرية مع أمه وأبوه واخوه الكبير .. العائلة حالتهم ميسورة وماشية .. بيوم من الأيام قدّر الله وتوفى أبوه في حادث واضطر أخوه الكبير يشتغل عشان يصرف على أهله وبعد مدة تعب أخوه الكبير واضطر يتعالج في مستشفى خارج القرية اللي يبعد عنهم ٣٠٠ كيلو ..
بعد ما راح أخوه وسكن بالمدينة، تكاليف العلاج غالية وعشان يكون قريب من المستشفى اقترحت أمهم وقالت احنا لازم نطلع من القرية ونسكن عند أخوك عشان أتطمئن وارتاح ونساعده بالمصاريف وأصلاً بعد ما توفى أبوك ماعاد لنا مصلحة هنا لذلك راح نبيع البيت عشان نقدر نستأجر ونصرف لين الله يفرجها
المهم قرروا يعرضون البيت واشتراه واحد من خارج القرية بمبلغ ٥٠٠ ألف وقال له الشاب ودّي تعطينا ٢٠٠ ألف هالأسبوع لأني مضطر أروح لأخوي وأدفع تكاليف علاجه وبعد ما نفرغ صك البيت تعطينا باقي الفلوس قال تمام
المهم أخذ الولد الفلوس كاش وراح لمواقف الكدّادين يبحث عن واحد يودّيه للمدينة وحصل كداد وقاله ابغاك توديني وبعطيك حق ربع أشخاص بشرط نمشي الآن لأني مستعجل قال اوك، وركب هو وياه ومسكوا الخط وبنص الطريق !
قعد يسولف الولد مع الكداد وعلمه قصته وان معه ٢٠٠ ألف كاش، وسوس ابليس بالكداد ونوى يغدر بهالولد عشان ياخذ الفلوس اللي معه !
يوم وصلوا نص الطريق وبعد ماغابت الشمس وقّف الكداد على جنب قال دقايق بس بقضي الحاجة وأجيك نزل من السيارة وفجأة فتح باب الراكب وباغت الولد وطعنه في صدره عدة طعنات لين طاح الولد بالأرض وهو ينزف دم ويصارع الموت ومشى وخلاّه وراجع للقرية ولا كأنه سوّا شيء
بعد ما رجع الكدّاد للقرية حصل مجموعة من الركّاب يبغون يروحون مع نفس الخط وأخذهم معه بالسيارة وهو راجع مع نفس الخط يوم وصل مكان الجثة حب يتأكد إنه فعلاً مات ! بعد ماوصل المكان قال للي معه خلوكم بالسيارة بقضي الحاجة وبرجع لكم ،
بعد وصل مكان الجثة حصل الولد ينزف دم ومازال حي وبسكرات الموت، قعد يبحث عن حجر كبير عشان يضرب فيه راسه ويتخلص منه !
وبعد ما حصل حجر الكبير ورفعه عشان يضرب راسه وهو بالليل طلع له هاام "ثعبان كبير" تحت الحجر اللي شاله وعضّه برقبته ومات الكداد في ثواني !
وبعد ما حصل حجر الكبير ورفعه عشان يضرب راسه وهو بالليل طلع له هاام "ثعبان كبير" تحت الحجر اللي شاله وعضّه برقبته ومات الكداد في ثواني !
بعد ربع ساعة نزلوا الركاب يبحثون عن الكداد واذا بالمفاجأة لقوه ميت وعنده ولد مازال حي وينزف ! اخذوا الجثة والولد مباشرةً للمستشفى وأخذ شهرين وصحى الولد وبلغهم بالقصة اللي صارت معه وبعد كم شهر تعالج وشفاه الله من الموت
وبعد فترة طلع خرج أخوه من المستشفى واللي اشترى بيتهم عرف القصة واعطاه كامل المبلغ هدية وسلّم لهم البيت وكمل حياته الولد واستثمر الفلوس اللي معه وكتب الله له رزق وأصبح يملك محلات ثم أسس شركة ووصلت قيمة شركاته بالملايين وعاش حياته ومازال حي وموجود
بنهاية القصة اذا كتب الله لك الحياة والرزق اعرف انها ستكتب لك ولو حال بينك وبينهم الموت .. انتهت
جاري تحميل الاقتراحات...