رتبها

#التوافقية 🌱
توضح #الخريطة_التوافقية الانسجام الاتفاق و الراحة بالعلاقة روحياً فكرياً نفسياً و جنسياً او العكس ، الرفض عدم الراحة و النفور من العلاقة ، حتى انها توضح كيف ممكن تكون احداث هذه العلاقه كيف تبدأ و كيف ممكن ان تنتهي .

تعطي #دلالات كثيرة ليس فقط للاحباء او الزوجين ، حتى الصداقه او الاخوات او حتى بين الاب و ابنه او الام و ابنتها ، لكن هنا سأسلط الضوء على علاقه #الحب و #الزواج .

اولاً سوف اذكر بعض #الاتصالات للكواكب نفسها يعني كواكب أ مع كواكب ب ، و طبعاً لان الموضوع عميق و طويل رجاءً اي اتصال ايجابي عندكم وما لاحظتوا اثره الحلو بعلاقتكم قد يكون فيه اتصال سلبي اقوى من هالاتصال الايجابي و مخلي العلاقه صعبة .

بعدين نشوف كواكب أ في بيوت ب وهالشيء اهم و اقوى و اعمق بكثيررر من اتصالات الكواكب نفسها .

من احلى الاتصالات العميقة جداً بين
#الشمس و #القمر
#الشمس و #الزهرة
#الزهرة و #القمر
بعدهم اتصالات جميلة جداً برضو
#المشتري و #الزهرة
#المشتري و #القمر
#المريخ و #الزهرة
#المريخ و #القمر

لما #الشمس اقتران مع #الشمس او بينهم تثليث او تسديس ، تعطي علاقة مليانه حب و تفهم و انسجام ، تعطي العلاقة توافق و تشابه نفس الاهداف نفس الرغبات كل واحد يشوف الثاني نسخته الحلوة الممتعة ، تعطي شويه تحدي بينهم كتنافس لكن بحب و متعة ،و طبعاً #الاقتران اقوى .

#الشمس اقتران #القمر هالاتصال رهيب يعطي انجذاب قوي و تعلق روحي صاحب #الشمس ينجذب لصاحب القمر اكثر يحب روحه و داخله يرتاح معاه مره و صاحب #القمر ينبسط كثير مع صاحب الشمس و شخصيته تسعده ، بينهم توافق روحي و كل واحد يكمل الثاني .

و من اجمل و اعمق الاتصالات لما #القمر اقتران او تثليث او تسديس لكن الاقتران اقوى بكثير تكون علاقتهم عميقه جداً ارواحهم مرتاحة مع بعض و كل واحد يفهم شعور الثاني بدون ما يتكلم يفهم زعله و فرحه او ضيقته بدون ما يتكلم لدرجة لو واحد بحاله بكاء يبكي معاه الثاني ، ما يفرقهم الا الموت.

👆🏻 هذا الاتصال من قوته لو صارت بينهم مشاكل او خريطتهم فيها سلبيات تأثر ، وجود هالاتصال يجبرهم يرجعون لبعض رغم كل اللي صار ، يغفرون لبعض و يتغاضون لان ارواحهم تبغى الرجوع ، هنا التثليث اهم من الاقتران في هالشيء .

#الشمس اقتران #الزهرة او تثليث او تسديس ، هالاتصال فيه هاله جذب خطيرة و انسجام يستمتعون سوا بأي شي صاحب #الشمس و معجب جداً بصاحب #الزهرة عاشق جماله و مظهره و يستمع بشوفته و يحب يقضي معاه كل الوقت و صاحب #الزهرة يحس بالمتعة و السعادة معه ايضاً ، لو انفصلوا تسود الدنيا بعينهم .

اما لو #الشمس تربيع #الزهرة هنا فيه انجذاب برضو و تعلق و حب لكن تصير بينهم مشاكل لان متعه كل واحد تختلف عن الثاني و ممكن يسبب حب مبالغ يسبب غيره و تملك و يكون #الشمس خانق #الزهرة بحبه المبالغ و غيرته .

#الشمس و #عطارد اقتران او تثليث او تسديس تكون العلاقة جميلة متوافقين فكرياً نفس التفكير و حوارهم سلس و محترم و ينتهي بود دائماً يكون كل شخص ملهم و مساعد و داعم للاخر خططهم متوافقه و ترضيهم .

اما لو #القمر و #عطارد اقتران او تثليث كل واحد كأنه يقرأ افكار الثاني ، كل واحد يفهم الثاني وش يفكر فيه و ايش يخطط يفهم مشاعره و يفكر في شعوره و ارتباطهم فكري جميل مراعين لشعور بعض لانهم يفكرون قبل يقدمون على اي خطوة للثاني كل واحد يفكر كيف يسعد الثاني .

#القمر و #المريخ اقتران او تثليث او تسديس هالاتصال يخلي الطرفين منجذبين بشكل عجيب لما يتقابلون كأنهم يفللون طاقتهم ، ينحذبون لبعض و يعطون هاله توافق جنسي ، اللي يشوفهم يقولون لايقين لبعض بشكل عجيب ، هم الكابل اللي كل واحد يحارب عشان الثاني .

#القمر و #الزهرة اقتران او تثليث او تسديس هنا العلاقة تجعلهم متوافقين عاطفية كل واحد يحب طريقة حب الثاني ، يعبرون عن حبهم لبعض بمتعه و بسهولة ، مع بعض يكونون في اقسى متعهم و جمالهم الداخلي هم الكابل اللي كأن الحب زادهم جمال و جاذبيه .

كذا يكفي اتصالات للكواكب نشوف الحين كواكب الطرف ببيوت الطرف الثاني و اهم و اقوى بيوت و مرة مؤثرة الاوتاد طبعاً و اهمها #الطالع و #السابع بما ان الثريد لتوافق الكابل .

#القمر لك في #الطالع للشريك ، تحس مزاجك و مشاعرك تتأثر فيه دايم تحس بالامان العاطفي ، تعرفون كيف تريحون بعض عاطفياً ، يحسون براحة قوية وهم مع بعض ،يكون بينهم وفاء و اخلاص داخلي حقيقي وفي حتى من وراك .

#القمر لك في #الرابع للشريك ، يخلي شريكك يظهر رغبته في انه يعيش معك و يؤسس معك عائلة ينجذب لك لان بينكم تشابه في التربية او يرتاح معك لانك تشبهين شخصية امه، يحب حنيتك عليه و يحس بالامان معك والراحة ، يحب يساعدك في امور البيت و يقضي كل وقته معك ، صاحب البيت برضو نفس المشاعر .

#القمر في #الخامس يوفرون لبعض المتعة والرومانسية، صاحب #القمر يهتم اكثر لذلك الشريك متعلق فيك لدرجة رغبته في رؤية اطفالكم تظهرون رغباتكم بصدق و حب ، الشريك معك يكون مرتاح وعلى طبيعته ويتصرف كالطفل من سعادته و ممكن يكون بينكم هوايات مشتركة ، كل واحد يحس انه محظوظ بالثاني .

#القمر في #السابع القوة العاطفية بينكم تسرع زواجكم، كل واحد يشوف الثاني فارس احلامه اللي يتمناه ، علاقة نقية وصادقة و كل واحد يكمل احتياج الثاني ،صاحب البيت يحس بالشراكة و غريزياً يعبر عن حبه و يشارك شريكه كل شيء و علاقتهم واضحة و نقية و يعتبر مؤشر ع انتهاء العلاقة بالزواج.

#الزهرة لك في #الثاني للشريك ،انت تستمتع بتقديم الهدايا له ، بنفس الوقت تقوي تقديره للمال و تفهمه جمال امتلاك الممتلكات ايضاً العكس صاحب البيت يصرف عليك بإنفاق و يبي يسعدك و يهتم بمتعتك وجمالك،و يكون كل واحد يجذب للثاني المال ، نسميهم وجهم خير على بعض .

نشوف اقسى و اكثر الاتصالات ألماً للعلاقة و متعبة جداً جداً مو شوي ، تخص البيوت الثامن و الثاني عشر على وجه التحديد .
برضو اتصالات بعض الكواكب .

#زحل مع #الشمس او #زحل مع #القمر تربيع او اقتران ، هالاتصال من اصعب الاتصالات ، صاحب زحل دايم يقسى على الثاني و جاف معاه و متقلب في تعامله ، ممكن ينجذب لفكره و نافر في مشاعره ، حتى لو يستمر معاه لفترة إلا ما يجي يوم و صاحب زحل يترك العلاقه ، نهايتها انفصال حتى لو انفصال وجداني

#الزهرة و #عطارد تربيع او تقابل هنا العلاقة فيها ضغوط عاطفية و مشاكل ، صاحب #الزهرة يبي مشاعر و افعال تثبت الحب و الاهتمام و صاحب عطارد يعبر عن حبه فقط بالكلام ، و ممكن برضو صاحب #الزهرة ينفر من ألفاظ و اسلوب حوار شريكه .

#الشمس لك في #الثامن للشريك ، انت متعلق بالشريك بشكل جنوني و يؤلمك تعلقك فيه رغم اهماله و ما يبادلك المشاعر ، انت تساعده يفهم دروس بالحب ويحب حبك له واهتمامك لا اكثر ، انت بتتألم بأعمق نقطه بداخلك مهما حاولت تنساه وتبعد تنجرح اكثر واذا قربت تنجرح لانك اهنت نفسك .

#زحل الشريك في #الثامن لك ، هنا العلاقة فيها صعوبة ولا تُحتمل برود صاحب زحل في الحب و العلاقة الحميمية كأن كل شخص في عالم ثاني ، صاحب زحل يستغل مخاوفك و ممكن يستغلك مادياً او يفضح اسرارك ، وجوده بحياتك درس قوي تتألم منه عشان تفهم ، اذا #المريخ يعطي خيانه مؤلمة .

#زحل في #الخامس صاحب البيت يحس انه يضيع وقته معك ، يشوفك بطيء في العلاقة و ممل ولا عندك تميز فيبدأ يهرب منك، العلاقة معرضة للخيانه او انه يدخل بعلاقة ثلاثية ممكن يكمل معك لاجل متعته فقط ، صاحب زحل يندم و ينقهر انه اعطاه من وقته ولانه يبي يطور العلاقه بثبات و يشوفه طفولي جداً

ما ودي انهي الثريد بأتصال سلبي 😅
#المشتري في #العاشر هنا صاحب المشتري يحب لك الخير دايم و يدعي لك و يدعمك بحب في طموحاتك و اهدافك يقدرك و يساعدك تقوى و تبني نفسك مهنياً ، وجوده بحياتك يرفع طاقتك و يشهرك في محيطك يسعى لمساعدتك بتحقيق اهدافك يعطيكم هاله كابل معروفين بمحيطكم .

كذا انتهي الثريد و يارب اكون امتعتكم ، رجاءً لا تعطون الاتصال اللي انطبق عليكم اهمية كبيرة لان :
#اولاً تعاملكم و تضحيتكم و تغيركم يغير مصير العلاقة
#ثانياً اتصال ايجابي قوي يمحي اتصالين سلبية يعني باقي خريطتكم تحكم .
#ثالثاً انا اتمنى لكم كل الحب و المتعة
دمتم بسلام🙏🏻🌙

اما لو #المريخ و #الشمس او #القمر تقابل او تربيع يعطي العلاقة صعوبة تفاهم او توافق في الشخصيات كأن هالاتهم متضاربة ، حتى لو بينهم انجذاب يكون مؤقت لان يخرب علاقتهم العناد و كل واخد يبي يمشي كلمته على الثاني حتى لو يحبون بعض مصيرهم انفصال .

🤚🏻❌ لا احلل لاي شخص يستخدم تغريداتي في تحليلاته و ينسبها لنفسه .
حافظوا على الكارما في حياتكم كل شيء يعود لكم جيد ام سيء .

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد