ازاي لوكا مودريتش غير مفهوم نص الملعب للأبد ؟
أولا قبل ما ابدأ أحب انوه ان كل الاسماء وكل الحاجات اللي هتتذكر في البوست ده لا تمت لزين الدين زيدان بصلة لانه بكل بساطة يحلق وحيدا كأفضل لاعب وسط ملعب مر على البشرية.
أولا قبل ما ابدأ أحب انوه ان كل الاسماء وكل الحاجات اللي هتتذكر في البوست ده لا تمت لزين الدين زيدان بصلة لانه بكل بساطة يحلق وحيدا كأفضل لاعب وسط ملعب مر على البشرية.
اول حاجه حابب اتكلم عليها هي كواليتي مودريتش، كواليتي عند لاعيبة تتعد على الصوابع في تاريخ الكورة في نص الملعب .. انيستا ، بيرلو ، تشابي الونسو وممكن تشافي هيرنانديز .. حد غيرهم ؟ معتقدش خالص
مودريتش مش انيستا هيرقص الفريق كله وبعدين هيضرب الدفاع بثرو، برضو هو مش بيرلو يجيب 15 فاول في الموسم ويقدملك تمريرات طويلة مذهلة ، مش تشابي ألونسو او تشافي بال vision العظيمة اللي عندهم .. لوكا هو كل دول في بعض ، اضربهم في الخلاط هيطلعلك مودريتش.
مقصدش انه بيعمل كل اللي هما بيعملوه زيهم، بل بالعكس لوكا ميتفوقش على ولا واحد من اللي انا ذكرتهم فوق في نقطة قوته ، بس هو بيعمل كل الحاجات دي ، بيعملها فوق الأفريج بمسافة بدون ما يظهر العيوب اللي كانت عند اللاعيبة دي عنده.
هو مراوغ عظيم، passer ممتاز، مسدد جيد جدا ، زيد عليهم الورك ريت الرهيب اللي مفيش ولا لاعب نص ملعب في تاريخ الكورة عنده الورك ريت بتاع لوكا، شخص تتبني عليه أساليب لعب الحاله الهجومية وهيأديها بكفاءة، هتطلب منه يساند المحور ويغطي ورا الأطراف ويغلق زوايا التمرير هينفذ ده بامتياز
المجهود البدني اللي بيبذله من يوم ما جه الفريق انا والله متأكد ان لاعيبة شباب كتير ميقدروش يبذلوه في كل ماتش، 120 دقيقة في جده ضد أتليتيكو مدريد بياكل الملعب وبيجري من اليمين للشمال ويهاجم ويدافع وهو عنده 35 سنه.
.
.
فوق سن ال 30 لوكا لعب 3 نهائيات دوري أبطال أوروبا، ال 3 ماتشات دول هم من أفضل 5 ماتشات ليه في تاريخه، والاتنين التانيين نص نهائي 2017 في الكالديرون ضد أتليتيكو وماتش الأرجنتين في كاس العالم، في حياتي مشوفتش big game player زي مودريتش
ارجعوا لأعظم ماتش في تاريخه في نهائي كييف وشوفوا مودريتش بيعمل ايه، مودريتش بيعلم ال 21 لاعب اللي كانوا في الملعب من الفرقتين يعني ايه كورة ويعني ايه لاعب نص ملعب.
يوم تتويج لوكا بالبالون دور هو اليوم الوحيد اللي حسيت فيه في حياتي إن الكورة منصفة، كمية الفرحة اللي فرحتها اليوم ده تساوي جبال، مش عشان انا بحبه ، لا لانه يستحقها، يستحقها عشان مسيرته وكل اللي قدمه
يستحقها عشان الموسم اللي خد فيه دوري أبطال ووصل منتخب زي كرواتيا النهائي في معجزه لن تتكرر في بطولة كان هو أفضل لاعب فيها على عن جدارة واستحقاق ، وفي عمر 34 سنة.
يمكن اللي باقيله مش كتير، بس اكيد اللي هو سابه كتير وكتير وكتير .. يعد زين الدين زيدان وأندريس انيستا لوكا مودريتش هو أفضل لاعب لمس الكورة في نص الملعب حتى يومنا هذا.
فيه اللي شايفني بأڤور، واللي شايفني يطبله بس في الوقت اللي هيبقى لوكا مودريتش فيه قاعد في البيت بعد الاعتزال هتعرفوا ان كل حرف صح، واننا في حضرة لاعب فارق بمسافة عن باقي جيله، ساحر أشقر، موسيقار الأرض لوكا مودريتش.
انتهى.
انتهى.
جاري تحميل الاقتراحات...