إزيكم. زي ما كتبت من فترة إني شغال على فكرة بروجكت أحاول اجمع فيه كل المهتمين بالفوتبول ارت وحابين يعملوا حاجة او مستنين اللي يزوقهم.
النهاردة بإذن الله هتكون البداية، بفكرة بروجكت هيكون اسمه #بوستر_كورة - فكرة البروجكت باختصار إن كل اسبوع هختار كلمة متعلقة بكرة القدم وكل واحد يسرح بخياله ويشتغل على بوستر يعبر بيه عن الكلمة دي من وجهة نظره بتمثله مين أو إيه.
الهدف الاساسي من البروجكت اننا نخلق مساحة نشجع بيها المهتمين بالكورة من جرافيك ديزاينر او رسامين، وانا بحكم عملي وخبرتي من الشغل مع أندية كتير أوروبية وعربية ومصرية هحاول اوجه الناس ببعض النصايح اللي تساعد انهم يطوروا من نفسهم من خلال البروجكت دا.
والهدف التاني نحاول نكسر حالة الممل اللي الكل بيمر بيها بسبب الظروف الحالية بشكل مفيد ونمرن ونشجع نفسنا، وفي الأساس عشان تكون جرافيك ديزاينر فأهم حاجة التمرين المستمر او كما يقال Practice makes perfect ...
البروجكت هيكون كل يوم جمعة، هكتب كلمة أو موضوع بوسترالاسبوع عندي على تويتر وعلى صفحة الفيسبوك في الأول، وكل اسبوع هجمع شغل كل اللي شارك بوستره على هشتاج #بوستر_كورة على اكونت انستجرام instagram.com واعمل منشن لكل واحد ببوستره
..وهكذا لحد ما الاكونت يجمع كل اللي مهتمين ويكون مساحة للناس تتفرج وتشوف شغل كل اللي شاركوا، والبوستر مش شرط يكون نوع معين او اتجاه معين، ممكن حد يعمل رسمة وحد تاني يعمل ديزاين، معاك مساحتك وانطلق وكل اسبوع نوع زي ما تحب.
كلمة الأسبوع دا هتكون الأعظم بالنسبالك بتاريخ كرة القدم؟ مين الGOAT بقصتك كمشجع للكورة؟ بعيد عن رونالدو وميسي؟
إنطلق وورينا ابداعك وبعد ما تخلص نزل البوستر على الهشتاج #بوستر_كورة ولو انتسجرام اعمل منشن او تاج للاكونت واكيد تعمل فولو من دلوقتي!
إنطلق وورينا ابداعك وبعد ما تخلص نزل البوستر على الهشتاج #بوستر_كورة ولو انتسجرام اعمل منشن او تاج للاكونت واكيد تعمل فولو من دلوقتي!
ودا لوجو بوستر كورة لو حابب تضيفه لبوسترك: imgur.com - ويفضل يكون مقاس البوستر مربع.
ومع الوقت هحاول واسعى اني انشر شغل الناس دا في أي مكان سوء موقع رياضي او نادي من الاندية .. مستني مشاركتكم ?
ومع الوقت هحاول واسعى اني انشر شغل الناس دا في أي مكان سوء موقع رياضي او نادي من الاندية .. مستني مشاركتكم ?
ولو حد عنده أي سؤال يبعتلي وممكن بكرة أطلع لايف نتناقش لو حابيين
جاري تحميل الاقتراحات...